പിടിച്ച പാമ്പിനെ കഴുത്തിൽചുറ്റി പ്രദർശിപ്പിക്കുന്നതിനിടയിൽ കടിയേറ്റ്​ യുവാവ്​ മരിച്ചു

മുംബൈ: ജനവാസമേഖലയിൽനിന്ന്​ താൻ പിടിച്ച പാമ്പിനെ ആളുകൾക്കുമുമ്പിൽ പ്രദർശിപ്പിക്കുന്നതിനിടയിൽ കടിയേറ്റ്​ യുവാവ്​ മരിച്ചു. താനെയിലെ മുംബ്രയിൽ സഞ്​ജയ്​ നഗർ പ്രദേശത്തുവെച്ച്​ പിടിച്ച പാമ്പിനെ പ്രദർശിപ്പിക്കുന്നതിനിടയിൽ കടിയേറ്റ്​​ 28കാരനായ മുഹമ്മദ്​ ഷെയ്​ഖ്​ ആണ്​ മരിച്ചത്​.

പാമ്പിനെ പിടിച്ചശേഷം ആളുകൾക്കുമുമ്പിൽ പ്രദർശിപ്പിക്കുകയായിരുന്നു യുവാവ്​. അതിനിടയിൽ പാമ്പിനെ സ്വന്തം കഴുത്തിൽ ചുറ്റി ഇയാൾ മാർക്കറ്റിൽ ആളുകൾക്കിടയിലൂടെ നടന്നു. ഈ സമയത്താണ്​ മുഹമ്മദ്​ ഷെയ്​ഖിനെ പാമ്പ്​ കടിച്ചത്​. മൂന്നുതവണ ഇയാളെ പാമ്പ്​ കടിച്ചതായി പൊലീസ്​ പറഞ്ഞു.

പ്രദർശനം തുടരുന്നതിനിടയിൽ ഇയാളുടെ സുഹൃത്തുക്കൾ ദൃശ്യങ്ങൾ കാമറയിൽ പകർത്തുന്നുണ്ടായിരുന്നു. അൽപസമയത്തിനുശേഷം അസ്വസ്​ഥത അനുഭവപ്പെട്ടു തുടങ്ങിയ യുവാവിനെ അടുത്തുള്ള ആ​ശുപത്രിയിലെത്തിച്ചെങ്കിലും അപ്പോ​േഴക്കും മരിച്ചിരുന്നു. മുംബ്ര പൊലീസ്​ അപകട മരണത്തിന്​ കേസെടുത്തു.