തലമാറിയിട്ടും ബംഗാൾ ബി.ജെ.പിയിൽനിന്ന്​ കൂട്ടപലായനം

ന്യൂ​ഡ​ൽ​ഹി: ബി.​ജെ.​പി സം​സ്​​ഥാ​ന അ​ധ്യ​ക്ഷ​ൻ ദി​ലീ​പ്​ ഘോ​ഷി​നെ മാ​റ്റി​യി​ട്ടും ബാം​ഗാ​ൾ ബി.​ജെ.​പി​യി​ൽ​നി​ന്ന്​ കൊ​ഴി​ഞ്ഞു​പോ​ക്കി​ന്​ കു​റ​വി​ല്ല. ര​ണ്ടു​ പ്ര​മു​ഖ എം.​പി​മാ​രും കൂ​റു​മാ​റ്റ​ത്തി​നു​ശേ​ഷം ബി.​ജെ.​പി​യി​ൽ അ​വ​ശേ​ഷി​ക്കു​ന്ന 71 എം.​എ​ൽ.​എ​മാ​രി​ൽ 25പേ​രും ത​ങ്ങ​ൾ​ക്കൊ​പ്പം ചേ​രാ​ൻ സ​ന്ന​ദ്ധ​ത പ്ര​ക​ടി​പ്പി​ച്ചു​വെ​ന്ന്​ ​ തൃ​ണ​മു​ൽ കോ​ൺ​ഗ്ര​സ്​ വൃ​ത്ത​ങ്ങ​ൾ അ​വ​കാ​ശ​പ്പെ​ടു​ന്നു. എം.​പി​മാ​ർ​ക്കും എം.​എ​ൽ.​എ​മാ​ർ​ക്കും പു​റ​മെ ബി.​ജെ.​പി ജി​ല്ല ക​മ്മി​റ്റി​ക​ളും പാ​ർ​ട്ടി കേ​ഡ​റു​ക​ളും തൃ​ണ​മൂ​ലി​ലേ​ക്ക്​ പ​ലാ​യ​നം തു​ട​രു​ക​യാ​ണ്.

ബാ​ബു​ൽ സു​പ്രി​യോ​ക്കു​ പി​റ​കെ ര​ണ്ടു​ ബി.​ജെ.​പി എം.​പി​മാ​ർ കൂ​ടി തൃ​ണ​മൂ​ലു​മാ​യി ധാ​ര​ണ​യി​ലെ​ത്തി​യി​ട്ടു​ണ്ടെ​ന്ന്​ ബി.​ജെ.​പി കേ​ന്ദ്ര​ങ്ങ​ൾ ത​ന്നെ വെ​ളി​പ്പെ​ടു​ത്തു​ന്നു. മു​ൻ​കേ​ന്ദ്ര മ​ന്ത്രി എ​സ്.​എ​സ്​ അ​ഹ്​​ലു​വാ​ലി​യ​യും സി.​പി.​എ​മ്മി​ൽ നി​ന്ന്​ ബി.​ജെ.​പി​യി​ലെ​ത്തി​യ ഖ​ഗ​ൻ മു​ർ​മു​വു​മാ​ണ്​ സു​പ്രി​യോ​ക്ക്​ പി​റ​കെ മ​റു​ക​ണ്ടം ചാ​ടാ​ൻ നോ​ക്കു​ന്ന​ത്. ഡാ​ർ​ജി​ലി​ങ്​ എം.​എ​ൽ.​എ നീ​ര​ജ്​ സിം​ബ, ഖ​ര​ഗ്​​പു​ർ എം.​എ​ൽ.​എ ഹി​ര​മ​ണി ച​തോ​പാ​ധ്യാ​യ, റാ​യ്​​ഗ​ഞ്ച്​ എം.​എ​ൽ.​എ കൃ​ഷ്​​ണ ക​ല്യാ​ണി എ​ന്നി​വ​ര​ും തൃ​ണ​മൂ​ലി​ലേ​ക്കു​പോ​കാ​ൻ ഒ​രു​ങ്ങു​ക​യാ​ണെ​ന്നാ​ണ്​ റി​പ്പോ​ർ​ട്ടു​ക​ൾ.