മ​ന്ത്രി കെ.​സി. നാ​രാ​യ​ണ ഗൗ​ഡ കോ​ൺ​ഗ്ര​സി​ലേ​ക്ക്; പ്രവർത്തകരിൽ പ്രതിഷേധം

ബം​ഗ​ളൂ​രു: മാ​ണ്ഡ്യ കെ.​ആ​ർ പേ​ട്ടി​ലെ ബി.​ജെ.​പി എം.​എ​ൽ.​എ​യും കാ​യി​ക മ​ന്ത്രി​യു​മാ​യ കെ.​സി. നാ​രാ​യ​ണ ഗൗ​ഡ കോ​ൺ​ഗ്ര​സി​ൽ ചേ​രു​മെ​ന്ന് സൂ​ച​ന. ചി​​ത്ര​ദു​ർ​ഗ​യി​ൽ മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്ക​വെ, കൃ​ഷി മ​ന്ത്രി ബി.​സി. പാ​ട്ടീ​ലാ​ണ് ഇ​തു​സം​ബ​ന്ധി​ച്ച് സൂ​ച​ന ന​ൽ​കി​യ​ത്. കോ​ൺ​ഗ്ര​സ് വി​ട്ട് ബി.​ജെ.​പി​യി​ലെ​ത്തി മ​ന്ത്രി​യാ​യ ഒ​രാ​ൾ തി​രി​ച്ച് കോ​ൺ​ഗ്ര​സി​ലേ​ക്ക് പോ​കു​ന്നു​വെ​ന്ന ഊ​ഹാ​പോ​ഹ​ങ്ങ​ൾ ഉ​യ​ർ​ന്നി​രു​ന്നു.

മ​​ന്ത്രി നാ​രാ​യ​ണ ഗൗ​ഡ​യാ​യി​രി​ക്കു​മ​ത് എ​ന്ന് ത​നി​ക്ക് വി​വ​രം ല​ഭി​ച്ച​താ​യി അ​ദ്ദേ​ഹം പ​റ​ഞ്ഞു. എ​ന്നാ​ൽ, കോ​ൺ​ഗ്ര​സി​ൽ​നി​ന്നും ജെ.​ഡി-​എ​സി​ൽ​നി​ന്നും നി​ര​വ​ധി നേ​താ​ക്ക​ൾ ബി.​ജെ.​പി​യി​ലെ​ത്തു​മെ​ന്ന് ബി.​സി. പാ​ട്ടീ​ൽ അ​വ​കാ​ശ​പ്പെ​ട്ടു. ജെ.​ഡി-​എ​സി​ന്റെ കെ.​ആ​ർ പേ​ട്ട് എം.​എ​ൽ.​എ​യാ​യി​രു​ന്ന നാ​രാ​യ​ണ ഗൗ​ഡ ഓ​പ​റേ​ഷ​ൻ താ​മ​ര​യു​ടെ ഭാ​ഗ​മാ​യി ബി.​ജെ.​പി​യി​ലേ​ക്ക് കൂ​ടു​മാ​റു​ക​യാ​യി​രു​ന്നു. പി​ന്നീ​ട് ഉ​പ​തെ​ര​ഞ്ഞെ​ടു​പ്പി​ൽ ബി.​ജെ.​പി സ്ഥാ​നാ​ർ​ഥി​യാ​യി കെ.​ആ​ർ പേ​ട്ടി​ൽ​നി​ന്ന് തെ​ര​ഞ്ഞെ​ടു​ക്ക​പ്പെ​ട്ട​തോ​ടെ മാ​ണ്ഡ്യ ജി​ല്ല​യി​ൽ ആ​ദ്യ​മാ​യി ബി.​ജെ.​പി​ക്ക് അ​ക്കൗ​ണ്ട് തു​റ​ക്കാ​ൻ സാ​ധി​ച്ചി​രു​ന്നു. ഇ​ത്ത​വ​ണ ബി.​ജെ.​പി ടി​ക്ക​റ്റി​ൽ പ​രാ​ജ​യ സാ​ധ്യ​ത മു​ന്നി​ൽ കാ​ണു​ന്ന നാ​രാ​യ​ണ ഗൗ​ഡ കോ​ൺ​ഗ്ര​സി​ലേ​ക്ക് ചു​വ​ടു​മാ​റു​മെ​ന്നാ​ണ് വി​വ​രം.

അ​തേ​സ​മ​യം, കെ.​സി. നാ​രാ​യ​ണ ഗൗ​ഡ​യെ കോ​ൺ​ഗ്ര​സി​ൽ ഉ​ൾ​പ്പെ​ടു​ത്തു​ന്ന​തി​ന് മാ​ണ്ഡ്യ​യി​ൽ കോ​ൺ​ഗ്ര​സ് പ്ര​വ​ർ​ത്ത​ക​ർ എ​തി​രാ​ണ്. ക​ഴി​ഞ്ഞ​ദി​വ​സം ഡി.​സി.​സി പ്ര​സി​ഡ​ന്റ് ‘പ്ര​ജ​ധ്വ​നി യാ​ത്ര’​യു​മാ​യി ബ​ന്ധ​പ്പെ​ട്ട് വി​ളി​ച്ചു​ചേ​ർ​ത്ത യോ​ഗ​ത്തി​ൽ വാ​ക്കേ​റ്റ​വും ബ​ഹ​ള​വും ന​ട​ന്നി​രു​ന്നു. ഡി.​സി.​സി പ്ര​സി​ഡ​ന്റി​ന്റെ കാ​റി​ന് നേ​രെ പ്ര​വ​ർ​ത്ത​ക​ർ മു​ട്ട​യെ​റി​യു​ക​യും ചെ​യ്തു. നാ​രാ​യ​ണ ഗൗ​ഡ​ക്കെ​തി​രെ ഫ്ല​ക്സ് ബോ​ർ​ഡു​ക​ളും ബാ​ന​റു​ക​ളും കോ​ൺ​ഗ്ര​സ് പ്ര​വ​ർ​ത്ത​ക​ർ ഉ​യ​ർ​ത്തി​യി​ട്ടു​ണ്ട്. നാ​രാ​യ​ണ ഗൗ​ഡ കോ​ൺ​ഗ്ര​സി​ൽ ചേ​ർ​ന്നാ​ൽ ആ ​യോ​ഗ​ത്തി​നു​​നേ​രെ ക​ല്ലേ​റ് ന​ട​ത്തു​മെ​ന്നും പ്ര​വ​ർ​ത്ത​ക​ർ മു​ന്ന​റി​യി​പ്പ് ന​ൽ​കി.