സംഭൽ ശാഹി മസ്ജിദ്: സർവേ റിപ്പോർട്ട് ജനുവരി ആദ്യം സമർപ്പിക്കും

സം​ഭ​ൽ (യു.​പി): ശാ​ഹി മ​സ്ജി​ദി​ൽ ന​ട​ത്തി​യ സ​ർ​വേ​യു​ടെ റി​പ്പോ​ർ​ട്ട് ജ​നു​വ​രി ആ​ദ്യം കോ​ട​തി​യി​ൽ സ​മ​ർ​പ്പി​ക്കു​മെ​ന്ന് കോ​ട​തി നി​യോ​ഗി​ച്ച ക​മീ​ഷ​ണ​ർ അ​ഡ്വ. ര​മേ​ശ് സി​ങ് രാ​ഘ​വ്. റി​പ്പോ​ർ​ട്ട് അ​ന്തി​മ ഘ​ട്ട​ത്തി​ലാ​ണെ​ന്നും ജ​നു​വ​രി ര​ണ്ടി​നോ മൂ​ന്നി​നോ സ​മ​ർ​പ്പി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

ജ​നു​വ​രി ആ​റു​വ​രെ വി​ചാ​ര​ണ​ക്കോ​ട​തി ഒ​രു ന​ട​പ​ടി​യും സ്വീ​ക​രി​ക്ക​രു​തെ​ന്ന് സു​പ്രീം​കോ​ട​തി ഉ​ത്ത​ര​വു​ണ്ട്. ന​വം​ബ​ർ 19 നാ​ണ് സം​ഭ​ൽ ശാ​ഹി മ​സ്ജി​ദി​ൽ അ​ഡ്വ​ക്ക​റ്റ് ക​മീ​ഷ​ണ​റു​ടെ മേ​ൽ​നോ​ട്ട​ത്തി​ൽ സ​ർ​വേ ന​ട​ത്താ​ൻ കോ​ട​തി ഉ​ത്ത​ര​വി​ട്ട​ത്.

മു​ഗ​ൾ ച​ക്ര​വ​ർ​ത്തി ബാ​ബ​ർ ഹി​ന്ദു​ക്ഷേ​ത്രം ത​ക​ർ​ത്താ​ണ് പ​ള്ളി നി​ർ​മി​ച്ച​തെ​ന്ന് അ​വ​കാ​ശ​പ്പെ​ട്ട് ഹി​ന്ദു വി​ഭാ​ഗം ന​ൽ​കി​യ ഹ​ര​ജി​യെ തു​ട​ർ​ന്നാ​യി​രു​ന്നു ന​ട​പ​ടി. ന​വം​ബ​ർ 24ന് ​ര​ണ്ടാം ഘ​ട്ട സ​ർ​വേ​ക്കി​ടെ അ​ഞ്ചു​പേ​ർ വെ​ടി​യേ​റ്റ് മ​രി​ക്കു​ക​യും നി​ര​വ​ധി​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു. തു​ട​ർ​ന്ന് ന​ട​പ​ടി​ക​ൾ നി​ർ​ത്തി​വെ​ക്കാ​ൻ ന​വം​ബ​ർ 29നാ​ണ് വി​ചാ​ര​ണ​ക്കോ​ട​തി​ക്ക് സു​പ്രീം​കോ​ട​തി നി​ർ​ദേ​ശം ന​ൽ​കി​യ​ത്.

സംഭൽ സംഘർഷം; ഏഴുപേർ കൂടി അറസ്റ്റിൽ

സം​ഭ​ൽ: ശാ​ഹി മ​സ്ജി​ദി​ലെ സ​ർ​വേ​ക്കി​ടെ​യു​ണ്ടാ​യ സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് ഏ​ഴു​പേ​രെ കൂ​ടി പൊ​ലീ​സ് അ​റ​സ്റ്റ് ചെ​യ്തു. ഷു​ഐ​ബ്, സു​ജാ​വു​ദ്ദീ​ൻ, റാ​ഹ​ത്ത്, മു​ഹ​മ്മ​ദ് അ​സം, അ​സ്ഹ​റു​ദ്ദീ​ൻ, ജാ​വേ​ദ്, മു​സ്ത​ഫ എ​ന്നി​വ​രാ​ണ് പി​ടി​യി​ലാ​യ​ത്. ഇ​തോ​ടെ അ​റ​സ്റ്റി​ലാ​യ​വ​ർ 47 ആ​യി. 91 പേ​രെ തി​രി​ച്ച​റി​ഞ്ഞി​ട്ടു​ണ്ടെ​ന്ന് അ​ഡീ​ഷ​ന​ൽ പൊ​ലീ​സ് സൂ​പ്ര​ണ്ട് ശ്രീ​ഷ് ച​ന്ദ്ര പ​റ​ഞ്ഞു. സം​ഭ​വ​ത്തി​ൽ 11 എ​ഫ്.​ഐ.​ആ​റു​ക​ളാ​ണ് ര​ജി​സ്റ്റ​ർ ചെ​യ്ത​ത്. ക്ഷേ​ത്രം ത​ക​ർ​ത്താ​ണ് പ​ള്ളി നി​ർ​മി​ച്ച​തെ​ന്ന് അ​വ​കാ​ശ​പ്പെ​ട്ട് ന​ൽ​കി​യ ഹ​ര​ജി​യെ തു​​ട​ർ​ന്നാ​ണ് കോ​ട​തി സ​ർ​വേ​ക്ക് ഉ​ത്ത​ര​വി​ട്ട​ത്. ന​വം​ബ​ർ 24ന് ​സ​ർ​വേ​ക്കി​ടെ​യു​ണ്ടാ​യ വെ​ടി​വെ​പ്പി​ൽ അ​ഞ്ചു​പേ​ർ കൊ​ല്ല​പ്പെ​ടു​ക​യും നി​ര​വ​ധി​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.