ആൾക്കൂട്ട ആക്രമണം: രാജ്യസഭയിൽ സർക്കാർ പ്രതിക്കൂട്ടിൽ

ന്യൂഡൽഹി: രാജ്യത്ത്​ നടക്കുന്ന ആൾക്കൂട്ട ആക്രമണങ്ങളുടെ പേരിൽ പ്രതിപക്ഷം രാജ്യസഭയിൽ സർക്കാറിനെ പ്രതിക്കൂട്ടിലാക്കി. ഗോരക്ഷയുടെ മറവിൽ ഇൗയിടെ രാജ്യത്ത്​ നടന്ന ആക്രമണങ്ങൾ അക്കമിട്ടുനിരത്തിയ പ്രതിപക്ഷ ​േനതാക്കൾ, നാൾക്കുനാൾ ഇത്​ വർധിച്ചുവരുന്നത്​ സർക്കാറി​​​െൻറ അറിവോടും പിന്തുണയോടുമാണെന്ന്​ കുറ്റ​പ്പെടുത്തി. 

പശുവി​​​െൻറ പേരിലുള്ള അതിക്രമങ്ങൾ തടയാൻ സംസ്​ഥാനങ്ങളാണ്​ കർശന നടപടിയെടുക്കേണ്ടതെന്ന പ്രധാനമന്ത്രിയു​െട നിലപാട്​ സി.പി.എം ജനറൽ സെക്രട്ടറി സീതാറാം യെച്ചൂരി ചോദ്യംചെയ്​തു. കേന്ദ്ര ഉത്തരവിലൂടെ ഇത്തരം സംഘങ്ങളെ നിരോധിക്കാൻ കഴിയും. എന്നാൽ, അവരെ തടയുന്നതിൽ പ്രധാനമന്ത്രി പരാജയപ്പെ​െട്ടന്ന്​ അദ്ദേഹം പറഞ്ഞു. 

ഗുജറാത്തിലെ ഉനയിൽ ദലിതുകളെ ആക്രമിച്ചത്​ നിങ്ങളാണെന്ന്​ ഭരണപക്ഷത്തെ ചൂണ്ടി ബി.എസ്​.പി നേതാവ്​ സതീഷ്​ചന്ദ്ര മിശ്ര പറഞ്ഞു. മതസഹിഷ്​ണുതയിൽ ഇന്ത്യ അങ്ങേയറ്റം പിന്നാക്കംപോയെന്ന്​ ബിജു ജനതാദളി​ലെ ദിലീപ്​ ടിർക്കി അഭിപ്രായപ്പെട്ടു. ശൂന്യമായ വാക്കുകളും സുന്ദരമായ പ്രയോഗങ്ങളുംകൊണ്ട്​ ഗോരക്ഷാ ആക്രമണത്തെ തടയാനാവില്ലെന്ന്​ തൃണമൂൽ കോൺഗ്രസ്​ നേതാവ്​ ഡെറിക്​ ഒബ്​റേൻ പറഞ്ഞു. ഗോരക്ഷാപ്രവർത്തനം എന്നല്ല, ഗോരക്ഷാ ഭീകരത എന്നാണിതിനെ വിശേഷിപ്പിക്കേണ്ടതെന്ന്​ ​െഡറിക്​ തുടർന്നു. ജനഹിതം തങ്ങൾക്കാണെന്ന്​ പറയുന്ന ബി.ജെ.പി അത്​ എന്തിനുള്ളതാണെന്ന്​ വ്യക്​തമാക്കണമെന്ന്​ കോൺ