കൊലപാതകക്കേസിൽ പരോളിലായിരുന്ന പ്രതി ബലാത്സം​ഗക്കേസിൽ പിടിയിൽ

നാ​ഗ്പൂർ: കൊലപാതകക്കേസിൽ പരോളിലായിരുന്ന പ്രതി പ്രായപൂർത്തിയാകാത്ത പെൺകുട്ടിയെയും അമ്മയെയും ബലാത്സം​ഗം ചെയ്ത കേസിൽ പിടിയിൽ. ജാരിപട്ക സ്വദേശിയായ ഭരത് ​ഗോസ്വാമിയാണ് പിടിയിലായത്. 2014ൽ നടന്ന കൊലപാതകക്കേസിൽ പ്രതിയായ ഇയാൾ പരോളിലിറങ്ങിയതിന് പിന്നാലെയായിരുന്നു സംഭവം.

ജനുവരി 25നായിരുന്നു നിലവിലെ കേസിന് ആസ്പദമായ സംഭവം. പരോളിലിറങ്ങിയതിന് പിന്നാലെ സുഹൃത്തായ 43കാരിയുടെ വീട്ടിലെത്തിയ ഭരത് യുവതിയെ പീഡിപ്പിക്കുകയായിരുന്നു. പിന്നാലെ ഇവരുടെ പതിനാലുകാരിയായ മകളെയും പ്രതി ബലാത്സം​ഗം ചെയ്തു. സംഭവത്തെ കുറിച്ച് പുറത്തുപറഞ്ഞാൽ കുട്ടിയെ കൊലപ്പെടുത്തുമെന്ന് പ്രതി ഭീഷണിപ്പെടുത്തിയതായും പരാതിക്കാരി പറഞ്ഞു.

യുലതി നൽകിയ പരാതിയുടെ അടിസ്ഥാനത്തിൽ പൊലീസ് ഇയാളെ അറസ്റ്റ് ചെയ്യുകയായിരുന്നു. പ്രതിക്കെതിരെ പോക്സോ ഉൾപ്പെടെയുള്ള വകുപ്പുകൾ ചുമത്തിയതായും ശിക്ഷ ഉറപ്പാക്കുമെന്നും പൊലീസ് അറിയിച്ചു.