ഉത്തർപ്രദേശിൽ സൈക്കിൾ യാ​ത്രികരായ തൊഴിലാളി ദമ്പതികൾ വാഹനമിടിച്ച്​ മരിച്ചു

ലഖ്​നോ: ലോക്​ഡൗണിനെ തുടർന്ന്​ ഉത്തർപ്രദേശിലെ ലഖ്​നോവിൽ കുടുങ്ങിയ തൊഴിലാളി ദമ്പതികൾക്ക്​ സ്വന്തം നാട്ടിലേക്കുള്ള യാത്രാമധ്യേ ദാരുണാന്ത്യം. ​െസെക്കിളിൽ ലഖ്​നോവിൽ നിന്നും ഝാർഖണ്ഡിലേക്ക്​ തിരിച്ച ദമ്പതികൾ വീടണയുന്നതിന്​ മുമ്പ്​ വാഹനമിടിച്ച്​ മരിക്കുകയായിരുന്നു. കൃഷ്​ണ സാഹു(45), ഭാര്യ പ്രമീള(40) എന്നിവരാണ്​ അമിത വേഗതയിൽ വന്ന വാഹനമിടിച്ച്​ മരിച്ചത്​. അഞ്ചു വയസിൽ താ​ഴെയുള്ള ഇവരുടെ രണ്ട്​ കുട്ടികൾക്കും പരിക്കേറ്റു. 

വ്യാഴാഴ്​ച പുലർച്ചെ ലഖ്​നോവിലെ ഷഹീദ്​ പാത്ത്​ ബൈപാസ്​ റോഡിലാണ് അപകടം സംഭവിച്ചത്. അമിതവേഗത്തിൽ എത്തിയ വാഹനം ദമ്പതികളെയും മക്കളെയും ഇടിച്ചു തെറിപ്പിച്ചു. പൊലീസ്​ എത്തി ഇവരെ അടുത്ത ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. കുട്ടികളുടെ ആരോഗ്യനില ഗുരുതരമല്ല. കൃഷ്​ണ സാഹുവി​​​െൻറ സഹോദരന്​ കുട്ടികളെ കൈമാറുമെന്ന്​ ​െപാലീസ്​ അറിയിച്ചു. 

ദമ്പതികളെ ഇടിച്ച വാഹനത്തെയും ഡ്രൈവറെയും പൊലീസിന്​ കണ്ടെത്താനായിട്ടില്ല.

ലഖ്​നോവിൽ അന്തർ സംസ്ഥാന തൊഴിലാളികൾ കഴിയുന്ന ചേരിയിലെ ഒറ്റമുറി കുടിലിലാണ്​ കൃഷണസാഹ​ുവും കുടുംബവും കഴിഞ്ഞിരുന്നത്​. ഇത്തരത്തിൽ നൂറുകണക്കിന്​ അന്തർ സംസ്ഥാന തൊഴിലാളികളാണ്​ ആവശ്യത്തിന്​ ഭക്ഷണമോ അടിസ്ഥാന സൗകര്യങ്ങളോയില്ലാതെ കഴിയുന്നത്​. പല സംസ്ഥാനങ്ങളും തൊഴിലാളികൾക്ക്​ തിരിച്ചുപോകാനുള്ള യാത്രസൗകര്യം ഒരുക്കുന്നുണ്ടെങ്കിലും പലരുടെ കയ്യിലും ടിക്കറ്റിന്​ പണമില്ലാത്തതിനാൽ കാൽനടയായും സൈക്കിളിലും തിരിച്ചുപോകുന്നുണ്ട്​.