മനോഹർ പരീകർ അന്തരിച്ചു

പ​നാ​ജി: ഗോ​വ മു​ഖ്യ​മ​ന്ത്രിയും​ മു​ൻ കേന്ദ്ര പ്ര​തി​രോ​ധ മ​ന്ത്രി​യു​മാ​യ മ​നോ​ഹ​ർ പ​രീ​ക​ർ അ​ന്ത​രി​ച്ചു. 63 വയസ്സായിരുന്നു. ഞായറാഴ്​ച വൈകീട്ട്​ 6.40 ഒാടെ പ​നാ​ജി​യി​ലെ വീ​ട്ടി​ലായിരുന്നു അ​ന്ത് യം. സംസ്​കാരം തിങ്കളാഴ്​ച വൈകീട്ട്​ അഞ്ചിന്​ പനാജിയിൽ. പാ​ൻ​ക്രി​യാ​സി​ന്​ അ​ർ​ബു​ദം ബാ​ധി​ച്ച​തി​നെ തു​ട​ർ ​ന്ന്​ ദീ​ർ​ഘ​നാ​ളാ​യി ചി​കി​ത്സ​യി​ലാ​യി​രു​ന്ന ഇ​ദ്ദേ​ഹ​ത്തി​​​െൻറ ആ​രോ​ഗ്യ​നി​ല ശ​നി​യാ​ഴ്​​ച​ തീർത് തും വ​ഷ​ളാ​യി​രു​ന്നു. കേന്ദ്രം തിങ്കളാഴ്​ച ദേശീയദ​ുഃഖാചരണം പ്രഖ്യാപിച്ചു.

പ​രീ​ക​റു​ടെ നി​ല അ​തി​ഗു​രു​ത​രാ​വ​സ്​​ഥ​യി​ലാ​ണെ​ന്ന്​ ഗോ​വ മു​ഖ്യ​മ​ന്ത്രി​യു​ടെ ഒാ​ഫി​സ്​ ട്വീ​റ്റ്​ ചെ​യ്​​ത​ശ േ​ഷം മ​ണി​ക്കൂ​റു​ക​ൾ​ക്കു​ള്ളി​ൽ മ​ര​ണ​വും സ്​​ഥി​രീ​ക​രി​ച്ചു. അ​സു​ഖ​ത്തെ തു​ട​ർ​ന്ന്​ ഇന്ത്യയിലെയും ന്യൂ​യോ​ർ​ക്കിലെയും ആ​ശു​പ​ത്രി​കളിൽ ചി​കി​ത്സ തേ​ടി​യിരുന്നു. നാ​ലു​ത​വ​ണ ഗോ​വ മു​ഖ്യ​മ​ന്ത്രി​യാ​യ പ​രീ​ക​ർ, ജ​നു​വ​രി​യി​ൽ ന​ട​ന്ന യോ​ഗ​ത്തി​ൽ ‘അ​വ​സാ​ന​ശ്വാ​സം വ​രെ ​ഗോ​വ​യെ സേ​വി​ക്കും’ എ​ന്ന്​ പ​റ​ഞ്ഞി​രു​ന്നു.

ആർ.എസ്​.എസ്​ നേതാവായ പരീകർ1988ലാണ്​ ബി.​ജെ.​പി​യി​ലെ​ത്തി​യത്​. 1994 ലാണ്​ ​ഗോ​വ നി​യ​മ​സ​ഭ​യി​ലേക്ക്​ തെരഞ്ഞെടുക്കപ്പെട്ടത്​.1994 മു​ത​ൽ 2001വ​രെ ഗോ​വ ബി.​ജെ.​പി​ ജ​ന​റ​ൽ സെ​ക്ര​ട്ട​റി​യും വ​ക്താ​വു​മാ​യി​രു​ന്നു. 2000ൽ ​സം​സ്​​ഥാ​ന​ത്ത്​ ബി.​ജെ.​പി ആ​ദ്യ​മാ​യി അ​ധി​കാ​ര​ത്തി​ലെ​ത്തി​യ​തോ​ടെ ആ വർഷംഒ​ക്ടോ​ബ​ർ 24 മു​ത​ൽ 2002 ഫെ​ബ്രു​വ​രി 27 വ​രെ സം​സ്​​ഥാ​ന​ത്തി​​​െൻറ മു​ഖ്യ​മ​ന്ത്രി​യാ​യി. തു​ട​ർ​ന്നും ഇ​ദ്ദേ​ഹം ത​ന്നെ​യാ​യി​രു​ന്നു മു​ഖ്യ​മ​ന്ത്രി.

2007ലെ ​തെ​ര​ഞ്ഞെ​ടു​പ്പി​ൽ പാ​ർ​ട്ടി​ക്ക് തി​രി​ച്ച​ടി​യേ​റ്റ​തി​നെ തു​ട​ർ​ന്ന്​ പ്ര​തി​പ​ക്ഷ നേ​താ​വാ​യി. 2012ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ൽ 40ൽ 24 ​സീ​റ്റും പാ​ർ​ട്ടി​ക്ക് നേ​ടി​ക്കൊ​ടു​ത്ത്​ വീ​ണ്ടും മു​ഖ്യ​മ​ന്ത്രി​യാ​യി. 2014 ന​വം​ബ​ർ ഒ​മ്പ​ത്​ മു​ത​ൽ 2017 മാ​ർ​ച്ച് 13 വ​രെ കേ​ന്ദ്ര​ത്തി​ൽ പ്ര​തി​രോ​ധ​മ​ന്ത്രി​യാ​യി. ഇൗ ​കാ​ല​യ​ള​വി​ലാ​ണ്​ ഇ​ന്ത്യ പാ​ക്​ അ​തി​ർ​ത്തി​ക​ട​ന്ന്​ മിന്നലാ​ക്രമണം ന​ട​ത്തി​യ​ത്. 2017 ലെ ​ഗോ​വ നി​യ​മ​സ​ഭാ തെ​ര​ഞ്ഞെ​ടു​പ്പ്​ ക​ഴി​ഞ്ഞ​തോ​ടെ പ്ര​തി​രോ​ധ​മ​ന്ത്രി സ്​​ഥാ​നം രാ​ജി​വെ​ച്ച്​ വീ​ണ്ടും മു​ഖ്യ​മ​ന്ത്രി​യാ​യി.

സ​ഖ്യ​ക​ക്ഷി​ക​ൾ ഇ​ദ്ദേ​ഹ​ത്തെ മാ​ത്ര​മേ പി​ന്തു​ണ​ക്കു​ക​യു​ള്ളൂ എ​ന്ന്​ നി​ല​പാ​ടെ​ടു​ത്ത​തു​മൂ​ല​മാ​ണ്​ പ​രീ​ക​റി​ന്​ വീ​ണ്ടും സം​സ്​​ഥാ​ന രാ​ഷ്​​ട്രീ​യ​ത്തി​ലേ​ക്ക്​ തി​രി​ച്ചു​വ​രേ​ണ്ടി വ​ന്ന​ത്. 2018 ഫെ​ബ്രു​വ​രി​യി​ലാ​ണ്​ രോ​ഗം സ്​​ഥി​രീ​ക​രി​ച്ച​ത്.
ഗോ​വ​യി​ലെ മ​പു​​സ​യി​ൽ 1955ലായിരു​ന്നു ജ​ന​നം. ഭാ​ര്യ മേ​ധ​ 2001ൽ ​അ​ർ​ബു​ദം ബാ​ധി​ച്ചാ​ണ്​ മ​രി​ച്ച​ത്. ഇ​ല​ക്ട്രി​ക്ക​ല്‍ എ​ഞ്ചിനീ​യ​ര്‍ ഉ​ത്പ​ൽ, ബി​സി​ന​സു​കാ​ര​നാ​യ അ​ഭി​ജാ​ത് എ​ന്നി​വ​രാ​ണ് മ​ക്ക​ൾ.

നി​ര്യാ​ണ​ത്തി​ൽ രാ​ഷ്​​ട്ര​പ​തി രാം​നാ​ഥ് കോ​വി​ന്ദ്, പ്ര​ധാ​ന​മ​ന്ത്രി ന​രേ​ന്ദ്ര മോ​ദി, ഉ​പ​രാ​ഷ്​​ട്ര​പ​തി വെ​ങ്ക​യ്യ നാ​യി​ഡു, കോ​ൺ​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി, എ​ൻ.​സി.​പി അ​ധ്യ​ക്ഷ​ൻ ശ​ര​ദ്​​ പ​വാ​ർ, പ്ര​തി​രോ​ധ​മ​ന്ത്രി നി​ർ​മ​ല സീ​താ​റാം, കേ​ന്ദ്ര​മ​ന്ത്രി നി​തി​ൻ ഗ​ഡ്ക​രി, കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​ൻതു​ട​ങ്ങി​യ​വ​ർ അ​നു​ശോ​ച​നം രേ​ഖ​പ്പെ​ടു​ത്തി.