മണിപ്പൂർ സ്ഫോടനാത്മകം; അമിത് ഷാ ഇംഫാലിൽ

ഇം​ഫാ​ൽ: നാ​ൽ​പ​തോ​ളം കു​ക്കി ഗോ​ത്ര​വ​ർ​ഗ​ക്കാ​രെ ഭീ​ക​ര​രെ​ന്ന് പ​റ​ഞ്ഞ് വെ​ടി​വെ​ച്ചു കൊ​ന്ന മ​ണി​പ്പൂ​രി​ൽ സ്ഥി​തി സ്ഫോ​ട​നാ​ത്മ​കം. മു​ഖ്യ​മ​ന്ത്രി ബി​രേ​ൻ സി​ങ്ങി​ന്റെ നേ​തൃ​ത്വ​ത്തി​ലു​ള്ള സ​ർ​ക്കാ​റി​ൽ​നി​ന്ന് ത​ങ്ങ​ൾ​ക്ക് നീ​തി ല​ഭി​ക്കി​ല്ലെ​ന്നും പ്ര​ത്യേ​ക ഭ​ര​ണ​പ്ര​ദേ​ശം വേ​ണ​മെ​ന്നും കു​ക്കി ഗോ​ത്ര​സ​മൂ​ഹം ക​ടു​ത്ത ഭാ​ഷ​യി​ൽ ആ​വ​ശ്യ​മു​ന്ന​യി​ച്ച​തി​നി​ടെ കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ ​തി​ങ്ക​ളാ​ഴ്ച രാത്രി ഇം​ഫാ​ലി​ൽ എ​ത്തി.

മെ​യ്തേ​യ് വി​ഭാ​ഗ​ക്കാ​രെ ആ​​ക്ര​മി​ക്കാ​ൻ പ​ദ്ധ​തി​യി​ട്ട ‘കു​ക്കി സാ​യു​ധ ഭീ​ക​ര​രെ’​യാ​ണ് സു​ര​ക്ഷ​സേ​ന കൊ​ല​പ്പെ​ടു​ത്തി​യ​തെ​ന്ന് മു​ഖ്യ​മ​ന്ത്രി എ​ൻ. ബി​രേ​ൻ സി​ങ് ക​ഴി​ഞ്ഞ ദി​വ​സം അ​വ​കാ​ശ​പ്പെ​ട്ടി​രു​ന്നു. എ​ന്നാ​ൽ, മെ​യ്തേ​യ് ആ​​ക്ര​മ​ണം ചെ​റു​ക്കാ​ൻ ത​ങ്ങ​ളു​ടെ മേ​ഖ​ല​യി​ൽ കാ​വ​ൽ​നി​ന്ന​വ​രെ പി​ടി​ച്ചു​കൊ​ണ്ടു​പോ​യി കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്നാ​ണ് കു​ക്കി വി​ഭാ​ഗം ആ​രോ​പി​ക്കു​ന്ന​ത്.

ഇ​തി​നി​ടെ, ക​ഴി​ഞ്ഞ ദി​വ​സം കു​ക്കി വി​ഭാ​ഗ​ത്തി​ന്റെ ആ​ക്ര​മ​ണ​ത്തി​ൽ പ​രി​ക്കേ​റ്റ​വ​രി​ൽ മൂ​ന്നു പേ​ർ കൂ​ടി മ​രി​ച്ച​താ​യും മ​ര​ണ​സം​ഖ്യ അ​ഞ്ചാ​യ​താ​യും അ​ധി​കൃ​ത​ർ പ​റ​ഞ്ഞു. ഇം​ഫാ​ൽ താ​ഴ്വ​ര​യി​ലും സ​മീ​പ ജി​ല്ല​ക​ളി​ലുമായി 25 ഓളം സായുധസംഘാംഗങ്ങളെ പിടികൂടിയതായും അ​ർ​ധ​സൈ​നി​ക വി​ഭാ​ഗം തി​ര​ച്ചി​ൽ തു​ട​രു​ക​യാ​ണെ​ന്നും പ്ര​തി​രോ​ധ മ​ന്ത്രാ​ല​യ ഉ​ദ്യോ​ഗ​സ്ഥ​ൻ തി​ങ്ക​ളാ​ഴ്ച അ​റി​യി​ച്ചു.

ഇം​ഫാ​ൽ ഈ​സ്റ്റ് ജി​ല്ല​യി​ൽ​നി​ന്ന് പി​ടി​കൂ​ടി​യ മൂ​ന്നം​ഗ​സം​ഘ​ത്തി​ൽ​നി​ന്ന് ചൈ​നീ​സ് നി​ർ​മി​ത ഗ്ര​നേ​ഡ് അ​ട​ക്ക​മു​ള്ള ആ​യു​ധ​ങ്ങ​ൾ പി​ടി​ച്ച​തെ​ന്നും ഉ​ദ്യോ​ഗ​സ്ഥ​ൻ കൂ​ട്ടി​ച്ചേ​ർ​ത്തു. ക​ഴി​ഞ്ഞ ദി​വ​സം മ​രി​ച്ച​വ​രി​ൽ ഒ​രു പൊ​ലീ​സ് ഉ​ദ്യോ​ഗ​സ്ഥ​നു​മു​ണ്ട്.

അ​തേ​സ​മ​യം, വ​ൻ സു​ര​ക്ഷാ​സ​ന്നാ​ഹം ഏ​ർ​പ്പെ​ടു​ത്തി​യി​ട്ടും അ​ക്ര​മ​സം​ഭ​വ​ങ്ങ​ൾ അ​ര​ങ്ങേ​റു​ന്ന​ത് ആ​ശ​ങ്ക ഉ​യ​ർ​ത്തി​യി​ട്ടു​ണ്ട്. മേ​യ് മൂ​ന്നി​നു ശേ​ഷം മെ​യ്തേ​യ്-​കു​ക്കി സം​ഘ​ർ​ഷം യു​ദ്ധ​സ​മാ​ന​മാ​യി തു​ട​ര​വെ, ബി​രേ​ൻ സി​ങ് മെ​യ്തേ​യ് താ​ൽ​പ​ര്യ​ങ്ങ​ൾ​ക്കു​വേ​ണ്ടി മാ​ത്രം നി​ല​കൊ​ള്ളു​ന്ന​യാ​ളാ​ണെ​ന്ന് സം​സ്ഥാ​ന​ത്തെ ബി.​ജെ.​പി സ​ർ​ക്കാ​റി​നെ പി​ന്തു​ണ​ക്കു​ന്ന കു​ക്കി വി​ഭാ​ഗം എം.​എ​ൽ.​എ കു​റ്റ​​പ്പെ​ടു​ത്തി.

‘‘ഒ​രേ സം​സ്ഥാ​ന​ത്ത് മെ​യ്തേ​യി​ക​ൾ​ക്കൊ​പ്പം ജീ​വി​ക്കാ​ൻ ഇ​നി കു​ക്കി ജ​ന​ത​ക്ക് സാ​ധി​ക്കി​ല്ല. ഞ​ങ്ങ​ളു​ടെ വി​ഭാ​ഗ​ത്തി​ന് പു​തി​യ സം​സ്ഥാ​ന​മോ കേ​ന്ദ്ര​ഭ​ര​ണ പ്ര​ദേ​ശ​മോ അ​നി​വാ​ര്യ​മാ​യി​രി​ക്കു​ക​യാ​ണ്’’ -കു​ക്കി പീ​പ്ൾ​സ് അ​ല​യ​ൻ​സ് ജ​ന​റ​ൽ സെ​ക്ര​ട്ട​റി വി​ൽ​സ​ൺ ലാ​ലം ഹാ​ങ്ഷി​ങ് പ​റ​ഞ്ഞു. ത​ങ്ങ​ളെ ​കൊ​ല​പ്പെ​ടു​ത്താ​നും വീ​ടു​ക​ൾ തീ​വെ​ക്കാ​നു​മാ​യി മെ​യ്തേ​യ് വി​ഭാ​ഗ​ത്തി​ന് സം​ര​ക്ഷ​ണം ന​ൽ​കു​ന്ന ജോ​ലി​യാ​ണ് സം​സ്ഥാ​ന പൊ​ലീ​സ് ക​മാ​ൻ​ഡോ വി​ഭാ​ഗം ചെ​യ്യു​ന്ന​തെ​ന്ന് അ​ഭ​യാ​ർ​ഥി ക്യാ​മ്പി​ൽ ക​ഴി​യു​ന്ന മ​ങ്താ​ങ് ഹോ​ക്കി​പ് എ​ന്ന ക​ർ​ഷ​ക​ൻ ‘ദി ​വ​യ​ർ’ വാ​ർ​ത്താ പോ​ർ​ട്ട​ലി​നോ​ട് പ​റ​ഞ്ഞു. സം​സ്ഥാ​ന പൊ​ലീ​സ് എ​ന്ന​ത് ത​ങ്ങ​ളെ സം​ബ​ന്ധി​ച്ച് ആ​ക്ര​മി​ക്കാ​ൻ വ​രു​ന്ന ആ​ൾ​ക്കൂ​ട്ട​മാ​യി മാ​റി​യെ​ന്നും ഹോ​ക്കി​പ് ആ​രോ​പി​ച്ചു.

ഇ​തി​നി​ടെ, ത​ങ്ങ​ൾ​ക്ക് സം​ര​ക്ഷ​ണം ന​ൽ​കു​ന്ന​തി​ൽ ബി​രേ​ൻ സി​ങ് ഭ​ര​ണ​കൂ​ടം പ​രാ​ജ​യ​പ്പെ​ട്ട​താ​യി ഒ​രു വി​ഭാ​ഗം മെ​യ്തേ​യ് സ​മു​ദാ​യം​ഗ​ങ്ങ​ളും ആ​രോ​പി​ച്ചു. സ​ർ​ക്കാ​ർ സം​ര​ക്ഷ​ണം ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് വീ​ട്ട​മ്മ​മാ​ർ അ​ട​ക്ക​മു​ള്ള​വ​ർ ഇം​ഫാ​ൽ താ​ഴ്വ​ര​യു​ടെ പ​ല ഭാ​ഗ​ങ്ങ​ളി​ലും റോ​ഡ് ഉ​പ​രോ​ധി​ക്കു​ക​യു​ണ്ടാ​യി.

മ​ണി​പ്പൂ​ർ സം​ഘ​ർ​ഷം സം​സ്ഥാ​ന സ​ർ​ക്കാ​റി​നും മെ​യ്തേ​യ് വി​ഭാ​ഗ​ത്തി​നും അ​നു​കൂ​ല​മാ​യി മാ​ത്രം റി​പ്പോ​ർ​ട്ട് ചെ​യ്യു​ക​യാ​ണ് ഭൂ​രി​ഭാ​ഗം ദേ​ശീ​യ മാ​ധ്യ​മ​ങ്ങ​ളെ​ന്ന് വി​വി​ധ ഗോ​ത്ര വി​ദ്യാ​ർ​ഥി സം​ഘ​ട​ന​ക​ൾ ആ​രോ​പി​ച്ചു. വീ​ണ്ടും വം​ശീ​യ സം​ഘ​ർ​ഷ​മു​ണ്ടാ​യ സാ​ഹ​ച​ര്യ​ത്തി​ൽ പ്ര​സി​ഡ​ന്റ് മ​ല്ലി​കാ​ർ​ജു​ൻ ഖാ​ർ​ഗെ​യു​ടെ നേ​തൃ​ത്വ​ത്തി​ലു​ള്ള കോ​ൺ​ഗ്ര​സ് പ്ര​തി​നി​ധി​സം​ഘം രാ​ഷ്​​ട്ര​പ​തി ദ്രൗ​പ​ദി മു​ർ​മു​വു​മാ​യി കൂ​ടി​ക്കാ​ഴ്ച​ക്ക് അ​നു​മ​തി തേ​ടി. ചൊ​വ്വാ​ഴ്ച കൂ​ടി​ക്കാ​ഴ്ച അ​നു​വ​ദി​ക്കാ​നാ​ണ് ആ​വ​ശ്യ​പ്പെ​ട്ട​തെ​ന്ന് ഖാ​ർ​ഗെ പ​റ​ഞ്ഞു.