കോവിഡ്​ രോഗിയെ പീഡിപ്പിച്ചു; ക്വാറൻറീനിലുള്ള ഡോക്​ടർക്കെതിരെ കേസ്​

മുംബൈ: കോവിഡ്​ വൈറസ്​ ബാധയെ തുടർന്ന്​ തീവ്രപരിചരണ വിഭാവത്തിൽ കഴിയുന്ന മധ്യവയസ്​കനെ ​ലൈംഗികമായി അപമാനിച്ച ഡോക്​ടർക്കെതിരെ പൊലീസ്​ കേസെടുത്തു​. സെൻട്രൽ മുംബൈയിലെ വോക്​ഹാർട്​ ആശുപത്രിയിൽ മേയ്​ ഒന്നിനാണ്​ സംഭവം നടന്നത്​. 

ആശുപത്രി അധികൃതരുടെ പരാതിയിൽ പൊലീസ്​ 34 കാരനായ ​േഡാക്​ടർക്കെതിരെ കേസെടുത്തു. സംഭവത്തെ തുടർന്ന്​ വീട്ടുനിരീക്ഷണത്തിൽ കഴിയുന്ന ഡോക്​ടറെ അറസ്​റ്റ്​ ചെയ്യാനോ ചോദ്യം ചെയ്യാനോ പൊലീസിന്​ കഴിഞ്ഞിട്ടില്ല. കോവിഡ്​ വൈറസ്​ ഭീഷണിയുള്ളതിനാൽ പ്രതിയുടെ ക്വാറൻറീൻ കാലവധിക്ക്​ ശേഷമാകും അറസ്​റ്റ്​. നിരീക്ഷണകാലയളവിൽ ഒളിവിൽ പോകാതിരിക്കാൻ പൊലീസ്​ കാവൽ ഏർപ്പെടുത്തിയിട്ടുണ്ട്​. 

സംഭവം നടക്കുന്നതി​​​​െൻറ രണ്ട്​ ദിവസം മുമ്പാണ്​ ഡോക്​ടർ ആശുപത്രിയിൽ ജോലിക്ക്​ കയറിയതെന്നും മോശം പെരുമാറ്റത്തെ തുടർന്ന്​ ജോലിയിൽ നിന്ന്​ പുറത്താക്കിയതായും ആശുപത്രി അധികൃതർ അറിയിച്ചു.