'നിർധനരെ സഹായിക്കണം'; 600 കോടിയുടെ സ്വത്ത് യു.പി സർക്കാറിന് കൈമാറി ഡോക്ടർ
text_fieldsമൊറാദാബാദ്: നിർധനരെ സഹായിക്കാനായി 600 കോടിയുടെ സ്വത്തുക്കൾ ഉത്തർപ്രദേശ് സർക്കാറിന് കൈമാറി ഡോക്ടർ. മൊറാദാബാദിൽനിന്നുള്ള അരവിന്ദ് ഗോയലാണ് തന്റെ സമ്പാദ്യത്തിന്റെയും സ്വത്തിന്റെയും വലിയൊരു ഭാഗം സർക്കാറിന് കൈമാറിയത്.
50 വർഷമായി ആരോഗ്യ രംഗത്ത് പ്രവർത്തിക്കുകയാണ് ഗോയൽ. 25 വർഷം മുമ്പ് തീരുമാനിച്ച പ്രകാരമാണ് സ്വത്തുക്കൾ സർക്കാറിന് കൈമാറിയതെന്ന് അദ്ദേഹം പറഞ്ഞു. ലോക്ഡൗൺ സമയത്ത് മൊറാദാബാദിലെ 50 ഗ്രാമങ്ങൾ ദത്തെടുത്ത് ജനങ്ങൾക്ക് സൗജന്യമായി ഭക്ഷണവും ചികിത്സയും ലഭ്യമാക്കിയിരുന്നു.
കൂടാതെ, സംസ്ഥാനത്തെ നിർധനർക്ക് സൗജന്യ വിദ്യാഭ്യാസത്തിനും മികച്ച ചികിത്സക്കും സൗകര്യങ്ങൾ ചെയ്തുകൊടുക്കുന്നുണ്ട്. ഗോയലിന്റെ പ്രവർത്തനങ്ങളെ രാം നാഥ് കോവിന്ദ് ഉൾപ്പെടെയുള്ള രാഷ്ട്രപതിമാർ അഭിനന്ദിച്ചിരുന്നു. ഭാര്യ രേണു ഗോയലിനെ കൂടാതെ മൂന്നു മക്കളുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.