തെറ്റിദ്ധരിപ്പിക്കുന്ന പരസ്യം: പരാതിപ്പെടാൻ സംവിധാനം വേണം -സുപ്രീം കോടതി

ന്യൂ​ഡ​ൽ​ഹി: തെ​റ്റി​ദ്ധ​രി​പ്പി​ക്കു​ന്ന പ​ര​സ്യ​ങ്ങ​ൾ​ക്കെ​തി​രെ പൗ​ര​ന്മാ​ർ​ക്ക് പ​രാ​തി​പ്പെ​ടാ​ൻ സം​വി​ധാ​നം ഒ​രു​ക്ക​ണ​മെ​ന്ന് സു​പ്രീം കോ​ട​തി. പ​ത​ഞ്ജ​ലി​യും യോ​ഗ ഗു​രു രാം​ദേ​വും കോ​വി​ഡ് വാ​ക്സി​നേ​ഷ​നും ആ​ധു​നി​ക വൈ​ദ്യ​ശാ​സ്ത്ര​ത്തി​നു​മെ​തി​രെ തെ​റ്റാ​യ വി​വ​ര​ങ്ങ​ൾ പ്ര​ച​രി​പ്പി​ച്ചു​വെ​ന്ന് ആ​രോ​പി​ച്ച് ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​ൻ(​ഐ.​എം.​എ) 2022ൽ ​സ​മ​ർ​പ്പി​ച്ച ഹ​ര​ജി പ​രി​ഗ​ണി​ക്ക​വേ​യാ​ണ് കോ​ട​തി​യു​ടെ പ​രാ​മ​ർ​ശം.

ജ​സ്റ്റി​സു​മാ​രാ​യ അ​ഭ​യ് എ​സ്. ഓ​ക്ക, ഉ​ജ്ജ​ൽ ഭു​യാ​ൻ എ​ന്നി​വ​ര​ട​ങ്ങി​യ ബെ​ഞ്ച്, 1954ലെ ​ഡ്ര​ഗ് ആ​ൻ​ഡ് മാ​ജി​ക് റെ​മ​ഡീ​സ് നി​യ​മ​ത്തി​ന്‍റെ പ്രാ​ധാ​ന്യ​ത്തെ​ക്കു​റി​ച്ച് ഓ​ർ​മി​പ്പി​ക്കു​ക​യും ഇ​തി​ലെ വ്യ​വ​സ്ഥ​ക​ൾ പാ​ലി​ക്കേ​ണ്ട​ത് അ​ത്യ​ന്താ​പേ​ക്ഷി​ത​മാ​ണെ​ന്ന് വ്യ​ക്ത​മാ​ക്കു​ക​യും ചെ​യ്തു. ഹ​ര​ജി മാ​ർ​ച്ച് ഏ​ഴി​ന് തു​ട​ർ വാ​ദം കേ​ൾ​ക്കും.

ആ​യു​ർ​വേ​ദ, സി​ദ്ധ, യു​നാ​നി മ​രു​ന്നു​ക​ളു​മാ​യി ബ​ന്ധ​പ്പെ​ട്ട തെ​റ്റി​ദ്ധ​രി​പ്പി​ക്കു​ന്ന പ​ര​സ്യ​ങ്ങ​ൾ​ക്ക് നി​രോ​ധ​ന​മേ​ർ​പ്പെ​ടു​ത്തു​ന്ന 1945ലെ ​ഡ്ര​ഗ്‌​സ് ആ​ൻ​ഡ് കോ​സ്‌​മെ​റ്റി​ക്‌​സ് നി​യ​മ​ങ്ങ​ളു​ടെ 170ാം ച​ട്ടം നീ​ക്കം ചെ​യ്ത ആ​യു​ഷ് മ​ന്ത്രാ​ല​യ​ത്തി​ന്‍റെ വി​ജ്ഞാ​പ​നം സു​പ്രീം കോ​ട​തി നേ​ര​ത്തെ സ്റ്റേ ​ചെ​യ്തി​രു​ന്നു. വാ​ദ​ത്തി​നി​ടെ, തെ​റ്റി​ദ്ധ​രി​പ്പി​ക്കു​ന്ന പ​ര​സ്യ​ങ്ങ​ളു​മാ​യി ബ​ന്ധ​പ്പെ​ട്ട് 25 കേ​സു​ക​ളി​ൽ ന​ട​പ​ടി​യെ​ടു​ക്കാ​ത്ത​തി​ന് ക​ർ​ണാ​ട​ക സ​ർ​ക്കാ​റി​നെ വി​മ​ർ​ശി​ച്ച കോ​ട​തി ഒ​രു മാ​സ​ത്തി​ന​കം ന​ട​പ​ടി​യെ​ടു​ത്ത് റി​പ്പോ​ർ​ട്ട് സ​മ​ർ​പ്പി​ക്കാ​ൻ സം​സ്ഥാ​ന​ത്തോ​ട് നി​ർ​ദേ​ശി​ച്ചു.

ഇ​ത്ത​രം മ​രു​ന്നു​ക​ൾ പ്രോ​ത്സാ​ഹി​പ്പി​ക്കു​ന്ന നി​യ​മ​വി​രു​ദ്ധ പ​ര​സ്യ​ങ്ങ​ൾ​ക്കെ​തി​രെ ന​ട​പ​ടി​യെ​ടു​ക്കാ​ത്ത​തി​ന് ഡ​ൽ​ഹി, ആ​ന്ധ്ര​പ്ര​ദേ​ശ്, ജ​മ്മു-ക​ശ്മീ​ർ ചീ​ഫ് സെ​ക്ര​ട്ട​റി​മാ​രെ കോ​ട​തി വി​ളി​ച്ചു​വ​രു​ത്തി​യി​രു​ന്നു.