റാം റഹീം 1997 നമ്പർ തടവുകാരൻ; ജയിലിന് കനത്ത സുരക്ഷ 

ചണ്ഡീഗഢ്​:  വിവാദ ആൾദൈവം ഗുർമീത് റാം റഹീം തടവിൽ കഴിയുന്ന ഹരിയാനയിലെ റോഹ്തക് ജയിലിന് കനത്ത സുരക്ഷ ഏർപ്പെടുത്തി. ഇവിടെ 1997 നമ്പർ തടവുകാരനാണ് അദ്ദേഹം.  12 പേരെ പാർപ്പിക്കാറുള്ള സെല്ലിൽ ഇദ്ദേഹം മാത്രമാണുള്ളത്​. സുരക്ഷ കണക്കിലെടുത്താണ്​ നടപടി. എന്നാൽ, ജയിലിൽ വി.​െഎ.പി പരിഗണനയുണ്ടെന്ന വാർത്ത അധികൃതർ നിഷേധിച്ചു. ജയിലിലെ ആദ്യദിനം അർധരാത്രി വരെ റാം റഹീം ഉറങ്ങിയില്ല. ബലാത്സംഗ കേസില്‍ ശിക്ഷ നാളെ വിധിക്കും. ജയിലില്‍ പ്രത്യേകം തയാറാക്കിയ കോടതി മുറിയിലാണ് ശിക്ഷ പ്രഖ്യാപിക്കുക.

അതേസമയം, അനുയായികൾ അഴിഞ്ഞാടിയ സിർസയിൽ ക്രമസമാധാനം സാധാരണ നിലയിലേക്ക്​ എത്തിക്കുന്നതി​​െൻറ ഭാഗമായി സൈന്യം ഫ്ലാഗ്​ മാർച്ച്​ നടത്തി. സംസ്​ഥാനത്തി​​െൻറ വിവിധ ഭാഗങ്ങളിലായി 31 ആശ്രമങ്ങൾ സർക്കാർ സീൽ ചെയ്​തു. അംബാലയിൽ 13 ആശ്രമങ്ങളും കുരുക്ഷേത്രയിലെ 10 ആശ്രമങ്ങളും യമുന നഗറിലെ എട്ട് ആശ്രമങ്ങൾക്കുമെതിരെയാ​ണ് നടപടി എടുത്തത്.

സിർസയിൽ രണ്ട്​ കമ്പനി സൈന്യത്തെയും 10​ കമ്പനി  അർധസൈനികരെയുമാണ്​ ​വിന്യസിച്ചത്. ഹരിയാനയുടെയും പഞ്ചാബി​​െൻറയും മിക്ക സ്ഥലങ്ങളിലും ശനിയാഴ്​ചയും കർഫ്യൂ നിലനിന്നു. അതേസമയം, ദേര സച്ചാ സൗദ ആസ്ഥാനത്ത്​ പ്രവേശിക്കില്ലെന്ന്​ സൈന്യം വ്യക്​തമാക്കി. 

ദേര സച്ചാ ആശ്രമ പ്രവേശന കവാടത്തിൽ സൈന്യം ബാരി​േക്കഡുകൾ വെച്ചു. എന്നാൽ, ഇപ്പോഴും ലക്ഷത്തോളം പേർ തങ്ങുന്ന ആശ്രമത്തിൽനിന്ന്​ സ്വമേധയാ അനുയായികളോട്​ ഒഴിഞ്ഞുപോകാൻ ഉദ്യോഗസ്ഥർ ആവശ്യപ്പെട്ടിരിക്കുയാണ്. ഇതുവരെ 20,000 പേർ ആശ്രമം വിട്ടുപോയി. 

സംസ്ഥാനത്തി​​െൻറ വിവിധ ഭാഗങ്ങളിൽ ആശ്രമ കേന്ദ്രങ്ങളിൽ പരിശോധന നടത്തിയ സുരക്ഷസേന അക്രമത്തിന്​ ഉപയോഗിക്കുന്ന നിരവധി വസ്​തുക്കൾ പിടിച്ചെടുത്തു. സിർസയിലെ ആസ്ഥാനത്തും പഞ്ചകുളയിലെ കേന്ദ്രങ്ങളിലും അടക്കമാണ്​ പരിശോധന നടത്തിയത്​. കുരു​ക്ഷേത്രയിൽ മാത്രം 3,000ത്തിലേറെ ലാത്തികളും മൂർച്ചയുള്ള ആയുധങ്ങള​ും കണ്ടെത്തി.