Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightവിമാനത്തിൽ...

വിമാനത്തിൽ സഹയാത്രികക്കുനേരെ ലൈംഗികാതിക്രമം; ഹരിയാന സ്വദേശി അറസ്റ്റിൽ

text_fields
bookmark_border
വിമാനത്തിൽ സഹയാത്രികക്കുനേരെ ലൈംഗികാതിക്രമം; ഹരിയാന സ്വദേശി അറസ്റ്റിൽ
cancel

ന്യൂഡൽഹി: ഡൽഹിയിൽനിന്ന് ഗോവയിലേക്കുള്ള എയർ ഇന്ത്യ വിമാനത്തിൽ സഹയാത്രികയായ യുവതിക്കുനേരെ ലൈംഗികാതിക്രമം നടത്തിയ 23കാരനായ ഹരിയാന സ്വദേശി അറസ്റ്റിൽ. ചൊവ്വാഴ്ചയാണ് സംഭവം നടന്നത്.

വിമാനം പറന്നുയർന്നപ്പോൾ ത​ന്‍റെ അടുത്തുള്ള സീറ്റിൽ ഇരുന്നയാൾ ഒരു പുതപ്പ് വലിച്ചിട്ട് മോശം പ്രവൃത്തികളിൽ ഏർപ്പെടാൻ തുടങ്ങിയെന്ന് ഡൽഹി ജനക്പുരി നിവാസിയായ 28കാരി പൊലീസിന് മൊഴി നൽകി. ഇരയുടെ ഭാഗത്തുള്ള പുതപ്പ് നീക്കി അറിയാത്ത മട്ടിലാണ് ഇയാൾ ഇത് ചെയ്തതെന്നും പറയുന്നു.

സൗത് ഗോവയിലെ ദബോലിമിലെ അന്താരാഷ്ട്ര വിമാനത്താവളത്തിൽ വിമാനം ഇറങ്ങിയതിനു പിന്നാലെ ഇയാൾക്കെതിരെ യുവതി പൊലീസിൽ പരാതി നൽകി. ഹരിയാനയിലെ പാനിപ്പത്ത് സ്വദേശിയായ ജിതേന്ദർ ജംഗിയാൻ എന്നയാളെ ദബോലിം എയർപോർട്ട് പൊലീസ് പിന്നീട് അറസ്റ്റ് ചെയ്തതായി മുതിർന്ന പൊലീസ് ഉദ്യോഗസ്ഥൻ പറഞ്ഞു.

പ്രതിക്കെതിരെ ബി.എൻ.എസിലെ ലൈംഗിക പീഡനം, സ്ത്രീയെ അപമാനിക്കൽ, വാക്കാലുള്ള അപമാനം, അനുചിതമായ ആംഗ്യം, സ്വകാര്യതാ ലംഘനം എന്നീ വകുപ്പുകൾ പ്രകാരം കേസെടുത്തതായി പൊലീസ് അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Haryanaair india flightsexually harassing woman
News Summary - Man from Haryana arrested for sexually harassing woman co-passenger on Goa-bound Air India flight
Next Story