മണിപ്പൂരിൽ ബി.ജെ.പി എം‌.എൽ‌.എയെ ആൾക്കൂട്ടം വളഞ്ഞിട്ട് തല്ലി; ആദായനികുതി ഉദ്യോഗസ്ഥനെ തല്ലിക്കൊന്നു

ഇംഫാൽ: കലാപം രൂക്ഷമായ മണിപ്പൂരിൽ പ്രതിഷേധക്കാർ ബി.ജെ.പി എം‌എൽ‌എയെ ആൾക്കൂട്ടം വളഞ്ഞിട്ട് തല്ലി. സാരമായി പരിക്കേറ്റ വുങ്‌സാഗിൻ വാൽ‌ട്ടെ എം‌എൽ‌എയെ മണിപ്പൂരിൽ നിന്ന് വിമാനമാർഗം രക്ഷപ്പെടുത്തി സംസ്ഥാനത്തിന് പുറത്തുള്ള ആശുപത്രിയിൽ ചികിത്സക്കായി പ്രവേശിപ്പിച്ചതായി മണിപ്പൂർ ഡി.ജി.പി പി. ഡൂംഗൽ പറഞ്ഞു.

“വുങ്‌സാഗിൻ വാൽട്ടെയെ വിമാനമാർഗം സംസ്ഥാനത്തിന് പുറത്തുള്ള ആശുപത്രിയിൽ കൊണ്ടുപോയി. ആരെങ്കിലും നിയമലംഘനം നടത്തിയാൽ അവരെ വെറുതെ വിടരുതെന്ന് ഞങ്ങൾക്ക് കർശന ഉത്തരവ് ലഭിച്ചിട്ടുണ്ട്’ -ഡി.ജി.പി പറഞ്ഞു.

അതിനിടെ, ഇംഫാലിൽ ആദായനികുതി വകുപ്പ് ഉദ്യോഗസ്ഥനെ ഔദ്യോഗിക വസതിയിൽ നിന്ന് മെയ്തേയ് അക്രമികൾ വലിച്ചിഴച്ച് ​കൊണ്ടുപോയി കൊലപ്പെടുത്തിയതായി ഇന്ത്യൻ റവന്യൂ സർവീസ് (ഐആർഎസ്) അസോസിയേഷൻ അറിയിച്ചു. ഇംഫാലിലെ ടാക്‌സ് അസിസ്റ്റന്റായ ലെറ്റ്മിൻതാങ് ഹാക്കിപ്പ് ആണ് ​കൊല്ലപ്പെട്ടത്.

‘ഇംഫാലിലെ തന്റെ ഔദ്യോഗിക ക്വാർട്ടേഴ്സിൽ നിന്നാണ് അദ്ദേഹത്തെ വലിച്ചിഴച്ച് തല്ലിക്കൊന്നത്. ഡ്യൂട്ടിക്കിടെ നിരപരാധിയായ ഒരു പൊതുപ്രവർത്തകനെ കൊലപ്പെടുത്തിയതിനെ ന്യായീകരിക്കാൻ ഒരു പ്രത്യയശാസ്ത്രത്തിനും കഴിയില്ല" -ഐആർഎസ് അസോസിയേഷൻ ട്വീറ്റ് ചെയ്തു.

വെ​ള്ളി​യാ​ഴ്ച പകൽ കൂ​ടു​ത​ൽ അ​ക്ര​മ​ങ്ങ​ൾ റി​പ്പോ​ർ​ട്ട് ചെ​യ്തി​ട്ടി​ല്ലെ​ങ്കി​ലും ഇം​ഫാ​ൽ താ​ഴ്വ​ര​യി​ലും സ​മീ​പ​ങ്ങ​ളി​ലും ഭീ​തി​യു​ടെ അ​ന്ത​രീ​ക്ഷം തു​ട​രു​ക​യാ​ണ്. താ​ഴ്വ​ര​യു​ടെ ചു​റ്റു​മു​ള്ള പ​ർ​വ​ത ജി​ല്ല​ക​ളി​ൽ​നി​ന്ന് സാ​യു​ധ സം​ഘ​ങ്ങ​ളും സു​ര​ക്ഷാ​സേ​ന​യും ത​മ്മി​ൽ ഏ​റ്റു​മു​ട്ട​ൽ തു​ട​രു​ക​യാ​ണെ​ന്ന ആ​ശ​ങ്ക​യേ​റ്റി വെ​ടി​യൊ​ച്ച​ക​ൾ കേ​ട്ട​താ​യി മാ​ധ്യ​മ​ങ്ങ​ൾ റി​പ്പോ​ർ​ട്ടു ചെ​യ്തു. അ​തേ​സ​മ​യം, മ​ര​ണം ന​ട​ന്ന​താ​യി വി​വ​ര​മി​ല്ല. രണ്ടുദിവസമായി തുടരുന്ന അക്രമം നിയന്ത്രിക്കാൻ മറ്റ് സംസ്ഥാനങ്ങളിൽ നിന്ന് കൂടുതൽ സുരക്ഷാ സേനയെ എത്തിച്ചിട്ടുണ്ട്.

സംസ്ഥാനത്ത് നിന്ന് ഇതിനകം 13,000 പേരെ രക്ഷപ്പെടുത്തിയതായി പൊലീസ് അറിയിച്ചു. അക്രമം രൂക്ഷമായ സാഹചര്യത്തിൽ പ്രതിരോധ നടപടിയെന്ന നിലയിൽ മണിപ്പൂർ സർക്കാർ അഞ്ച് ദിവസത്തേക്ക് ഇന്റർനെറ്റ് സേവനങ്ങൾ നിർത്തിവച്ചിരുന്നു.

ഗോ​ത്ര സ​മൂ​ഹ​ങ്ങ​ളാ​യ നാ​ഗ, കു​ക്കി​ക​ളും ഭൂ​രി​പ​ക്ഷമായ മെ​യ്തേ​യി സ​മു​ദാ​യ​വും ത​മ്മി​ൽ ബു​ധ​നാ​ഴ്ച മു​ത​ൽ പൊ​ട്ടി​പ്പു​റ​പ്പെ​ട്ട അ​ക്ര​മ​ങ്ങ​ൾ അ​ടി​ച്ച​മ​ർ​ത്താ​ൻ ക​ര​സേ​ന​യു​ടെ​യും അ​സം റൈ​ഫി​ൾ​സി​ന്റെ​യു​മാ​യി 10,000 ഓ​ളം സൈ​നി​ക​രെ​യാ​ണ് വി​ന്യ​സി​ച്ച​ത്. മ​ണി​പ്പൂ​രി​ലേ​ക്കു​ള്ള ട്രെ​യി​ൻ സ​ർ​വി​സു​ക​ൾ നി​ർ​ത്തി​വെ​ച്ചു.

ഇം​ഫാ​ൽ വെ​സ്റ്റ് ജി​ല്ല​യി​ലെ ലം​ഗോ​ളി​ൽ​നി​ന്ന് ക​ര​സേ​ന​യു​ടെ സി​ഖ് റെ​ജി​മെ​ന്റി​ന്റെ നേ​തൃ​ത്വ​ത്തി​ൽ അ​ഞ്ഞൂ​റോ​ളം പേ​രെ സു​ര​ക്ഷി​ത സ്ഥാ​ന​ത്തേ​ക്ക് മാ​റ്റി. അ​സ​മി​ലെ ര​ണ്ടു വ്യോ​മ​കേ​ന്ദ്ര​ങ്ങ​ളി​ൽ​നി​ന്ന് ഇ.17 ​ഗ്ലോ​ബ്മാ​സ്റ്റ​ർ, എ.​എ​ൻ 32 വി​മാ​ന​ങ്ങ​ളി​ലാ​യി സേ​നാം​ഗ​ങ്ങ​ളെ വി​വി​ധ മേ​ഖ​ല​ക​ളി​ൽ വി​ന്യ​സി​ച്ചു​വ​രു​ക​യാ​ണെ​ന്ന് പ്ര​തി​രോ​ധ മ​ന്ത്രാ​ല​യ വ​ക്താ​വ് അ​റി​യി​ച്ചു.

മെ​യ്തേ​യി സ​മു​ദാ​യ​ത്തി​ന് പ​ട്ടി​ക​വ​ർ​ഗ പ​ദ​വി ന​ൽ​കാ​നു​ള്ള നീ​ക്ക​ത്തി​നെ​തി​രെ ​ഗോ​ത്ര​സ​മൂ​ഹ​ങ്ങ​ൾ ആ​ഹ്വാ​നം ചെ​യ്ത പ്ര​തി​ഷേ​ധ​ത്തി​നു പി​ന്നാ​ലെ ബു​ധ​നാ​ഴ്ച​യാ​ണ് സം​സ്ഥാ​ന​ത്ത് അ​ക്ര​മ​വും കൊ​ള്ളി​വെ​പ്പും അ​ര​ങ്ങേ​റി​യ​ത്.