മധ്യപ്രദേശിൽ എം.ബി.ബി.എസ്​ സിലബസിൽ ആർ.എസ്​.എസ്​ നേതാക്കളും

ഭോപാൽ: മധ്യപ്രദേശിൽ എം.ബി.ബി.എസ്​ വിദ്യാർഥികളുടെ സിലബസിൽ ആർ.എസ്​.എസ്​ സ്​ഥാപകൻ ഹെഡ്​​ഗെവാർ, ഭാരതീയ ജനസംഘ്​ നേതാവ്​ ദീൻദയാൽ ഉപാധ്യായ, സ്വാമി വിവേകാനന്ദൻ, ബി.ആർ. അംബേദ്​കർ തുടങ്ങിയവരും. അഞ്ചുവർഷ എം.ബി.ബി.എസിലെ ആദ്യ വർഷത്തെ അടിസ്ഥാന കോഴ്​സിലാണ്​ ഇവരുടെ ജീവിതവും ഉൾപ്പെടുത്തിയിരിക്കുന്നത്​. സംസ്ഥാന വിദ്യാഭ്യാസ മന്ത്രി വിശ്വാസ്​ സാരംഗാണ്​ ഇക്കാര്യം അറിയിച്ചത്​.

ആയുർവേദാചാര്യനായ ചരകനെക്കുറിച്ചും ശസ്​ത്രക്രിയയുടെ പിതാവെന്ന്​ വിശ്വസിക്കപ്പെടുന്ന ശുശ്രുത മുനിയെക്കുറിച്ചും മെഡിക്കൽ വിദ്യാർഥികൾ പഠിക്കണമെന്നും മന്ത്രി കൂട്ടിച്ചേർത്തു. സംഘ്​പരിവാർ ആചാര്യന്മാരായ ഹെഡ്​ഗെവാർ, ദീൻദയാൽ ഉപാധ്യായ എന്നിവരെക്കുറിച്ചും വിവേകാനന്ദൻ, അം​േബദ്​കർ എന്നിവരെക്കുറിച്ചും പഠിക്കുന്നത്​ മെഡിക്കൽ വിദ്യാർഥികളിൽ സാമൂഹിക മൂല്യങ്ങളും വൈദ്യശാസ്​ത്ര ധാർമികതയും രൂപപ്പെടുത്തുമെന്നും മന്ത്രി പറഞ്ഞു.

ഡോക്​ടർ കൂടിയായിരുന്ന കേശവ്​ ബലിറാം ഹെഡ്​ഗെവാറാണ്​ 1925ൽ നാഗ്​പുരിൽ ആർ.എസ്​.എസ്​ രൂപവത്​കരിച്ചത്​. ബി.ജെ.പിയുടെ ആദ്യരൂപമായ ജനസംഘി​െൻറ സ്ഥാപകനേതാക്കളിൽ പ്രമുഖനാണ്​ ദീൻദയാൽ ഉപാധ്യായ.