പുതുവത്സര രാവിൽ കൊൽക്കത്തയിൽ അറസ്​റ്റിലായത്​ 3,678 പേർ

കൊൽക്കത്ത: പുതുവത്സര രാവിൽ കൊൽക്കത്തയിൽ അറസ്​റ്റിലായത്​ 3,678 പേർ. മോശം പെരുമാറ്റം, മദ്യപിച്ചുള്ള വാഹനമോടിക ്കൽ, ട്രാഫിക്​ നിയമങ്ങളുടെ ലംഘനം തുടങ്ങിയ കുറ്റങ്ങൾ ചുമത്തിയാണ്​ അറസ്​റ്റെന്ന്​ മുതിർന്ന പൊലീസ്​ ഉദ്യോഗസ്ഥൻ അറിയിച്ചു.

ഇതിൽ 148 പേരെ ജാമ്യമില്ല കുറ്റം ചുമത്തിയാണ്​ അറസ്​റ്റ്​ ചെയ്​തിരിക്കുന്നത്​. 531 പേർ മദ്യപിച്ച്​ വാഹനമോടിച്ചതിന്​ പിടിയിലായപ്പോൾ 654 പേർ മൂന്നു പേരുമായി ഇരുചക്രവാഹനം വാഹമോടിച്ചതിനാണ്​ അറസ്​റ്റ്​ ചെയ്​തത്​.

ചൊവ്വാഴാഴ്​ച 18 വാഹനങ്ങളും ​പൊലീസ്​ പിടിച്ചെടുത്തു. കാണാതെ പോയ 14 മൊബൈൽ ഫോണുകളും പൊലീസ്​ കണ്ടെടുത്തു. അനധികൃത മദ്യവും കഞ്ചാവും റെയ്​ഡിൽ പിടിച്ചെടുത്തിട്ടുണ്ട്​.