കു​ക്കി സം​ഘ​ട​ന​ക്കെ​തി​രെ മ​ണി​പ്പൂ​ർ ഭൂ​വി​ഭ​വ വ​കു​പ്പി​ന്റെ കേ​സ്

ഇം​ഫാ​ൽ: സം​സ്ഥാ​ന​ത്ത് വി​വി​ധ വി​ഭാ​ഗ​ങ്ങ​ൾ​ക്കി​ട​യി​ൽ ശ​ത്രു​ത വ​ള​ർ​ത്തി​യ​തി​ന് തീ​വ്ര​വാ​ദ സം​ഘ​ട​ന​യാ​യ കു​ക്കി നാ​ഷ​ന​ൽ ഫ്ര​ണ്ടി​നെ​തി​രെ (മി​ലി​റ്റ​റി കൗ​ൺ​സി​ൽ) മ​ണി​പ്പൂ​ർ ഭൂ​വി​ഭ​വ വ​കു​പ്പ് ന​ൽ​കി​യ പ​രാ​തി​യി​ൽ കേ​സെ​ടു​ത്തു.

ഭൂ​വി​ഭ​വ വ​കു​പ്പി​ലെ അ​ണ്ട​ർ സെ​ക്ര​ട്ട​റി മം​ഗോ​ൾ​ജാ​വോ ക​മേ​യി ആ​ണ് പ​രാ​തി ന​ൽ​കി​യ​ത്. താ​ങ്ജി​ങ് എ​ന്ന സ്ഥ​ല​നാ​മ​ത്തി​ന് പ​ക​രം താ​ന്റി​ങ് എ​ന്ന നാ​മം ചേ​ർ​ത്ത് ‘കു​ക്കി നാ​ഷ​ന​ൽ ഫ്ര​ണ്ട് മി​ലി​റ്റ​റി കൗ​ൺ​സി​ൽ’ എ​ന്നെ​ഴു​തി​യ ഗേ​റ്റ് സ്ഥാ​പി​ച്ച​തി​നാ​ണ് കേ​സ്.

മ​ണി​പ്പൂ​ർ സ്ഥ​ല​നാ​മ നി​യ​മ​ത്തി​െ​ന്റ ലം​ഘ​ന​മാ​ണി​തെ​ന്ന് പ​രാ​തി​യി​ൽ ചൂ​ണ്ടി​ക്കാ​ട്ടി. ച​രി​ത്ര​പ്രാ​ധാ​ന്യ​മു​ള്ള കു​ന്നാ​യ താ​ങ്ജി​ങ്ങി​നെ സ​ർ​ക്കാ​ർ സം​ര​ക്ഷി​ത മേ​ഖ​ല​യാ​യി പ്ര​ഖ്യാ​പി​ച്ചി​ട്ടു​ണ്ട്. മണിപ്പൂരിൽ കുക്കി-മെയ്തേയ് വിഭാഗങ്ങൾ തമ്മിലുള്ള സംഘർഷം ശമനമില്ലാതെ തുടരുന്നതിനിടെയാണ് ഭൂവിഭവ വകുപ്പി​െന്റ നടപടി. 220ലേറെ പേരാണ് സംഘർഷത്തിൽ ഇതുവരെ കൊല്ലപ്പെട്ടത്. 60,000ഓളം പേർ ഭവനരഹിതരായി.