മണിപ്പൂരിലേക്ക് 5000 സൈനികർ കൂടി; വീണ്ടും യോഗം വിളിച്ച് അമിത് ഷാ

ന്യൂ​ഡ​ൽ​ഹി: സം​ഘ​ർ​ഷം ആ​ളി​ക്ക​ത്തു​ന്ന മ​ണി​പ്പൂ​രി​ലേ​ക്ക് 50 ക​മ്പ​നി കേ​ന്ദ്ര സാ​യു​ധ​സേ​ന​യെ​ക്കൂ​ടി അ​യ​ക്കാ​ൻ ആ​ഭ്യ​ന്ത​ര മ​ന്ത്രി അ​മി​ത് ഷാ ​വി​ളി​ച്ചു​ചേ​ർ​ത്ത ഉ​ന്ന​ത​ത​ല യോ​ഗം തീ​രു​മാ​നി​ച്ചു. മ​ഹാ​രാ​ഷ്ട്ര​യി​ലെ തെ​ര​ഞ്ഞെ​ടു​പ്പ് റാ​ലി​ക​ൾ റ​ദ്ദാ​ക്കി ഞാ​യ​റാ​ഴ്ച ഡ​ൽ​ഹി​യി​ൽ ആ​ദ്യ​യോ​ഗം വി​ളി​ച്ച അ​മി​ത് ഷാ ​ആ​ക്ര​മ​ണം പ​ട​രു​ന്ന​ത് ക​ണ്ടാ​ണ് തി​ങ്ക​ളാ​ഴ്ച വീ​ണ്ടു​മൊ​രു ഉ​ന്ന​ത​ത​ല യോ​ഗം​കൂ​ടി വി​ളി​ച്ചു​ചേ​ർ​ത്ത​ത്. അ​തേ​സ​മ​യം, മ​ണി​പ്പൂ​രി​ലെ മൂ​ന്ന് ആ​ക്ര​മ​ണ സം​ഭ​വ​ങ്ങ​ളി​ൽ ദേ​ശീ​യ അ​ന്വേ​ഷ​ണ ഏ​ജ​ൻ​സി കേ​സു​ക​ൾ ര​ജി​സ്റ്റ​ർ ചെ​യ്തു.

മ​ണി​പ്പൂ​ർ ക​ലാ​പം അ​മ​ർ​ച്ച ചെ​യ്യു​ന്ന​തി​ൽ കേ​ന്ദ്ര​ത്തി​ലെ​യും മ​ണി​പ്പൂ​രി​ലെ​യും ബി.​ജെ.​പി​യു​ടെ ‘ഡ​ബ്ൾ എ​ൻ​ജി​ൻ സ​ർ​ക്കാ​റു​ക​ൾ’ സ​മ്പൂ​ർ​ണ പ​രാ​ജ​യ​മാ​യ സാ​ഹ​ച​ര്യ​ത്തി​ൽ ആ​ഭ്യ​ന്ത​ര മ​ന്ത്രി അ​മി​ത് ഷാ​യും മ​ണി​പ്പൂ​ർ മു​ഖ്യ​മ​ന്ത്രി എ​ൻ. ബി​രേ​ൻ സി​ങ്ങും രാ​ജി​വെ​ക്ക​ണ​മെ​ന്ന് കോ​ൺ​ഗ്ര​സ് ആ​വ​ശ്യ​പ്പെ​ട്ടു.

മ​ണി​പ്പൂ​രി​ൽ കോ​ൺ​റാ​ഡ് സാം​ഗ്മ​യു​ടെ എ​ൻ.​പി.​പി എ​ൻ.​ഡി.​എ സ​ഖ്യം വി​ടു​ക​യും നി​ര​വ​ധി ബി.​ജെ.​പി ​നേ​താ​ക്ക​ൾ പാ​ർ​ട്ടി സ്ഥാ​ന​ങ്ങ​ൾ രാ​ജി​വെ​ക്കു​ക​യും ചെ​യ്ത​തി​നി​ട​യി​ലാ​യി​രു​ന്നു ര​ണ്ടാ​മ​ത്തെ ഉ​ന്ന​ത​ത​ല യോ​ഗം. തു​ട​ർ​ന്ന് സ്ഥി​തി​ഗ​തി​ക​ൾ നി​യ​ന്ത്ര​ണ വി​ധേ​യ​മാ​ക്കാ​ൻ ആ​ഭ്യ​ന്ത​ര മ​ന്ത്രാ​ല​യ​ത്തി​ന് കീ​ഴി​ലു​ള്ള അ​ർ​ധ സൈ​നി​ക വി​ഭാ​ഗ​മാ​യ കേ​ന്ദ്ര സാ​യു​ധ സേ​ന​യു​ടെ (സി.​എ.​പി.​എ​ഫ്) 5000 സൈ​നി​ക​രെ​കൂ​ടി മ​ണി​പ്പൂ​രി​ലേ​ക്ക് അ​യ​ക്കാ​ൻ യോ​ഗം തീ​രു​മാ​നി​ക്കു​ക​യാ​യി​രു​ന്നു. നി​ല​വി​ൽ കേ​ന്ദ്രം അ​യ​ച്ച 2000 സൈ​നി​ക​ർ​ക്ക് പു​റ​മെ​യാ​ണ് ഇ​ത്.

അമിത് ഷാ രാജിവെക്കണം -കോൺഗ്രസ്

മ​ണി​പ്പൂ​ർ വി​ഷ​യ​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ആ​ഭ്യ​ന്ത​ര മ​ന്ത്രി അ​മി​ത് ഷാ​ക്ക് പു​റം​ക​രാ​ർ കൊ​ടു​ത്തി​രി​ക്കു​ക​യാ​ണെ​ന്ന് കോ​ൺ​ഗ്ര​സ് കു​റ്റ​പ്പെ​ടു​ത്തി. അ​മി​ത് ഷാ​യു​ടെ ന​ട​പ​ടി​ക​ൾ​കൊ​ണ്ട് മ​ണി​പ്പൂ​രി​ൽ പ്ര​ശ്ന​പ​രി​ഹാ​ര​മാ​വി​ല്ലെ​ന്ന് വി​മ​ർ​ശി​ച്ച കോ​ൺ​ഗ്ര​സ് അ​ദ്ദേ​ഹ​വും മു​ഖ്യ​മ​ന്ത്രി ബി​രേ​ൻ സി​ങ്ങും രാ​ജി​വെ​ക്ക​ണ​മെ​ന്ന് ആ​വ​ശ്യ​പ്പെ​ട്ടു. പാ​ർ​ല​മെ​ന്റ് സ​മ്മേ​ള​നം തു​ട​ങ്ങു​ന്ന​തി​നു മു​മ്പ് പ്ര​ധാ​ന​മ​ന്ത്രി ന​രേ​ന്ദ്ര മോ​ദി നി​ർ​ബ​ന്ധ​മാ​യും അ​വി​ടം സ​ന്ദ​ർ​ശി​ക്ക​ണ​മെ​ന്നും മ​ണി​പ്പൂ​രി​ൽ​നി​ന്നു​ള്ള നേ​താ​ക്ക​ൾ​ക്കൊ​പ്പം എ.​ഐ.​സി.​സി ആ​സ്ഥാ​ന​ത്ത് ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ജ​ന​റ​ൽ സെ​ക്ര​ട്ട​റി ജ​യ​റാം ര​മേ​ശ് ആ​വ​ശ്യ​പ്പെ​ട്ടു. ആ​ദ്യം മ​ണി​പ്പൂ​രി​ൽ​നി​ന്നു​ള്ള സ​ർ​വ​ക​ക്ഷി സം​ഘ​ത്തെ കാ​ണാ​നും പി​ന്നീ​ട് സ​ർ​വ​ക​ക്ഷി യോ​ഗം വി​ളി​ക്കാ​നും പ്ര​ധാ​ന​മ​ന്ത്രി ത​യാ​റാ​ക​ണം.

അ​മി​ത് ഷാ​യും ബി​രേ​ൻ സി​ങ്ങും ത​മ്മി​ൽ വി​ചി​ത്ര​മാ​യ ജു​ഗ​ൽ​ബ​ന്ദി​യാ​ണെ​ന്നും മു​ഖ്യ​മ​ന്ത്രി​യു​ടെ പ​രാ​ജ​യം അ​ദ്ദേ​ഹം കാ​ണാ​ത്ത​ത് അ​തു​കൊ​ണ്ടാ​ണെ​ന്നും ജ​യ​റാം ര​മേ​ശ് തു​ട​ർ​ന്നു. 2023 മേ​യ് മൂ​ന്നി​ന് മ​ണി​പ്പൂ​ർ ക​ത്താ​ൻ തു​ട​ങ്ങി​യി​ട്ടും വി​വി​ധ രാ​ജ്യ​ങ്ങ​ളി​ൽ പോ​യി സു​വി​ശേ​ഷം പ​റ​യു​ന്ന മോ​ദി മ​ണി​പ്പൂ​ർ സ​ന്ദ​ർ​ശി​ച്ചി​ട്ടി​ല്ല. അ​തി​നാ​ൽ, പാ​ർ​ല​മെ​ന്റ് സ​മ്മേ​ള​ന​ത്തി​നു മു​മ്പ് പ്ര​ധാ​ന​മ​ന്ത്രി ഇ​തി​ന് സ​മ​യം കാ​ണ​ണം. 2024 ജൂ​ലൈ 31നു ​ശേ​ഷം അ​വി​ടെ മു​ഴു​സ​മ​യ ഗ​വ​ർ​ണ​റി​ല്ല. 300 പേ​ർ കൊ​ല്ല​പ്പെ​ടു​ക​യും 60,000 ​പേ​ർ ഭ​വ​ന ര​ഹി​ത​രാ​കു​ക​യും ചെ​യ്ത മ​ണി​പ്പൂ​രി​ന്റെ വേ​ദ​ന രാ​ജ്യ​ത്തി​​ന്റെ വേ​ദ​ന​യാ​ണെ​ന്നും ജ​യ​റാം ര​മേ​ശ് പ​റ​ഞ്ഞു. മ​ണി​പ്പൂ​ർ കോ​ൺ​ഗ്ര​സ് പ്ര​സി​ഡ​ന്റ് കെ. ​മേ​ഘ​ച​ന്ദ്ര സി​ങ്, മ​ണി​പ്പൂ​രി​ന്റെ ചു​മ​ത​ല​യു​ള്ള ഗി​രീ​ഷ് ചോ​ദ​ങ്ക​ർ എ​ന്നി​വ​രും വാ​ർ​ത്ത​സ​മ്മേ​ള​ന​ത്തി​ൽ പ​​ങ്കെ​ടു​ത്തു.

സ്ഥാപിത താൽപര്യങ്ങളെന്ന് രാഹുൽ ഗാന്ധി

മ​ണി​പ്പൂ​ർ ആ​ക്ര​മ​ണ​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ​യും ആ​ഭ്യ​ന്ത​ര മ​ന്ത്രി അ​മി​ത് ഷാ​യെ​യും ക​ട​ന്നാ​​ക്ര​മി​ച്ച പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി ക​ലാ​പ​ത്തി​ന് പി​ന്നി​ൽ സ്ഥാ​പി​ത താ​ൽ​പ​ര്യ​ങ്ങ​ളാ​ണെ​ന്ന് ആ​രോ​പി​ച്ചു. മ​ണി​പ്പൂ​രി​ൽ എ​ന്ത് സം​ഭ​വി​ക്കു​ന്നു​വെ​ന്ന് എ​ല്ലാ​വ​ർ​ക്കു​മ​റി​യാം. താ​ൻ മ​ണി​പ്പൂ​രി​ൽ പോ​യെ​ങ്കി​ലും പ്ര​ധാ​ന​മ​ന്ത്രി പോ​യി​ല്ല. ആ​ക്ര​മ​ണം അ​മ​ർ​ച്ച ചെ​യ്യാ​ൻ ത​ങ്ങ​ൾ ആ​വ​ശ്യ​പ്പെ​ട്ടി​ട്ടും സ​ർ​ക്കാ​ർ അ​ത് ചെ​യ്തി​ല്ലെ​ന്നും രാ​ഹു​ൽ റാ​ഞ്ചി​യി​ൽ കു​റ്റ​പ്പെ​ടു​ത്തി.