അഹിവിത ബന്ധം ആരോപിച്ച് മൂത്രം കുടിപ്പിച്ചു; യുവാവ് ആത്മഹത്യക്ക് ശ്രമിച്ചു

സഹാറൻപുർ: ബലം പ്രയോഗിച്ച് മൂത്രം കുടിപ്പിക്കാൻ ശ്രമിച്ചതിനെ തുടർന്ന് യുവാവ് ആത്മഹത്യക്ക് ശ്രമിച്ചു. ഉത്തർപ്രദേശിലെ സഹാറൻപുരിലെ ഇന്ദിര കോളനിയിലാണ് സംഭവം. 

യുവതിയുമായി അവിഹിത ബന്ധമുണ്ടെന്ന ആരോപണത്തെ തുടർന്ന് ഗ്രാമപഞ്ചായത്താണ് പ്രാകൃത ശിക്ഷ യുവാവിന് വിധിച്ചത്. ആത്മഹത്യ ശ്രമിച്ച യുവാവിനെ പ്രദേശത്തെ ആശുപത്രിയിൽ പ്രവേശിപ്പിച്ചു. 

തനിക്ക് യുവതിയെയോ യുവതിക്ക് തന്നെയോ അറിയില്ലെന്നും അവരുമായി അവിഹിത ബന്ധമില്ലെന്നും യുവാവ് മാധ്യമങ്ങളോട് പറഞ്ഞു. തന്‍റെ ജീവന് ഭീഷണിയുണ്ട്. സംഭവത്തിൽ പൊലീസ് നടപടി സ്വീകരിക്കണമെന്നും യുവാവ് ആവശ്യപ്പെട്ടു. 

സംഭവത്തിൽ പൊലീസ് അന്വേഷണം ആരംഭിച്ചതായി സഹാറൻപുർ എസ്.പി ബബ് ലു കുമാർ പറഞ്ഞു.