ഘ​ട​ക​ക​ക്ഷി​ക​ളു​മാ​യി ത​ർ​ക്കം; സ​ത്യ​പ്ര​തി​ജ്ഞ ഞാ​യ​റാ​ഴ്ച​ത്തേ​ക്ക് മാ​റ്റി

ന്യൂ​ഡ​ൽ​ഹി: തെ​ര​ഞ്ഞെ​ടു​പ്പ് ഫ​ലം വ​ന്ന് ര​ണ്ടു​ദി​വ​സം ക​ഴി​യു​മ്പോ​ൾ മൂ​ന്നാം മോ​ദി സ​ർ​ക്കാ​ർ രൂ​പ​വ​ത്ക​ര​ണം വ​കു​പ്പു വി​ഭ​ജ​ന ത​ർ​ക്ക​ത്തി​ൽ. ബി.​ജെ.​പി​ക്ക് ഒ​റ്റ​ക്ക് കേ​വ​ല ഭൂ​രി​പ​ക്ഷം ല​ഭി​ക്കാ​ത്ത സാ​ഹ​ച​ര്യ​ത്തി​ൽ ഘ​ട​ക​ക​ക്ഷി​ക​ളാ​യ നി​തീ​ഷ്‍ കു​മാ​റി​ന്റെ ജ​ന​താ​ദ​ൾ യു​നൈ​റ്റ​ഡും ച​ന്ദ്ര​ബാ​ബു നാ​യി​ഡു​വി​ന്റെ തെ​ലു​ഗു ദേ​ശം പാ​ർ​ട്ടി​യും പ്ര​ധാ​ന വ​കു​പ്പു​ക​ൾ​ക്ക് സ​മ്മ​ർ​ദം ചെ​ലു​ത്തി​ത്തു​ട​ങ്ങി​യ​തോ​ടെ​യാ​ണ് മ​ന്ത്രി​സ​ഭ രൂ​പ​വ​ത്ക​ര​ണം നീ​ളു​ന്ന​ത്. ബി​ഹാ​ർ, ആ​ന്ധ്ര​പ്ര​ദേ​ശ് സം​സ്ഥാ​ന​ങ്ങ​ൾ​ക്ക് പ്ര​ത്യേ​ക പ​ദ​വി വേ​ണ​മെ​ന്ന വാ​ദ​മു​യ​ർ​ത്തു​ന്ന ഘ​ട​ക​ക​ക്ഷി​ക​ൾ മോ​ദി​യു​ടെ ഹി​ന്ദു​ത്വ അ​ജ​ണ്ട​ക്ക് ഉ​ട​ക്കി​ട്ട് എ​ൻ.​ഡി.​എ​ക്ക് പൊ​തു​മി​നി​മം പ​രി​പാ​ടി വേ​ണ​മെ​ന്ന ആ​വ​ശ്യ​വും ശ​ക്ത​മാ​യി ഉ​ന്ന​യി​ക്കു​ന്നു​ണ്ട്.

അ​തേ​സ​മ​യം, സ്പീ​ക്ക​ർ പ​ദ​വി​യോ പ്ര​ധാ​ന വ​കു​പ്പു​ക​ളോ ഇ​ത്ത​വ​ണ​യും ഘ​ട​ക​ക​ക്ഷി​ക​ൾ​ക്ക് വി​ട്ടു​കൊ​ടു​ക്കേ​ണ്ടെ​ന്ന നി​ല​പാ​ടി​ലാ​ണ് ന്യൂ​ഡ​ൽ​ഹി​യി​ൽ ചേ​ർ​ന്ന ബി.​ജെ.​പി ഉ​ന്ന​ത​ത​ല യോ​ഗം എ​ത്തി​ച്ചേ​ർ​ന്ന​ത്. സ​മാ​ന്ത​ര​മാ​യി ഡ​ൽ​ഹി​യി​ൽ നി​തീ​ഷ് കു​മാ​റും വി​ജ​യ​വാ​ഡ​യി​ൽ ച​ന്ദ്ര​ബാ​ബു നാ​യി​ഡു​വും പാ​ർ​ട്ടി എം.​പി​മാ​രു​ടെ യോ​ഗം വി​ളി​ച്ച് ആ​വ​ശ്യ​ങ്ങ​ൾ ച​ർ​ച്ച ചെ​യ്തു. 2014ലും 2019​ലും സ്വ​ന്തം നി​ല​ക്ക് ഭൂ​രി​പ​ക്ഷ​മു​ണ്ടാ​യി​രു​ന്ന​തി​നാ​ൽ പ്ര​ധാ​ന​പ്പെ​ട്ട വ​കു​പ്പു​ക​ളൊ​ന്നും ഘ​ട​ക​ക​ക്ഷി​ക​ൾ​ക്ക് കൊ​ടു​ത്തി​രു​ന്നി​ല്ല.

മ​ന്ത്രി​സ​ഭ ച​ർ​ച്ച പൂ​ർ​ത്തി​യാ​കാ​ത്ത സാ​ഹ​ച​ര്യ​ത്തി​ൽ ശ​നി​യാ​ഴ്ച ന​ട​ത്താ​ൻ നി​ശ്ച​യി​ച്ചി​രു​ന്ന സ​ത്യ​പ്ര​തി​ജ്ഞ ഞാ​യ​റാ​ഴ്ച​ത്തേ​ക്ക് മാ​റ്റി. ഞായറാഴ്ച വൈ​കീ​ട്ട് രാ​ഷ്ട്ര​പ​തി ഭ​വ​നി​ൽ ന​ട​ക്കു​ന്ന സത്യ​പ്രതിജഞ ച​ട​ങ്ങി​ൽ ബം​ഗ്ലാ​ദേ​ശ് പ്ര​ധാ​ന​മ​ന്ത്രി ശൈ​ഖ് ഹ​സീ​ന​യും ശ്രീ​ല​ങ്ക​ൻ പ്ര​സി​ഡ​ന്റ് റ​നി​ൽ വി​ക്രം​സിം​ഗെ​യും പ​​​ങ്കെ​ടു​ക്കും.

കേ​വ​ല ഭൂ​രി​പ​ക്ഷ​മി​ല്ലാ​ത്ത ദൗ​ർ​ബ​ല്യം മ​ന​സ്സി​ലാ​ക്കി വി​ല​പേ​ശു​ന്ന ഘ​ട​ക​ക​ക്ഷി​ക​ളെ നേ​രി​ടാ​നു​ള്ള ത​ന്ത്ര​ങ്ങ​ൾ ആ​വി​ഷ്‍ക​രി​ക്കാ​നാ​ണ് ബി.​ജെ.​പി അ​ധ്യ​ക്ഷ​ൻ ജെ.​പി. ന​ഡ്ഡ​യു​ടെ വ​സ​തി​യി​ൽ കേ​ന്ദ്ര​മ​ന്ത്രി​മാ​രാ​യ അ​മി​ത് ഷാ​യും രാ​ജ്നാ​ഥ് സി​ങ്ങും ​യോ​ഗം ചേ​ർ​ന്ന​ത്. ആ​റ് മ​ണി​ക്കൂ​റോ​ളം നീ​ണ്ട യോ​ഗ​ത്തി​ൽ ധ​നം, പ്ര​തി​രോ​ധം, ആ​ഭ്യ​ന്ത​രം, വി​ദേ​ശം എ​ന്നീ മ​ന്ത്രാ​ല​യ​ങ്ങ​ൾ ഘ​ട​ക​ക​ക്ഷി​ക​ൾ​ക്ക് കൊ​ടു​ക്കി​ല്ലെ​ന്നാ​ണ് തീ​രു​മാ​നം. സു​പ്ര​ധാ​ന മ​ന്ത്രാ​ല​യ​ങ്ങ​ൾ​ക്കു​ള്ള മ​ന്ത്രി​സ​ഭ സ​മി​തി​ക​ളി​ലും ഘ​ട​ക​ക​ക്ഷി​ക​ളെ അം​ഗ​ങ്ങ​ളാ​ക്കി​ല്ല. തെ​ലു​ഗു​ദേ​ശം പാ​ർ​ട്ടി ആ​വ​ശ്യ​പ്പെ​ട്ട സ്പീ​ക്ക​ർ പ​ദ​വി​യും കൊ​ടു​ക്കി​ല്ല. ഗ്രാ​മ​വി​ക​സ​നം, പ​ഞ്ചാ​യ​ത്തീ രാ​ജ്, വ്യോ​മ​യാ​നം, ​ശാ​സ്ത്ര സാ​​ങ്കേ​തി​കം എ​ന്നീ മ​ന്ത്രാ​ല​യ​ങ്ങ​ൾ വി​ട്ടു​കൊ​ടു​ക്കാ​​ൻ ഒ​രു​ക്ക​മാ​ണ്.

സ്പീ​ക്ക​ർ പ​ദ​വി​ക്ക് പു​റ​മെ ​തെ​ലു​ഗു​​ദേ​ശം ധ​നം, ഐ.​ടി, ഷി​പ്പി​ങ്, വാ​ണി​ജ്യ, ഗ​താ​ഗ​ത വ​കു​പ്പു​ക​ളാ​ണ് ചോ​ദി​ക്കു​ന്ന​ത്. ജ​ന​താ​ദ​ൾ-​യു നാ​ല് എം.​പി​മാ​ർ​ക്ക് ഒ​രു​ മ​ന്ത്രി എ​ന്ന തോ​തി​ൽ മൂ​ന്ന് കാ​ബി​ന​റ്റ് മ​ന്ത്രി​മാ​രെ വേ​ണ​മെ​ന്നാ​ണ് ആ​വ​ശ്യ​​പ്പെ​ടു​ന്ന​ത്. കൃ​ഷി മ​ന്ത്രാ​ല​യ​ത്തി​ന് ഇ​രു ജ​ന​താ​ദ​ളു​ക​ളും ആ​ർ.​എ​ൽ.​ഡി​യും അ​വ​കാ​ശ​വാ​ദ​മു​ന്ന​യി​ച്ചി​ട്ടു​ണ്ട്. സു​പ്ര​ധാ​ന വ​കു​പ്പ് വേ​ണ​മെ​ന്ന് എ​ൽ.​ജെ.​പി നേ​താ​വ് ചി​രാ​ഗ് പാ​സ്വാ​നും ര​ണ്ട് എം.​പി​മാ​രു​ള്ള രാ​ഷ്ട്രീ​യ ലോ​ക്ദ​ളും ഒ​രു എം.​പി മാ​ത്ര​മു​ള്ള ഹി​ന്ദു​സ്ഥാ​നി അ​വാം മോ​ർ​ച്ച​യും ആ​വ​ശ്യ​പ്പെ​ട്ടി​ട്ടു​ണ്ട്. 16 എം.​പി​മാ​രു​ള്ള തെ​ലു​ഗു​ദേ​ശ​വും 12 പേ​രു​ള്ള ജ​ന​താ​ദ​ൾ-​യു​വും ഏ​ഴ് പേ​രു​ള്ള ശി​വ​സേ​ന-​ഷി​ൻ​ഡെ വി​ഭാ​ഗ​വും അ​ഞ്ച് പേ​രു​ള്ള ചി​രാ​ഗ് പാ​സ്വാ​ന്റെ എ​ൽ.​ജെ.​പി​യു​മാ​ണ് ബി.​ജെ.​പി​യു​ടെ പ്ര​ധാ​ന ഘ​ട​ക​ക​ക്ഷി​ക​ൾ.

എ​ൻ.​ഡി.​എ പാ​ർ​ല​മെ​ന്റ​റി പാ​ർ​ട്ടി യോ​ഗം വെ​ള്ളി​യാ​ഴ്ച പാ​ർ​ല​മെ​ന്റി​ന്റെ സെ​ൻ​ട്ര​ൽ ഹാ​ളി​ൽ ന​ട​ക്കാ​നി​രി​ക്കേ​യാ​ണ് സ​ഖ്യ​ക​ക്ഷി​ക​ളു​ടെ വി​ല​പേ​ശ​ൽ ച​ർ​ച്ച ചെ​യ്യാ​ൻ ബി.​ജെ.​പി ഉ​ന്ന​ത​യോ​ഗം ചേ​ർ​ന്ന​ത്. അ​തി​ന് മു​മ്പെ ച​ന്ദ്ര​ബാ​ബു നാ​യി​ഡു എം.​പി​മാ​രു​മാ​യി ച​ർ​ച്ച ന​ട​ത്തി.

അ​തേ​സ​മ​യ​ത്ത് ബി​ഹാ​ർ മു​ഖ്യ​മ​ന്ത്രി നി​തീ​ഷ് കു​മാ​ർ ഡ​ൽ​ഹി​യി​ൽ പാ​ർ​ട്ടി എം.​പി​മാ​രെ​യും വി​ളി​ച്ചു​കൂ​ട്ടി. വെ​ള്ളി​യാ​ഴ്ച 11 മ​ണി​ക്ക് ബി.​ജെ.​പി പാ​ർ​ല​മെ​ന്റ​റി പാ​ർ​ട്ടി യോ​ഗം ന​ട​ക്കും. യോ​ഗ​ത്തി​ൽ ന​​രേ​ന്ദ്ര മോ​ദി​യെ പാ​ർ​ല​മെ​ന്റ​റി പാ​ർ​ട്ടി നേ​താ​വാ​യി തി​ര​ഞ്ഞെ​ടു​ക്കും. കോ​ൺ​ഗ്ര​സ് പ്ര​വ​ർ​ത്ത​ക സ​മി​തി​യും വെ​ള്ളി​യാ​ഴ്ച ന​ട​ക്കും.