ഹോസ്​റ്റൽ പരിസരത്ത്​ സാനിറ്ററി പാഡ്​; വിദ്യാർഥിനികളെ വാർഡൻ വിവസ്​ത്രരാക്കി പരിശോധിച്ചു 

സാഗർ: മധ്യപ്രദേശിലെ ഡോ. ഹരിസിങ്​ ഗൗർ സർവകാലാശാല ഹോസ്​റ്റലിൽ വിദ്യാർഥിനികളെ വനിതാ വാർഡൻ വിവസ്​ത്രരാക്കി പരിശോധിച്ചെന്ന്​ ആരോപണം. 40 ഒാളം വിദ്യാർഥിനികൾ താമസിക്കുന്ന ഹോസ്​റ്റലി​​​െൻറ പരിസരത്ത്​ ഉപയോഗ ശേഷം ഉപേക്ഷിച്ച നിലയിൽ സാനിറ്ററി പാഡ്​ കണ്ടതിനെ തുടർന്നാണ്​ പരിശോധനയെന്ന് വിദ്യാർഥിനികൾ​ ആരോപിച്ചു.

സംഭവത്തിൽ സർവകലാശാല വൈസ്​ ചാൻസലർ വിദ്യാർഥിനികളോട്​ നേരിട്ട്​ മാപ്പ്​ ചോദിച്ചു. മക്കളെ പോലെ കാണുന്ന വിദ്യാർഥിനികൾ നേരിട്ട ഇൗ സംഭവം അങ്ങേയറ്റം ദൗർഭാഗ്യകരമാണ്​. ശിക്ഷ നൽകേണ്ട പ്രവർത്തിയാണ്​ വാർഡ​​​െൻറ ഭാഗത്തു നിന്നുണ്ടായ​െതന്നും വൈസ്​ ചാൻസലർ പറഞ്ഞു.

സംഭവത്തിൽ അ​േന്വഷണത്തിന്​ ഉത്തരവിട്ടിട്ടുണ്ട്​. വാർഡൻ കുറ്റക്കാരിയാണെന്ന്​ കണ്ടെത്തിയാൽ അവർക്കെതിരെ കർശന നടപടിയെടുക്കുമെന്നും വൈസ്​ ചാൻസലർ ഉറപ്പു നൽകി.