‘‘കോവിഡിനെ മുസ്​ലിംകൾക്കെതിരെ വെറുപ്പ്​ പടർത്താൻ മോദി സർക്കാർ ഉപയോഗിക്കുന്നു’’

ന്യൂഡൽഹി: നരേന്ദ്ര മോദി സർക്കാർ കോവിഡിനെ ഹിന്ദുക്കൾക്കും മുസ്​ലിംകൾക്കുമിടയിൽ വിഭജനം സൃഷ്​ടിക്കാൻ ഉപയോ ഗിക്കുന്നുവെന്ന ആരോപണവുമായി എഴുത്തുകാരി അരുന്ധതി റോയ്​. ജർമൻ ചാനലായ ഡി.ഡബ്ല്യൂ ടി.വിക്കുവേണ്ടി നൽകിയ അഭിമു ഖത്തിലാണ്​ അരുന്ധതി റോയി അഭിപ്രായം പ്രകടിപ്പിച്ചത്​.

ലോകം സൂക്ഷമായി വീക്ഷിക്കേണ്ട കാര്യങ്ങൾ ഇന്ത്യയിൽ നടക്കുന്നുണ്ട്​. ഞങ്ങൾ ​േക്ലശം അനുഭവിക്കുന്നത്​ കോവിഡിൽ നിന്നും മാത്രമല്ല, വെറുപ്പ്​, വിശപ്പ്​ തുടങ്ങിയവയിൽ നിന്നും കൂടിയാണ്​. ഒരു കൂട്ടക്കൊലക്ക്​ സമാനമായ അന്തരീക്ഷത്തെയാണ്​ ഇന്ത്യ അഭിമുഖീകരിക്കുന്നത്​.

മുസ്​ലിംകൾക്കെതിരെയായ വിദ്വേഷപ്രചാരണം ഡൽഹിയിൽ വംശഹത്യയിലേക്ക്​ നയിച്ചിരുന്നു. കോവിഡി​​െൻറ മറവിൽ കേന്ദ്രസർക്കാർ യുവനേതാക്കളെ അറസ്​റ്റ്​ ചെയ്യുന്നു, അഭിഭാഷകർ, എഡിറ്റർമാർ, ചിന്തകർ എന്നിവർക്കെതിരെ കേസെടുക്കുകയാണ്​. പലരും തടവിലായിക്കഴിഞ്ഞു.

ജൂതന്മാരെ ഒറ്റപ്പെടുത്താനും അവര്‍ക്കെതിരെ വെറുപ്പ്​ പടർത്താനും ടൈഫസ് എന്ന പകര്‍ച്ചപ്പനിയെ നാസികള്‍ ഉപയോഗിച്ചിരുന്നതിന്​ സമാനമായ രീതിയിലാണ് കോവിഡിനെ മുസ്‌ലിംകള്‍ക്കെതിരെ ഉപയോഗിക്കുന്നതെന്നും അരുന്ധതി റോയ് കൂട്ടിച്ചേർത്തു. മോദി സര്‍ക്കാരിനെ നാസി ഭരണകൂടവുമായാണ് അരുന്ധതി റോയിയുടെ നോവലായ ‘ദ മിനിസ്റ്റ്ട്രി ഓഫ് അട്‌മോസ്റ്റ് ഹാപ്പിനസി’ല്‍ താരതമ്യം ചെയ്തിരിക്കുന്നത്.