​ബി.ജെ.പി മന്ത്രിമാരുമായി അഭിപ്രായ ഭിന്നത; മെഹ്​ബുബ മന്ത്രിസഭാ യോഗത്തിൽ നിന്ന്​ ഇറങ്ങിപ്പോയി

ശ്രീനഗർ: ജമ്മു കശ്​മീർ മുഖ്യമന്ത്രി മെഹ്​ബുബ മുഫ്​തി മന്ത്രിസഭാ യോഗത്തിൽ നിന്ന്​ ഇറങ്ങിപ്പോയി. ബി.ജെ.പി മന്ത്രിമാരുമായുള്ള അഭിപ്രായ ഭിന്നതയെ തുടർന്നാണ്​ നടപടിയെന്നാണ്​ റിപ്പോർട്ട്​. കശ്​മീർ പൊലീസി​​െൻറ പുനഃസംഘടന സംബന്ധിച്ചുള്ള വിഷയത്തിൽ മുഫ്​തിക്കും ബി.ജെ.പി മന്ത്രിമാർക്കും ഇടയിൽ ഉടലെടുത്ത അഭിപ്രായ ഭിന്നതകളാണ് നാടകീയ സംഭവങ്ങൾക്ക് വഴിവെച്ചത്​.

പൊലീസി​​െൻറ പുനഃസംഘടനയെ മുഫ്​തി അനുകൂലിച്ചപ്പോൾ ഉപ മുഖ്യമന്ത്രി നിർമൽ സിങ്​ തീരുമാനത്തെ എതിർക്കുകയായരുന്നു. സംഭവത്തിന്​ ശേഷം നിർമൽ സിങി​െൻറ അധ്യക്ഷതയിൽ ബി.ജെ.പി അംഗങ്ങൾ യോഗം ചേർന്നു.

2014ലെ തെരഞ്ഞെടുപ്പിന്​ ശേഷം പി.ഡി.പി-ബി.ജെ.പി സഖ്യമാണ്​ കശ്​മീർ ഭരിക്കുന്നത്​. സഭയിൽ ആർക്കും ഭൂരിപക്ഷം ലഭിക്കാത്തതിനെ തുടർന്ന്​ ദിവസങ്ങൾ നീണ്ട ചർച്ചകൾക്കൊടുവിലാണ്​ സഖ്യമുണ്ടാക്കിയത്​.