ഏജൻസി വേട്ടയിൽ മിണ്ടില്ല

ന്യൂ​ഡ​ൽ​ഹി: മോ​ദി​സ​ർ​ക്കാ​ർ അ​ന്വേ​ഷ​ണ ഏ​ജ​ൻ​സി​ക​ളെ ദു​രു​പ​യോ​ഗി​ച്ച്​ പ്ര​തി​പ​ക്ഷ​ത്തെ വേ​ട്ട​യാ​ടു​ന്ന വി​ഷ​യ​ത്തി​ൽ ഇ​ട​പെ​ട​ണ​മെ​ന്ന വി​വി​ധ പാ​ർ​ട്ടി​ക​ളു​ടെ ആ​വ​ശ്യം തെ​ര​ഞ്ഞെ​ടു​പ്പു ക​മീ​ഷ​ൻ ത​ള്ളി. നി​യ​മ-​നീ​തി​ന്യാ​യ പ്ര​ക്രി​യ​യി​ൽ ക​ട​ന്നു​ക​യ​റു​ന്ന​ത്​ ശ​രി​യ​ല്ലെ​ന്ന വി​ശ​ദീ​ക​ര​ണ​ത്തോ​ടെ​യാ​ണി​ത്. തെ​ര​ഞ്ഞെ​ടു​പ്പു കാ​ല​ത്ത്​ ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ്​ കെ​ജ്​​രി​വാ​ൾ അ​ട​ക്കം പ്ര​മു​ഖ പാ​ർ​ട്ടി​ക​ളു​ടെ നേ​താ​ക്ക​ൾ പ്ര​ചാ​ര​ണ​ത്തി​ന്​ പോ​കാ​ൻ ക​ഴി​യാ​തെ ജ​യി​ലി​ൽ ക​ഴി​യു​മ്പോ​ഴാ​ണ്​ ക​മീ​ഷ​ന്‍റെ ഈ ​നി​ല​പാ​ട്.

തെ​ര​ഞ്ഞെ​ടു​പ്പ്​ പ്ര​ഖ്യാ​പി​ച്ച ശേ​ഷ​വും പ്ര​തി​കാ​ര രാ​ഷ്ട്രീ​യം ക​ളി​ക്കു​ന്ന​തി​നാ​ൽ ബി.​ജെ.​പി​യെ​പ്പോ​ലെ തെ​ര​ഞ്ഞെ​ടു​പ്പി​നെ നേ​രി​ടാ​ൻ തു​ല്യ​മാ​യ അ​വ​സ​ര-​സാ​ഹ​ച​ര്യ​ങ്ങ​ൾ കി​ട്ടു​ന്നി​ല്ലെ​ന്ന്​ പ്ര​തി​പ​ക്ഷ നേ​താ​ക്ക​ൾ ക​മീ​ഷ​ന്​ ന​ൽ​കി​യ പ​രാ​തി​യി​ൽ കു​റ്റ​പ്പെ​ടു​ത്തി​യി​രു​ന്നു. കേ​ന്ദ്ര ഏ​ജ​ൻ​സി​ക​ളു​ടെ ത​ല​പ്പ​ത്തു​ള്ള​വ​രെ മാ​റ്റ​ണ​മെ​ന്ന ആ​വ​ശ്യ​മു​യ​ർ​ത്തി തെ​ര​ഞ്ഞെ​ടു​പ്പു ക​മീ​ഷ​നെ ക​ണ്ട തൃ​ണ​മൂ​ൽ കോ​ൺ​ഗ്ര​സി​ന്‍റെ പ്ര​തി​ഷേ​ധം ക​മീ​ഷ​ൻ ആ​സ്ഥാ​ന​ത്തി​നു മു​ന്നി​ൽ കു​ത്തി​യി​രി​പ്പ്, പൊ​ലീ​സ്​ ബ​ല​പ്ര​യോ​ഗം എ​ന്നി​വ​യി​ലാ​ണ്​ ക​ലാ​ശി​ച്ച​ത്.

ഇ​ത്ത​രം സാ​ഹ​ച​ര്യ​ങ്ങ​ൾ​ക്കി​ട​യി​ലാ​ണ്​ ക​മീ​ഷ​ൻ വി​ശ​ദീ​ക​ര​ണ പ്ര​സ്താ​വ​ന പു​റ​ത്തി​റ​ക്കി​യ​ത്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി അ​ട​ക്ക​മു​ള്ള​വ​ർ വി​ഭാ​ഗീ​യ, വ​ർ​ഗീ​യ അ​ജ​ണ്ട​ക​ൾ പ്ര​ചാ​ര​ണ വേ​ദി​ക​ളി​ൽ എ​ടു​ത്തി​ടു​ന്ന വി​ഷ​യം പ​ല​വ​ട്ടം ഉ​യ​ർ​ന്നു​വ​ന്ന​തി​നോ​ടും ക​മീ​ഷ​ൻ മു​ഖം തി​രി​ച്ചു. തെ​ര​ഞ്ഞെ​ടു​പ്പു പ്ര​ഖ്യാ​പി​ച്ച​തി​നു ശേ​ഷ​മു​ള്ള ഒ​രു മാ​സ​ത്തി​നി​ട​യി​ൽ പാ​ർ​ട്ടി​ക​ളും നേ​താ​ക്ക​ളും പൊ​തു​വെ പെ​രു​മാ​റ്റ​ച്ച​ട്ടം പാ​ലി​ച്ചു​വെ​ന്നാ​ണ്​ ക​മീ​ഷ​ന്‍റെ നി​രീ​ക്ഷ​ണം. കോ​ൺ​ഗ്ര​സ്​ നേ​താ​വ്​ രാ​ഹു​ൽ ഗാ​ന്ധി​യു​ടെ ഹെ​ലി​കോ​പ്​​ട​ർ യാ​ത്ര​യി​ൽ പ​ണം കൊ​ണ്ടു​പോ​കു​ന്നു​വെ​ന്ന സം​ശ​യം ജ​നി​പ്പി​ക്കു​ന്ന വി​ധം ക​ഴി​ഞ്ഞ ദി​വ​സം പ​രി​ശോ​ധ​ന ന​ട​ന്ന​തും ച​ർ​ച്ച​യാ​യി​രു​ന്നു. തെ​ര​ഞ്ഞെ​ടു​പ്പു ക​മീ​ഷ​ന്‍റെ നി​ർ​ദേ​ശ​പ്ര​കാ​ര​മാ​ണ്​ ഇ​ത്ത​ര​മൊ​രു ന​ട​പ​ടി ഉ​ണ്ടാ​യ​ത്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ വി​വാ​ദ പ്ര​സം​ഗ​ങ്ങ​ൾ​ക്കെ​തി​രാ​യ പ്ര​തി​പ​ക്ഷ പ​രാ​തി​ക​ളി​ലാ​ക​ട്ടെ, ന​ട​പ​ടി ഒ​ന്നു​മു​ണ്ടാ​യി​ല്ല.

ക​മീ​ഷ​ന്‍റെ നി​ഷ്പ​ക്ഷ​ത​യി​ൽ സം​ശ​യം പ്ര​ക​ടി​പ്പി​ക്കു​ന്ന​തി​ലെ അ​തൃ​പ്തി​യും പ്ര​സ്താ​വ​ന​യി​ൽ പ്ര​ക​ടി​പ്പി​ച്ചി​ട്ടു​ണ്ട്. ഒ​രു മാ​സ​ത്തി​നി​ട​യി​ൽ ഏ​ഴു പാ​ർ​ട്ടി​ക​ളു​ടെ 16 സം​ഘ​ങ്ങ​ളി​ൽ​നി​ന്ന്​ നേ​രി​ട്ടു പ​രാ​തി സ്വീ​ക​രി​ച്ച​താ​യും ഇ​തി​ൽ ഭൂ​രി​ഭാ​ഗ​വും തീ​ർ​പ്പാ​ക്കി​യ​താ​യും ക​മീ​ഷ​ൻ വി​ശ​ദീ​ക​രി​ച്ചു. വി​വി​ധ സം​സ്ഥാ​ന​ങ്ങ​ളി​ലാ​യി 200 പ​രാ​തി​ക​ൾ രേ​ഖാ​മൂ​ലം ന​ൽ​കി​യ​തി​ൽ 169ലും ​തീ​രു​മാ​നം എ​ടു​ത്തു​ക​ഴി​ഞ്ഞു​വെ​ന്നും ക​മീ​ഷ​ൻ വി​ശ​ദീ​ക​രി​ച്ചു.