പണത്തെ ചൊല്ലി തർക്കം; 17കാരനെ നാലുപേർ ചേർന്ന്​ മർദിച്ച്​ ഷൂ നക്കിപ്പിച്ചു, സിഗരറ്റ്​ വലിപ്പിച്ചു

ന്യൂഡൽഹി: മധ്യപ്രദേശി​ൽ പണത്തെ ചൊല്ലിയുണ്ടായ തർക്കത്തെ തുടർന്ന്​ 17കാരനെ നാലുപേർ ചേർന്ന്​ മർദിക്കുകയും സിഗരറ്റ്​ വലിപ്പിക്കുകയും ഷൂ നക്കിപ്പിക്കുകയും ചെയ്​തു. ജബൽപുർ ജില്ലയിലാണ്​ സംഭവം.

മർദനത്തിന്‍റെ വിഡിയോ സമൂഹമാധ്യമങ്ങളിൽ വൻതോതിൽ പ്രചരിച്ചു. 2000രൂപയെ ചൊല്ലിയുണ്ടായ തർക്കമാണ്​ മർദനത്തിന്​ കാരണം.

നായ്​ഗാവ്​ പ്രദേശത്തെ ആളൊഴിഞ്ഞ മൈതാന​ത്തേക്ക്​ 17കാരനെ കൂട്ടിക്കൊണ്ടുപോകുകയായിരുന്നു. കൗമാരക്കാരനെ ഒരാൾ ​ക്രൂരമായി തല്ലുന്നത്​ വിഡിയോയിൽ കാണാം. തല്ലുന്നതിനിടെ മറ്റൊരാൾ നിർബന്ധിച്ച്​ സിഗരറ്റ്​ വലിപ്പിക്കുകയും ചെയ്യുന്നുണ്ട്​. മർദനത്തിന്​ ശേഷം നാലുപേർ ചേർന്ന്​ തങ്ങള​ുടെ ഷൂ നക്കി വൃത്തിയാക്കാൻ നിർബന്ധിക്കുകയും ചെയ്യുന്നുണ്ട്​.

സംഭവത്തിൽ നാലുപേ​ർക്കെതിരെ ​േകസെടുക്കുകയും ഒരാ​െള അറസ്റ്റ്​ ചെയ്യുകയും ചെയ്​തു. 20കാരനായ ദീപക്​ പസ്സിയാണ്​ അറസ്റ്റിലായത്​. പ്രതികൾക്കെതിരെ തട്ടിക്കൊണ്ടുപോകൽ, അക്രമം എന്നീ കുറ്റങ്ങൾ ചുമത്തിയാണ്​ കേസ്​.