പ്രധാനമന്ത്രി എന്ത്​ നാടകം കളിച്ചാലും ബി.ജെ.പി വരില്ല– മായാവതി

ലഖ്​നോ: പ്രധാനമന്ത്രി നരേന്ദ്രമോദി എന്ത്​ നാടകം കളിച്ചാലും ബി.ജെ.പി യു.പിയിൽ അധികാരത്തിൽ വരില്ലെന്ന്​ ബഹുജൻ സമാജ്​വാദി പാർട്ടി അധ്യക്ഷ മായവതി. അധികാരത്തിലെത്താനാണ്​ പ്രധാനമന്ത്രി താൻ ഉത്തപ്രദേശി​​െൻറ വളർത്തു ​പുത്രനാണെന്ന്​ അവകാശപ്പെടുന്നത്​. കേന്ദ്രസർക്കാറി​​​െൻറ തെറ്റായ നയങ്ങൾ മൂലം ഉത്തർപ്രദേശിലെ ജനങ്ങൾക്ക്​ പ്രധാനമന്ത്രിയോട്​ വെറുപ്പാണ്​ ഉള്ളത്​. യു.പിയിൽ മുഖ്യമന്ത്രി സ്ഥാനാർഥിയെ ഉയർത്തി കാട്ടാൻ പോലും ബി.ജെ.പിക്ക്​ സാധിക്കുന്നില്ലെന്നും മായവതി പറഞ്ഞു. ഉത്തർപ്രദേശിലെ ഫത്തേപൂരിൽ ബി.എസ്​.പിയുടെ തെരഞ്ഞെടുപ്പ്​ പ്രചാരണ യോഗത്തിൽ സംസാരിക്കുകയായിരുന്നു അവർ.

എസ്​.പി– കോൺഗ്രസ്​ സഖ്യത്തിനെതിരെയും രൂക്ഷ വിമർശനങ്ങളാണ്​ മായാവതി നടത്തിയത്​. ശിവ്​പാൽ യാദവിനെ ഉത്തർപ്രദേശിലെ വിവിധ വേദികളിൽ അധിക്ഷേപിക്കുകയാണ്​ മുലായം ചെയ്​തത്​.  സമാജ്​വാദി പാർട്ടി കോൺഗ്രസ്​ സഖ്യത്തിന്​ കനത്ത ആഘാതമുണ്ടാക്കാൻ ശിവ്​പാലിന്​ സാധിക്കും.  മുത്തലാഖ്​, ഏകീകൃത സിവിൽ കോഡ്​ തുടങ്ങിയ വിഷയങ്ങളിൽ ബി.എസ്​.പി ഇടപെടാൻ ആഗ്രഹിക്കുന്നില്ലെന്നും മായവതി പറഞ്ഞു.