കൊന്ന്​ കുഴിച്ചു മൂടിയ യുവാവി​െൻറ മൃതദേഹം പുറത്തെടുത്ത്​ വെട്ടി നുറുക്കി വലിച്ചെറിഞ്ഞു

അമൃത്​സർ: പഞ്ചാബിൽ യുവാവിനെ കൊന്ന്​ കുഴിച്ചു മൂടിയ ശേഷം മൃതദേഹം പുറത്തെടുത്ത്​ വെട്ടി കഷണമാക്കി കനാലിൽ വലിച്ചെറിഞ്ഞു. ഗുർദാസ്​പൂർ സ്വദേശി ലഡ്ഡി(30) ആണ്​ കൊല്ലപ്പെട്ടത്​. മെയ്​ 19ന്​ ഖുജാല ഗ്രാമത്തിലേക്ക്​ അമ്മാവനെ സന്ദർശിക്കാനായി എത്തിയ ലഡ്ഡി തിരിച്ചെത്താത്തതിനെ തുടർന്ന്​ ലഡ്ഡിയുടെ പിതാവ്​ പൊലീസിൽ പരാതി നൽകുകയായിരുന്നു. 

സംഭവത്തിൽ ആറു പേരെ പൊലീസ്​ അറസ്​റ്റ്​ ചെയ്​തു. ദിയാൻപൂർ സ്വദേശി സിയ എന്ന ഷരീഫ്​ മുഹമ്മദ്​, ലുധിയാന സ്വദേശി യാക്കൂബ്​ ഖാൻ, ജഹൂര, ഗുർദാസ്​പൂർ സ്വദേശി ജന്നത്​ അലി, യാക്കൂബ്​ അലി, ബാഗ്​ ഹുസൈൻ എന്നിവരാണ്​ പിടിയിലായത്​. ദസുവ ജില്ലയിലെ ഹോഷിയാർപൂരിലെ കനാലിലേക്കാണ്​ വെട്ടി നുറുക്കിയ മൃതദേഹം തങ്ങൾ വലി​ച്ചെറിഞ്ഞതെന്ന്​ പ്രതികൾ പൊലീസിൽ മൊഴി നൽകി. കൊലപാതകത്തി​​െൻറ കാരണം വ്യക്തമല്ല.

മകനെ തട്ടിക്കൊണ്ടു പോയതാവാമെന്ന്​ പിതാവ്​ പൊലീസിനോട്​ സംശയം പ്രകടിപ്പിച്ചിരുന്നു. ശനിയാഴ്​ചയാണ്​ പൊലീസ്​ പ്രതികളെ അവരുടെ വീടുകളിൽ നിന്ന്​ അറസ്​റ്റ്​ ചെയ്​തത്​. പ്രതികൾ കുറ്റംസമ്മതിച്ചതായി പൊലീസ്​ പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ്​ ചെയ്​തു.