യു.പിയിൽ മോഷ്​ടാവെന്നാരോപിച്ച്​ യുവാവിനെ കെട്ടിയിട്ട്​ മർദിച്ചു കൊന്നു

ബറേ​ലി: യു.പിയി​​െല ബറേലിയിൽ മോഷ്​ടാവെന്നാരോപിച്ച്​ യുവാവിനെ ആൾക്കൂട്ടം മരത്തിൽ കെട്ടിയിട്ട്​ മർദിച്ചു ​െകാന്നു. 30കാരനായ വാജിദ്​ ആണ്​ ​ദാരുണമായി മരിച്ചത്​. പൊലീസുകാര​െൻറ മകൻ അടക്കമുള്ള ആളുകൾ ചേർന്ന്​ മർദിച്ച്​ അവശനാക്കിയശേഷം വാജിദിനെ പൊലീസിൽ ഏൽപിച്ചു. എന്നാൽ, യുവാവി​െൻറ സ്ഥിതി ഗുരുതരമാണെന്നു​ കണ്ട്​ പൊലീസ്​ വിട്ടയച്ചു.

വീട്ടിലെത്തിയപ്പോഴേക്കും മരിക്കുകയായിരുന്നു. സംഭവത്തിൽ രണ്ടുപേരെയാണ്​ ഇതുവരെ അറസ്​റ്റ്​ ചെയ്​തത്​. വാജിദി​െൻറ സഹോദരൻ നസീർ നൽകിയ പരാതിയിൽ 10​ പേർക്കെതിരെ കേസ്​ എടുത്തതായി പൊലീസ്​ അറിയിച്ചു. ഇവിടത്തെ നൽകൂബ്​ കോളനിയിൽ കൈയിൽ ഫാനി​െൻറ മോ​േട്ടാറുമായി മദ്യലഹരിയിൽ കണ്ട യുവാവിനെ വാച്ച്​മാൻ പിടികൂടുകയായിരുന്നുവെന്നാണ്​ ബറേലി പൊലീസ്​ സൂ​പ്രണ്ട്​ സൻസാർ സിങ്​ പറഞ്ഞത്​.

തലക്കേറ്റ പരിക്കാണ്​ മരണകാരണമെന്ന്​ പോസ്​റ്റ്​മോർട്ടം റിപ്പോർട്ടിൽ പറയുന്നു. യുവാവി​െൻറ മരണത്തിൽ പ്രതിഷേധ സാധ്യത കണക്കിലെടുത്ത്​ പ്രദേശത്ത്​ പൊലീസിനെ വിന്യസിച്ചിട്ടുണ്ട്​.