ഭാരത്​ ബന്ദ്​: മധ്യപ്രദേശിൽ ആയുധ ലൈസൻസ്​ റദ്ദാക്കി, നിരോധനാജ്​ഞ തുടരും

ഭിന്ദ്​: എസ്​​.സി/എസ്​.ടി നിയമഭേദഗതിക്കെതിരായി നടന്ന ഭാരത്​ ബന്ദിൽ അതിക്രമങ്ങൾ അരങ്ങേറിയതി​െന തുടർന്ന്​ മധ്യപ്രദേശിൽ ആയുധങ്ങൾ കൈവശം വെക്കുന്നതിന്​ നിരോധനം. മധ്യപ്രദേശി​െല ഭിന്ദിൽ ആയുധ ലൈസൻസ്​ സസ്​പ​​​െൻറ്​ ചെയ്​തിട്ടുണ്ട്​. ഭിന്ദിലെ മെഹ്​ഗാവ്​, ഗൊഹദ്​, മച്ചന്ദ്​ ഭാഗങ്ങളിലാണ്​ ആയുധ ലൈസൻസ്​ താത്​കാലികമായി സസ്​പ​​​െൻറ്​ ചെയ്​തത്​. 

ഗ്വാളിയോറിലും ഭിന്ദിലും മൊറീനയിലും നിരോധനാജ്​ഞ നിലനിൽക്കുന്നുണ്ട്​. 10 മുതൽ 12 വരെയുള്ള സമയത്ത്​ നിരോധനാജ്​ഞക്ക്​ ഇളവ്​ നൽകും. മൊറീനയിൽ പൊലീസിനു നേരെ കല്ലെറിഞ്ഞ 50 ഒാളം പേരെ കസ്​റ്റഡിയിൽ എടുത്തു​. 

എസ്​.സി/എസ്​.ടി നിയമ ഭേദഗതി​െക്കതിരായി ഏപ്രിൽ രണ്ടിന്​ ദലിത്​ സംഘടനകൾ ആഹ്വാനം ചെയ്​ത ഭാരത്​ ബന്ദി​നിടെ അക്രമ സംഭവങ്ങൾ അരങ്ങേറിയിരുന്നു. വിവിധ സംസ്​ഥാനങ്ങളിലായി ഉണ്ടായ ആക്രമണങ്ങളിൽ ഒമ്പതു പേർ കൊല്ല​െപ്പട്ടു.