കുട്ടികളെ ബന്ദിയാക്കിയ സംഭവം; പ്രതി റഷ്യയിലെ സമാന കേസ് പഠിച്ചതായി പൊലീസ്

ലഖ്നോ: യു.​പി​യി​ലെ ഫാ​റൂ​ഖാ​ബാ​ദിൽ കൊലക്കേസ് പ്രതി 23 കുട്ടികളെ ബന്ദിയാക്കിയത് റഷ്യയിൽ മുമ്പ് നടന്ന സമാന സംഭ വം പഠിച്ച ശേഷമെന്ന് പൊലീസ്. ഒരു മാസത്തോളം ഇതിനായി പദ്ധതിയൊരുക്കുകയായിരുന്നു. കഴിഞ്ഞ വ്യാഴാഴ്ചയാണ് കൊലക്കേസ് പ്ര​തി സു​ഭാ​ഷ്​ ബാ​തം 23 കു​ട്ടി​കളെ വീട്ടിനുള്ളിൽ ബന്ദിയാക്കിയത്. നാ​ടി​നെ ഒ​ന്ന​ട​ങ്കം മു​ൾ​മു​ന​യി​ൽ നി​ ർ​ത്തി​യ എ​ട്ടു മ​ണി​ക്കൂ​റിന് ശേഷം പ്രതിയെ വെടിവെച്ച് വീഴ്ത്തി കു​ട്ടി​കളെ പൊലീസ് രക്ഷപ്പെടുത്തിയിരുന്നു.

2004ൽ റഷ്യയിൽ കുട്ടികളെ ബന്ദിയാക്കിയ സംഭവത്തെ കുറിച്ച് പ്രതി പഠിച്ചതായി ഇയാളുടെ ഫോണിൽ നിന്ന് പൊലീസിന് വിവരം ലഭിച്ചു. ബോംബ് നിർമാണവും ഇന്‍റർനെറ്റിലൂടെ പഠിച്ചിട്ടുണ്ടെന്ന് പൊലീസ് പറഞ്ഞു.

യു.​പി​യി​ലെ ഫാ​റൂ​ഖാ​ബാ​ദി​ലെ ക​സാ​രി​യ ഗ്രാ​മ​ത്തി​ലാ​ണ്​ ന​ടു​ക്കു​ന്ന സം​ഭ​വ പ​ര​മ്പ​ര​ക​ൾ അ​ര​ങ്ങേ​റി​യ​ത്. ആ​റു​മാ​സം മു​ത​ൽ 15 വ​രെ വ​യ​സ്സു​ള്ള കു​ട്ടി​ക​ളെ ത​ന്ത്ര​പ​ര​മാ​യ നീ​ക്ക​ത്തി​ലൂ​ടെ പ്ര​തി സു​ഭാ​ഷ്​ ബാ​തം വീ​ടി​​​​െൻറ താ​ഴെ നി​ല​യി​ൽ ബ​ന്ദി​ക​ളാ​ക്കു​ക​യാ​യി​രു​ന്നു. ഇ​യാ​ളു​ടെ മ​ക​ളു​ടെ ജ​ന്മ​ദി​ന ആ​ഘോ​ഷ​ത്തി​നാ​യി ഇ​വ​രെ ക്ഷ​ണി​ച്ച​തി​നു​ശേ​ഷ​മാ​യി​രു​ന്നു ഇ​ത്. ​വ്യാ​ഴാ​ഴ്​​ച വൈ​കീ​ട്ട്​ 5.45ഓ​ടെ​യാ​ണ്​ സം​ഭ​വ​ങ്ങ​ളു​ടെ തു​ട​ക്കം. കൂ​ട്ട​ത്തി​ലെ ആ​റു​മാ​സം പ്രാ​യ​മാ​യ കു​ഞ്ഞി​നെ അ​തി​നി​ടെ ബാ​ൽ​ക്ക​ണി​യി​ലൂ​ടെ ഇ​യാ​ൾ അ​യ​ൽ​വാ​സി​ക്ക്​ കൈ​മാ​റി.

സം​ഭ​വ​മ​റി​ഞ്ഞ്​ ഗ്രാ​മ​വാ​സി​ക​ൾ വീ​ടി​നു മു​ന്നി​ൽ ത​ടി​ച്ചു​കൂ​ടു​ക​യും സ്​​ത്രീ​ക​ൾ മ​ക്ക​ളെ തി​രി​കെ കി​ട്ടാ​ൻ നി​ല​വി​ളി​ക്കു​ക​യും പ്രാ​ർ​ഥി​ക്കു​ക​യും ചെ​യ്യു​ന്നു​ണ്ടാ​യി​രു​ന്നു. പു​ല​ർ​ച്ച​ക്ക്​ നാ​ട്ടു​കാ​രു​ടെ സ​ഹാ​യ​ത്തോ​ടെ വീ​ടി​​​​െൻറ മു​ൻ​വ​ശ​ത്തെ വാ​തി​ൽ തു​റ​ന്ന്​ അ​ക​ത്തു​ക​ട​ന്ന പൊ​ലീ​സി​നു​നേ​ർ​ക്ക്​ പ്ര​തി വെ​ടി​വെ​ക്കാ​ൻ തു​ട​ങ്ങി​യ​േ​പ്പാ​ൾ പൊ​ലീ​സ്​ തി​രി​ച്ച്​ വെ​ടി​യു​തി​ർ​ത്തു. സം​ഭ​വ​സ്ഥ​ല​ത്തു​ത​ന്നെ സു​ഭാ​ഷ്​ മ​രി​ച്ചു.

വെ​ടി​വെ​പ്പി​നി​ടെ സു​ഭാ​ഷി​​​​െൻറ ഭാ​ര്യ​ക്കും ര​ണ്ട് പൊ​ലീ​സു​കാ​ർ​ക്കും പ​രി​ക്കേ​റ്റു. അ​വി​ടെ​നി​ന്ന്​ ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ ഭാ​ര്യ​യെ പി​ടി​കൂ​ടി​യ നാ​ട്ടു​കാ​ർ മ​ർ​ദ​ന​മ​ഴി​ച്ചു​വി​ടു​ക​യാ​യി​രു​ന്നു. ത​ല​ക്ക്​ പ​രി​ക്കേ​റ്റ ഇ​വ​രെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​രി​ച്ചു.