കോൺഗ്രസും ബി.ജെ.പിയും വാഗ്​ദാനങ്ങൾ പാലിക്കുന്നതിൽ പരാജയം -മായാവതി

ലഖ്നോ: ബി.ജെ.പിയെയും കോണ്‍ഗ്രസിനെയും രൂക്ഷമായി വിമർശിച്ച്​ ബി.എസ്.പി നേതാവ് മായാവതി. ബി.ജെ.പിയും കോൺഗ്രസും വാ ഗ്ദാനങ്ങൾ പാലിക്കുന്നതിൽ പരാജയപ്പെട്ടു. ഇരുപാർട്ടികളും പൊള്ളയായ വാഗ്​ദാനങ്ങളാണ്​ ഇത്രയും കാലം നൽകിക്കൊണ് ടിരുന്നതെന്നും മായാവതി പറഞ്ഞു. ഉത്തര്‍പ്രദേശില്‍ എസ്​.പി- ബി.എസ്.പി- ആര്‍.എല്‍.ഡി മഹാസഖ്യത്തി​​െൻറ ആദ്യ തിരഞ്ഞ െടുപ്പു പ്രചരണ റാലിയിലാണ് മായാവതി ആഞ്ഞടിച്ചത്

അതിർത്തി കാക്കുന്നതിൽ ബി.ജെ.പി പരാജയപ്പെട്ടു. കരിമ്പ്​ കർഷക ർക്ക്​ നൽകുമെന്ന്​ വാഗ്​ദാനം ചെയ്​ത ധനസഹായവും അവർ ഇതുവരെ നൽകിയിട്ടില്ല. വെറുപ്പ്​ പ്രോത്സാഹിപ്പിക്കുന്ന നയ ങ്ങളാണ്​ ബി.ജെ.പിയുടേതെന്നും തെറ്റായ നയങ്ങളും പ്രവർത്തികളും കാരണം അധികാരം നഷ്ടപ്പെടുമെന്നും മായാവതി പറഞ്ഞു. കാവല്‍ക്കാരാണെന്ന വാദവും പൊള്ളത്തരവും കൊണ്ട് വോട്ട് നേടാനാകില്ലെന്നും അവർ കൂട്ടിച്ചേർത്തു.

കോണ്‍ഗ്രസി​​െൻറ ന്യായ് പദ്ധതിയെയും മായാവതി വിമര്‍ശിച്ചു. ജനങ്ങളെ പ്രലോഭിപ്പിക്കുന്ന പദ്ധതിയാണ് ന്യായ്. 6000 രൂപയ്ക്കു പകരം സര്‍ക്കാര്‍-സ്വകാര്യ മേഖലകളില്‍ തൊഴിലാണ് മഹാഘട്​ബന്ധൻ വാഗ്ദാനം ചെയ്യുന്നതെന്നും അവർ വ്യക്​തമാക്കി. തിരഞ്ഞെടുപ്പു സമയത്തു മാത്രമാണ് കോണ്‍ഗ്രസും ബി.ജെ.പിയും പാവങ്ങളെ ഓര്‍ക്കുന്നതെന്നും ബി.എസ്​.പി അധ്യക്ഷ വിമര്‍ശിച്ചു.

മുസ്‌ലിം സമുദായത്തിനടക്കം ഞാൻ മുന്നറിയിപ്പ്​ നൽകാൻ ആഗ്രഹിക്കുകയാണ്​. ഉത്തര്‍പ്രദേശില്‍ ബി.ജെ.പിയെ നേരിടാനുള്ള ശക്​തി കോണ്‍ഗ്രസിനില്ല. മഹാഘട്ബന്ധന്​ മാത്രമേ അവർക്കെതിരെ പോരാടാനാകൂ. കോൺഗ്രസ്​ സ്ഥാനാർഥികൾ ജയിച്ചാലും തോറ്റാലും മഹാഘട്ബന്ധന്‍ സ്ഥാനാര്‍ഥികള്‍ ജയിക്കരുതെന്ന നിലപാടിലാണ്​ കോണ്‍ഗ്രസെന്നും മായാവതി ആരോപിച്ചു. ബി.ജെ.പിയെ വിജയിപ്പിക്കാൻ സഹായിക്കുന്ന സ്ഥാനാര്‍ഥികളെയാണ് കോണ്‍ഗ്രസ് മത്സരിപ്പിക്കുന്നതെന്നും അവർ പറഞ്ഞു.

സഹാറന്‍പൂരിലെ ദിയോബന്ദിലായിരുന്നു സംയുക്ത തിരഞ്ഞെടുപ്പു റാലി സംഘടിപ്പിച്ചത്. മൂന്ന്​ പാർട്ടികളുടെയും അധ്യക്ഷൻമാർ പരിപാടിയിൽ പ​ങ്കെടുത്ത്​ സംസാരിച്ചു. എസ്​.പി അധ്യക്ഷൻ അഖിലേഷ്​ യാദവും ശക്​തമായ ഭാഷയിലാണ്​ കോൺഗ്രസിനെയും ബി.ജെ.പിയെയും വിമർശിച്ചത്​.