കശ്​മീരിലെ കുൽഗാമിൽ സൈന്യത്തിന്​ നേരെ വെടിവെപ്പ്​

ശ്രീനഗർ: ജമ്മുകശ്​മീരിലെ കുൽഗാമിൽ പട്രോളിങ്​ നടത്തുകയായിരുന്ന സൈന്യത്തിനു നേരെ വെടിവെപ്പ്​. ഞായറാഴ്​ച അർദ്ധരാത്രി സൈന്യം പട്രോളിങ്​ നടത്തുന്നതിനിടെ ഒളിച്ചിരുന്ന തീവ്രവാദികൾ വെടിവെക്കുകയായിരുന്നു. ബുള്ളറ്റ്​ പ്രൂഫ്​ വാഹനമായതിനാൽ ആർക്കും പരിക്കേറ്റിട്ടില്ല. വെടിവെപ്പിനെ തുടർന്ന്​ ​സൈന്യം പ്രദേശം വളഞ്ഞ്​​ തീവ്രവാദികൾക്കായി തെരച്ചിൽ നടത്തി.

ഞായറാഴ്​ച കിശ്​ത്വാറിലെ ​ജലശുദ്ധീകരണ ശാലക്ക്​ കാവൽ നിൽക്കുന്ന പൊലീസ​ുകാർക്കെതിരെയും വെടിവെപ്പ്​ നടന്നിരുന്നു. വെടിയേറ്റ രണ്ടു പൊലീസുകാർ ജില്ലാ ആശുപത്രിയിൽ ചികിത്സയിലാണ്​. പ്രദേശത്ത്​ പൊലീസ്​ സുരക്ഷ ശക്തമാക്കിയിട്ടുണ്ട്​.