പാമ്പിനൊപ്പം പുതുവത്സരം ആഘോഷിച്ചു; യുവാവ് പാമ്പ് കടിയേറ്റ് മരിച്ചു

ചെന്നൈ: പാമ്പിനൊപ്പം പുതുവത്സരം ആഘോഷിച്ച യുവാവ് പാമ്പുകടിയേറ്റു മരിച്ചു. കടലൂർ സ്വദേശി മണികണ്ഠനാണ് മരിച്ചത്. കടിച്ച പാമ്പിനെ സഞ്ചിയിലാക്കി ആശുപത്രിയിലെത്തിച്ച സുഹൃത്തിനെയും പാമ്പു കടിച്ചു. പുതുവത്സരത്തലേന്നാണ് സംഭവം.

ആഘോഷത്തിനിടയിൽ മദ്യലഹരിയിലായിരുന്ന മണികണ്ഠന്‍റെ അടുത്തേക്ക് പാമ്പ് ഇഴഞ്ഞു വരുകയായിരുന്നു. പുതുവത്സര സമ്മാനമാണ് എന്ന് പറഞ്ഞ് യുവാവ് പാമ്പിനെ എടുത്തുയർത്തുകയും നാട്ടുകാര്‍ക്കുനേരെ വീശിയെറിയുകയും ചെയ്യുകയായിരുന്നു. പിന്നീടാണ് പാമ്പുമായുള്ള കളി കാര്യമായത്. പാമ്പ് കടിയേറ്റ ഉടൻ മണികണ്ഠന്‍ കുഴഞ്ഞുവീണു. ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.