ഹിന്ദുമത വികാരം വ്രണപ്പെടുത്തിയതിന്​ താണ്ഡവിനെതിരെ കേസെടുക്കുമെന്ന്​ ​മധ്യപ്രദേശ്​ ആഭ്യന്തര മന്ത്രി

ഭോപാൽ: ആമസോൺ ​പ്രൈമിൽ സംപ്രേഷണം ചെയ്​തുവരുന്ന 'താണ്ഡവ്​' വെബ്​ സീരീസിനെതിരെ കേസെടുക്കുമെന്ന്​ മധ്യപ്രദേശ്​ ആഭ്യന്തര മന്ത്രി നരോത്തം മിശ്ര. ഹിന്ദുമത വികാരം വ്രണപ്പെടുത്തിയ​ന്നാരോപിച്ചാണ്​ ​അണിയറ പ്രവർത്തകർക്കെതിരെയും അഭിനേതക്കൾക്കെതിരെയും കേസെടുക്കാനാണ്​ സർക്കാർ ഒരുങ്ങുന്നത്​. നേരത്തെ ഉത്തർപ്രദേശിലും മഹാരാഷ്​ട്രയിലും വെബ്​സീരീസിനെതിരെ കേസ്​ ഫയൽ ചെയ്​തിട്ടുണ്ട്​. ഉത്തർ പ്രദേശിൽ ചൊവ്വാഴ്​ച ഒരു കേസ്​ കൂടി ഫയൽ ചെയ്​തിട്ടുണ്ട്​.

എന്തു കൊണ്ടാണ് ഇത്തരം ആളുകൾ ഹിന്ദു വികാരങ്ങളെ മാത്രം ലക്ഷ്യമിടുന്നതെന്നും മറ്റ്​ മതങ്ങൾക്കെതിരെ അവർ നീങ്ങുന്നില്ലെന്നും മിശ്ര ചോദിച്ചു. ഇതിനെതിരെ പ്രതികരിക്കു​േമ്പാൾ മറ്റ്​ രാഷ്​ട്രീയ പാർട്ടികൾക്ക് അത്​ ​ ​മോശം കാര്യമായി തോന്നുതെന്താണെന്നറിയില്ലെന്നും അദ്ദേഹം പറഞ്ഞു. സംഭവത്തിൽ മുഖ്യമന്ത്രി ശിവ്​രാജ്​ സിങ്​ ചൗഹാനും രൂക്ഷമായാണ്​ പ്രതികരിച്ചത്​. ഹിന്ദു വിശ്വാസങ്ങളെ വേദനിപ്പിക്കാനോ ദൈവങ്ങളെ അപമാനിക്കാനോ ആർക്കും അവകാശമില്ലെന്ന്​ അദ്ദേഹം ട്വിറ്ററിൽ കുറിച്ചു. ഒ.ടി.ടി പ്ലാറ്റ്​ഫോമുകളിലൂടെ ഇത്തരം അശ്ലീലങ്ങൾ വിതരണം ചെയ്യുന്നത്​ യുവ തലമുറക്ക്​ നല്ലതല്ല. ഇത്തരം പ്ലാറ്റ്​ഫോമുകൾ സൂക്ഷ്​മമായി നിരീക്ഷിക്കേണ്ടത്​ ആവശ്യമാണ്​. കേന്ദ്ര സർക്കാർ സംഭവത്തിൽ സ്വമേധയാ കേസ്​ രജിസ്​റ്റർ ചെയ്യുമെന്നും ചൗഹാൻ കൂട്ടിച്ചേർത്തു.

അതേസമയം, താണ്ഡവി​‍െൻറ അറിയറ പ്രവർത്തകർ സംഭവത്തിൽ ഖേദം പ്രകടിപ്പിച്ച്​ രംഗ​െതത്തിയിരുന്നു. മനപ്പൂർവം ഹിന്ദുമത വിശ്വാസങ്ങളെ അപമാനിക്കാനായി ഒന്നും ചെയ്​തിട്ടില്ലെന്ന്​ സംവിധായകൻ അലി അബ്ബാസും നിർമാതാവ്​ ഹിമാൻഷു കൃഷ്​ണ മെഹ്​റയും പറഞ്ഞു.