മൗലാന മുഹമ്മദ് റാബിഅ് ഹസനി നദ്‌വി അന്തരിച്ചു

ല​ഖ്‌​നോ: അ​ഖി​ലേ​ന്ത്യ മു​സ്‍ലിം പേ​ഴ്‌​സ​ന​ൽ ലോ ​ബോ​ർ​ഡ് അ​ധ്യ​ക്ഷ​നും ല​ഖ്നോ ദാ​റു​ൽ ഉ​ലൂം ന​ദ്‌​വ​ത്തു​ൽ ഉ​ല​മ​യു​ടെ മു​ഖ്യ​കാ​ര്യ​ദ​ർ​ശി​യു​മാ​യി​രു​ന്ന പ്ര​മു​ഖ പ​ണ്ഡി​ത​ൻ മൗ​ലാ​ന മു​ഹ​മ്മ​ദ് റാ​ബി​അ് ഹ​സ​നി ന​ദ്‌​വി അ​ന്ത​രി​ച്ചു. 94 വ​യ​സ്സാ​യി​രു​ന്നു.​ വ്യാ​ഴാ​ഴ്ച വൈ​കീ​ട്ട് മൂ​ന്ന​ര​യോ​ടെ ല​ഖ്നോ ന​ദ്‌​വ​ത്തു​ൽ ഉ​ല​മ​യി​ലാ​യി​രു​ന്നു അ​ദ്ദേ​ഹ​ത്തി​ന്റെ വി​യോ​ഗം. ഏ​റെ നാ​ളാ​യി രോ​ഗ​ബാ​ധി​ത​നാ​യി ചി​കി​ത്സ​യി​ലാ​യി​രു​ന്നു. ഖബറടക്കം വെള്ളിയാഴ്ച രാത്രി പത്തിന് ഉ​ത്ത​ർ പ്ര​ദേ​ശി​ലെ റാ​യ്ബ​റേ​ലി​യി​ൽ.

ഇ​ന്ത്യ​ൻ ഇ​സ്‌​ലാ​മി​ക ക​ർ​മ​ശാ​സ്ത്ര അ​ക്കാ​ദ​മി ര​ക്ഷാ​ധി​കാ​രി, മു​സ്‌​ലിം വേ​ൾ​ഡ് ലീ​ഗ് അം​ഗം, അ​തി​ന്റെ ഇ​ന്ത്യ​ൻ ചാ​പ്റ്റ​ർ അ​ധ്യ​ക്ഷ​ൻ തു​ട​ങ്ങി​യ നി​ല​ക​ളി​ൽ പ്ര​വ​ർ​ത്തി​ച്ചു​വ​രു​ക​യാ​യി​രു​ന്നു. ലോ​ക​ത്തെ ഏ​റ്റ​വും സ്വാ​ധീ​ന​മു​ള്ള 500 മു​സ്‌​ലിം നേ​താ​ക്ക​ളു​ടെ പ​ട്ടി​ക​യി​ൽ പ​തി​വാ​യി ഇ​ടം​പി​ടി​ക്കാ​റു​ള്ള റാ​ബി​അ് ഹ​സ​നി ന​ദ്‌​വി, അ​റ​ബി ഭാ​ഷ​ക്ക് ന​ൽ​കി​യ സ​മ​ഗ്ര​സം​ഭാ​വ​ന​ക്ക് രാ​ഷ്ട്ര​പ​തി​യു​ടെ​യും യു.​പി സ​ർ​ക്കാ​റി​ന്റെ​യും പ്ര​​ത്യേ​ക പു​ര​സ്കാ​ര​ങ്ങ​ൾ​ക്ക് അ​ർ​ഹ​നാ​യി​ട്ടു​ണ്ട്. 1929 ഒ​ക്ടോ​ബ​ർ ഒ​ന്നി​ന് റാ​യ്ബ​റേ​ലി​യി​ലാണ് ജ​നി​ച്ചത്.

റാ​യ്ബ​റേ​ലി​യി​ലെ പ്രാ​ഥ​മി​ക വി​ദ്യാ​ഭ്യാ​സ ശേ​ഷം ല​ഖ്നോ ദാ​റു​ൽ ഉ​ലൂം ന​ദ്‌​വ​ത്തു​ൽ ഉ​ല​മ​യി​ൽ ഉ​പ​രി​പ​ഠ​ന​മാ​രം​ഭി​ച്ച മു​ഹ​മ്മ​ദ് റാ​ബി​അ് ഹ​സ​നി അ​വി​ടെ​നി​ന്നും ബി​രു​ദ​മെ​ടു​ത്തു. ദാ​റു​ൽ ഉ​ലൂം ദ​യൂ​ബ​ന്ദി​ൽ ഒ​രു വ​ർ​ഷം പ​ഠി​ച്ചു.

1949ൽ ദാ​റു​ൽ ഉ​ലൂം ന​ദ്‌​വ​ത്തു​ൽ ഉ​ല​മ​യി​ൽ അ​ധ്യാ​പ​ക​നാ​യ അ​ദ്ദേ​ഹം അ​റ​ബി​ക് വ​കു​പ്പ് മേ​ധാ​വി, ഡീ​ൻ, തു​ട​ർ​ന്ന് 1993ൽ ​സ്ഥാ​പ​ന​ത്തി​ന്റെ വൈ​സ് ചാ​ൻ​സ​ല​ർ (മു​ഹ്ത​മീം) എ​ന്നീ സ്ഥാ​ന​ങ്ങ​ൾ വ​ഹി​ച്ചു.