കള്ളപ്പണം വെളുപ്പിക്കൽ: മഹാരാഷ്ട്ര മന്ത്രിയുടെ വീട്ടിൽ ഇ.ഡി റെയ്ഡ്

ന്യൂഡൽഹി: കള്ളപ്പണം വെളുപ്പിക്കൽ കേസിൽ മഹാരാഷ്ട്ര ഗതാഗതമന്ത്രി അനിൽ പരബുമായി ബന്ധപ്പെട്ട ഏഴിടങ്ങളിൽ എൻഫോഴ്സ്മെന്റ് ഡയറക്ടറേറ്റ് റെയ്ഡ് നടത്തി. പൂനെ, മുംബൈ, ദാപോളി എന്നിവിടങ്ങളിലുള്ള അനിൽ പരാബിന്റെ വസതികളിൽ ഉൾപ്പെടെയാണ് രാവിലെ തിരച്ചിൽ നടക്കുന്നത്.

ശിവസേന നേതാവിനെതിരെ കള്ളപ്പണ നിരോധന നിയമ പ്രകാരം പുതിയ കേസ് രജിസ്റ്റർ ചെയ്താണ് പരിശോധന. നേരത്തെ, മുൻ മന്ത്രി അനിൽ ദേശ് മുഖുമായി ബന്ധപ്പെട്ട കള്ളപ്പണം വെളുപ്പിക്കൽ കേസിലും പരാബിനെ ഇ.ഡി ചോദ്യം ചെയ്തിരുന്നു.