ജലനിരപ്പ്​ 139 അടിയിൽ നിലനിർത്തണം -സുപ്രീംകോടതി

ന്യൂഡൽഹി: മുല്ല​െപ്പരിയാർ അണ​െക്കട്ടിലെ ജലനിരപ്പ്​ ഇൗ മാസം 31 വരെ 139 അടിയാക്കി നിലനിർത്തണമെന്ന്​ സുപ്രീംകോടതി ഉത്തരവിട്ടു. വ്യാഴാഴ്​ച ചേർന്ന മേൽനോട്ട സമിതി യോഗത്തി​​​െൻറ  തീരുമാനത്തിന്​ ചീഫ്​ ജസ്​റ്റിസ്​ ദീപക്​ മിശ്ര അധ്യക്ഷനായ ബെഞ്ച്​ അംഗീകാരം നൽകി. അതിനിടെ നിർണായകമായ നീക്കത്തിൽ കേരള സർക്കാർ മുല്ലപ്പെരിയാർ കേസിലെ അഭിഭാഷകൻ മോഹൻ കത്താർക്കിയെ മാറ്റി. മുല്ലപ്പെരിയാറിലെ ജലനിരപ്പ് തമിഴ്‌നാട് തുടര്‍ച്ചയായി നിരീക്ഷിക്കണമെന്നും ദുരന്ത നിവാരണ പദ്ധതി പ്രഖ്യാപിക്കണമെന്നുമാവശ്യപ്പെട്ട് ഇടുക്കി സ്വദേശി റസ്സല്‍ ജോയി നല്‍കിയ ഹരജി പരിഗണിക്കുകയായിരുന്നു സുപ്രീംകോടതി.

മഴ നിന്നിരിക്കുന്നുവെന്നും എല്ലാത്തിനും പരിഹാരമായെന്നും മുല്ലപ്പെരിയാറിലെ സാഹചര്യങ്ങൾ മാറിയെന്നും ചീഫ്​ ജസ്​റ്റിസ്​ ചൂണ്ടിക്കാട്ടി. അണക്കെട്ടി​െല ​ൈദനംദിന കാര്യങ്ങളുടെ പരിപാലനത്തിന്​ ഒരു പരിപാലന കമ്മിറ്റിയുണ്ടാക്കണമെന്ന കേരളത്തി​​​െൻറ ആവശ്യം സുപ്രീംകോടതി വിധിക്ക്​ പുറത്തു കടക്കാനുള്ള തന്ത്രപരമായ സംവിധാനമാണെന്ന്​ തമിഴ്​നാടി​​​െൻറ അഭിഭാഷകൻ കുറ്റപ്പെടുത്തി.

കേരളത്തി​​​െൻറ സത്യവാങ്​മൂലത്തിന്​ മറുപടി നൽകാൻ തമിഴ്​നാട്​ സമയം ചോദിച്ചതിനാൽ സുപ്രീംകോടതി കേസ്​ സെപ്​റ്റംബർ ആറിലേക്ക്​ മാറ്റി. വെള്ളിയാഴ്​ച കേസ്​ നടപടി അവസാനിപ്പിച്ചതിന്​ തൊട്ടുപിറകെ തമിഴ്​നാട്​  മറുപടി സത്യവാങ്​മൂലം സമർപ്പിക്കുകയും ചെയ്​തു. മുല്ലപ്പെരിയാർ ​േകസിൽ വർഷങ്ങളായി കേരളത്തിനുവേണ്ടി ഹാജരാകുന്ന മുതിർന്ന അഭിഭാഷകൻ മോഹൻ കത്താർക്കിയെ കേരള സർക്കാർ മാറ്റി. പകരം യു.പി.എ സർക്കാറി​​​െൻറ അഡീഷനൽ സോളിസിറ്റർ ജനറലായിരുന്ന പി.പി. റാവലാണ്​ വെള്ളിയാഴ്​ച കേരളത്തിനുവേണ്ടി ഹാജരായത്​.

മുല്ലപ്പെരിയാര്‍ അണക്കെട്ടിലെ ജലനിരപ്പ് വീണ്ടും 142 അടിയാക്കി ഉയര്‍ത്തണമെന്ന തമിഴ്‌നാടി​​​െൻറ ആവശ്യം വ്യാഴാഴ്​ച മേല്‍നോട്ട സമിതി അംഗീകരിച്ചിരുന്നില്ല. അണക്കെട്ടിലെ ജലനിരപ്പ് 139 അടിയില്‍ നിര്‍ത്തണമെന്ന കേരളത്തി​​​െൻറ ആവശ്യം തമിഴ്‌നാട് അംഗീകരിക്കാതിരുന്നത്​ പ്രളയത്തിന്​ വഴിവെച്ചുവെന്ന്​ കേരള സർക്കാർ സത്യവാങ്​​മൂലത്തിൽ ബോധിപ്പിച്ചിരുന്നു. ജലനിരപ്പ് 136 അടിയിലെത്തിയപ്പോൾ അൽപാൽപമായി വെള്ളം തുറന്നുവിട്ടിരുന്നെങ്കില്‍ ജനങ്ങളെ ഒഴിപ്പിക്കാൻ ഒരു ദിവസം കൂടി കിട്ടുമായിരുന്നുവെന്നും കേരളം വ്യക്​തമാക്കി.