മധ്യപ്രദേശിൽ കർഷകരെ വെടിവെച്ച പൊലീസുകാർക്കെതിരെ കേസില്ല

ഭോപ്പാൽ: മധ്യപ്രദേശിലെ മന്ത്​സൗറിൽ കാർഷിക സമരത്തിനിടെ വെടിവെപ്പ്​ നടത്തിയ പൊലീസുകാർക്കെതിരെ ഇതുവരെ എഫ്​.​െഎ.ആർ രജിസ്​റ്റർ ചെയ്​തില്ല. കർഷക പ്രതിഷേധത്തിലേക്ക്​ പൊലീസ്​ നടത്തിയ വെടിവെപ്പിൽ ആറു കർഷകർ കൊല്ലപ്പെട്ടിരുന്നു. എന്നാൽ സംഭവത്തിൽ കുറ്റക്കാരായ പൊലീസുകാർക്കെതിരെ ഇതുവരെ കേസ്​ രജിസ്​റ്റർ ചെയ്​തിട്ടില്ല. പൊലീസ്​ വെടിവെപ്പിൽ റിട്ടയേർഡ്​ ജഡ്​ജി എ.കെ ജെയിനി​​​െൻറ നേതൃത്വത്തിൽ ജുഡീഷ്യൽ അന്വേഷണം പ്രഖ്യാപിക്കുക മാത്രമാണ്​ സർക്കാർ ചെയ്​തിട്ടുള്ളത്​. 

അതേസമയം, കാർഷിക പ്രക്ഷോഭവുമായി ബന്ധപ്പെട്ട്​ മന്ത്​സൗർ ജില്ലയിൽ 46 കേസുകളാണ്​ ​പൊലീസ്​ രജിസ്​റ്റർ ചെയ്​തിരിക്കുന്നത്​. സായുധ പ്രക്ഷോഭം, അക്രമം എന്നീ വകുപ്പുകൾ പ്രകാരം കർഷകർക്കെതിരെ നിരവധി കേസുകൾ ഫയൽ ചെയ്​ത പൊലീസ്​, ആറു പേർ മരിക്കാനിടയായ വെടിവെപ്പ്​ സംഭവത്തിൽ ഇതുവരെ ഒരു കേസുപോലും രജിസ്​റ്റർ ചെയ്​തിട്ടില്ല. 

വെടിവെപ്പ്​ നടത്തിയ രണ്ട്​ ഉദ്യോഗസ്ഥരെ നേരത്തെ സസ്​പെൻഡ്​ ചെയ്​തിരുന്നു. നിയമപരമായി, കുറ്റക്കാരെന്ന്​ കണ്ടെത്തിയ ഉദ്യോഗസ്ഥർക്കെതിരെ എഫ്​.​െഎ.ആർ രജിസ്​റ്റർ ചെയ്​ത്​ അന്വേഷണം നടത്തുകയാണ്​ ചെ​യ്യേണ്ടത്​. എന്നാൽ ആത്മരക്ഷാർഥം വെടിവെപ്പ്​ നടത്തിയതിനാൽ പൊലീസുകാർക്കെതിരെ കേസെടുക്കേണ്ടെന്ന നിലപാടിലാണ്​ അധികൃതർ.