പ്രവാസി പ്രശ്നത്തിൽ മോദിക്ക് മൗനം -ആൻറണി
text_fieldsന്യൂഡല്ഹി: കോവിഡ് പശ്ചാത്തലത്തിൽ മടങ്ങിവരാന് ആഗ്രഹിക്കുന്ന പ്രവാസികളെ പ്രത്യേ ക വിമാനങ്ങളില് അതാത് സംസ്ഥാനങ്ങളിൽ എത്തിക്കാൻ അടിയന്തര നടപടി സ്വീകരിക്കണമെ ന്ന് കോണ്ഗ്രസ് പ്രവര്ത്തക സമിതി അംഗം എ.കെ. ആൻറണി എം.പി പ്രധാനമന്ത്രി നരേന്ദ്ര മോദിയ ോട് ആവശ്യപ്പെട്ടു.
പ്രധാനമന്ത്രി രാജ്യത്തെ അഭിസംബോധനചെയ്ത് നടത്തിയ പ്രസംഗത്തിലോ ഈ മാസം 20ന് ശേഷം നടപ്പാക്കുമെന്ന് കേന്ദ്ര ആഭ്യന്തര വകുപ്പ് പറയുന്ന ഇളവുകളിലോ രാജ്യത്തിന് വേണ്ടി വിലപ്പെട്ട സംഭാവനകള് നല്കുന്ന പ്രവാസികളെ കുറിച്ച് ഒരു പരാമര്ശവുമില്ലാതെ പോയത് നിര്ഭാഗ്യകരമായി -അദ്ദേഹം പറഞ്ഞു.
പ്രധാനപ്പെട്ട എല്ലാ രാജ്യങ്ങളും വിദേശ രാജ്യങ്ങളിലുള്ള അവരുടെ പൗരന്മാരെ പ്രത്യേക വിമാനത്തില് സുരക്ഷിതമായി തിരിച്ചെത്തിക്കാൻ നടപടികള് സ്വീകരിച്ചിട്ടുണ്ട്. ശേഷിക്കുന്ന രാജ്യങ്ങള് നടപടികള് സ്വീകരിക്കാന് തുടങ്ങി കഴിഞ്ഞു.
ഈ സാഹചര്യത്തിലെങ്കിലും രാജ്യത്തിലുള്ള പ്രവാസികളുടെ കുടുംബാംഗങ്ങളുടേയും വിദേശത്തുള്ള പ്രവാസികളുടെയും താൽപര്യമനുസരിച്ച് അവരെ മടക്കി കൊണ്ടുവരാനുള്ള ഇടപെടല് കേന്ദ്രസര്ക്കാര് അടിയന്തരമായി ആരംഭിക്കണമെന്ന് ആൻറണി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.