അതിർത്തിതർക്കത്തിൽ ബി.ജെ.പിയെ പിന്തുണച്ചും​ കോൺഗ്രസിനെ വിമർ​ശിച്ചും മായാവതി

ന്യൂഡൽഹി: ഇന്ത്യ-ചൈന അതിർത്തി ​തർക്ക​ത്തെ തുടർന്ന്​ ഉടലെടുത്ത രാഷ്​ട്രീയ സാഹചര്യത്തിൽ ബി.ജെ.പിയെ തുണച്ചും കോൺഗ്രസിനെ വിമർ​ശിച്ചും ബി.എസ്​.പി നേതാവ്​ മായാവതി.

ഇന്ത്യ-ചൈന അതിർത്തിതർക്കത്തിൽ ബി.എസ്​.പി നിലപാട്​ ബി​.ജെ.പിക്കൊപ്പമാണ്​. രാജ്യതാൽപര്യത്തിനൊപ്പം നിൽക്കാതെ ബി.ജെ.പിയും കോൺഗ്രസും പരസ്​പരം പഴിചാരുകയാണ്​ ​. ഇതി​​െൻറ ഗുണം ലഭിക്കുക ചൈനക്കാണെന്നും മായാവതി കൂട്ടിച്ചേർത്തു.

ബി.എസ്​.പി എന്ന രാഷ്​ട്രീയപാർട്ടി ഉദയം ചെയ്യാൻ കാരണം പിന്നാക്കജാതിക്കാർക്കും ഗോത്രവർഗക്കാർക്കും കോൺഗ്രസ്​ ഒന്നുംചെയ്യാത്തതിനാലാണ്​. ബി.എസ്​.പി കോൺഗ്രസി​​െൻറയും ബി.ജെ.പിയുടെയും കളിപ്പാവയല്ലെന്നും മായാവതി അഭിപ്രായപ്പെട്ടു.

ഉത്തർപ്രദേശിലെ യോഗി ആദിത്യനാഥ്​ സർക്കാരിനോട്​ പല അവസരങ്ങളിലും മൃദു നിലപാട്​ സ്വീകരിച്ച മായാവതി

കേന്ദ്രസർക്കാരി​​െൻറ കശ്​മീർ വിഭജനം ഉൾപ്പെടെയുളള തീരുമാനത്തെ അനുകൂലിച്ചിരുന്നു. പ്രിയങ്കഗാന്ധിയുടെ വരവോടെ യു.പിയിൽ കോൺഗ്രസിനുണ്ടായ ഉണർവ്​ തങ്ങളുടെ വോട്ട്​ബാങ്കിനെ ചോർത്തുമെന്ന ആശങ്കമൂലമാണ്​ മായാവതിയുടെ നീക്കങ്ങളെന്നും നിഗമനങ്ങളുണ്ട്​.

അതിർത്തി വിഷയത്തിൽ രാഹുൽഗാന്ധി ഉൾപ്പെടെയുള്ള കോൺഗ്രസ്​ നേതാക്കൾ ബി.ജെ.പിക്കെതിരെ രൂക്ഷ വിമർശനം നടത്തിയിരുന്നു. നേരത്തേ മഹാരാഷ്​ട്രയിലെ റാലിക്കിടെ യു.പി.എ ഘടകകക്ഷി കൂടിയായ എൻ.സി.പി അധ്യക്ഷൻ ശരത്​ പവാർ ചൈന അതിർത്തി വിഷയത്തിൽ കോൺഗ്രസി​​െൻറ മുൻനിലപാടുകളെ ചോദ്യം ചെയ്​തിരുന്നു.