മണിപ്പൂരിൽ കുരുങ്ങി ബി.ജെ.പി; ബൈറൺ സിങ്ങും ബിശ്വജിത്തും ഡൽഹിയിൽ

ഗു​വാ​ഹ​തി: മ​ണി​പ്പൂ​രി​ൽ വ​ൻ ഭൂ​രി​പ​ക്ഷ​ത്തി​ൽ വീ​ണ്ടും അ​ധി​കാ​രം പി​ടി​ച്ചി​ട്ടും മു​ഖ്യ​മ​ന്ത്രി​യെ തീ​രു​മാ​നി​ക്കാ​നാ​വാ​തെ ബി.​ജെ.​പി. ക​ടു​ത്ത അ​ധി​കാ​ര​ത്ത​ർ​ക്കം നി​ല​നി​ൽ​ക്കു​ന്ന ഇ​ട​ക്കാ​ല മു​ഖ്യ​മ​ന്ത്രി എ​ൻ. ബൈ​റ​ൺ സി​ങ്ങി​നെ​യും മു​ൻ മ​ന്ത്രി തൊ​ങ്ങം ബി​ശ്വ​ജി​ത്തി​നെ​യും കേ​ന്ദ്ര നേ​തൃ​ത്വം ഡ​ൽ​ഹി​ക്ക് വി​ളി​പ്പി​ച്ചു. അ​ഞ്ചു ദി​വ​സ​ത്തി​നി​ടെ ര​ണ്ടാം ത​വ​ണ​യാ​ണ് ഇ​രു​വ​രു​ടെ​യും ഡ​ൽ​ഹി​യാ​ത്ര.

വെ​വ്വേ​റെ വി​മാ​ന​ങ്ങ​ളി​ൽ ഇം​ഫാ​ലി​ൽ​നി​ന്നാ​ണ് ര​ണ്ടു​പേ​രും ഡ​ൽ​ഹി​ക്കു തി​രി​ച്ച​ത്. സം​സ്ഥാ​ന ചു​മ​ത​ല​യു​ള്ള കേ​ന്ദ്ര​മ​ന്ത്രി​മാ​രാ​യ നി​ർ​മ​ല സീ​താ​രാ​മ​ൻ, കി​ര​ൺ റി​ജി​ജു എ​ന്നി​വ​ർ ഞാ​യ​റാ​ഴ്ച മ​ണി​പ്പൂ​രി​ലെ​ത്തു​ം. സം​സ്ഥാ​ന​ത്തെ ബി.​ജെ.​പി എം.​എ​ൽ.​എ​മാ​രെ ക​ണ്ട് അ​ഭി​പ്രാ​യ​മാ​രാ​യു​ക​യാ​ണ് ഇ​രു​വ​രു​ടെ​യും സ​ന്ദ​ർ​ശ​ന ല​ക്ഷ്യം. ഇ​തു പൂ​ർ​ത്തി​യാ​യ ശേ​ഷം മു​ഖ്യ​മ​ന്ത്രി​യെ പ്ര​ഖ്യാ​പി​ക്കു​മെ​ന്നാ​ണ് സൂ​ച​ന. ആ​ദ്യ സ​ന്ദ​ർ​ശ​ന​ത്തി​നു ശേ​ഷം ക​ഴി​ഞ്ഞ ദി​വ​സം ഡ​ൽ​ഹി​യി​ൽ​നി​ന്ന് മ​ട​ങ്ങി​യെ​ത്തി​യ ബി​​ശ്വ​ജി​ത്ത് മ​ണി​പ്പൂ​രി​ൽ വ​ർ​ണാ​ഭ​മാ​യ ദി​ന​ങ്ങ​ൾ വ​രാ​നി​രി​ക്കു​​​ന്നെ​ന്ന് പ്ര​സ്താ​വ​ന ന​ട​ത്തി​യി​രു​ന്നു.