രാജ്യത്ത്​ വാക്​സിൻ ക്ഷാമം തുടരുന്നു; മൂന്ന്​ ദിവ​സത്തേക്ക്​ മുംബൈയിൽ വാക്​സിനേഷൻ നിർത്തിവെച്ചു

മുംബൈ: കോവിഡിൽ വലയുന്ന ഇന്ത്യക്ക്​ മുന്നിൽ വെല്ലുവിളിയായി വാക്സിൻ ക്ഷാമം തുടരുന്നു. പല സംസ്ഥാനങ്ങൾക്കും ആവശ്യത്തിനുള്ള വാക്​സിൻ ലഭ്യമായിട്ടി​ല്ലെന്ന റിപ്പോർട്ടുകൾ പുറത്ത്​ വരുന്നുണ്ട്​. വാക്​സിൻ ലഭ്യമാകാത്തതിനെ തുടർന്ന്​ മുംബൈയിൽ വാക്​സിനേഷൻ പ്രവർത്തനങ്ങൾ മൂന്ന്​ ദിവസത്തേക്ക്​ നിർത്തി​വെച്ചു.

വെള്ളിയാഴ്​ച മുതൽ വാക്​സിനേഷൻ മൂന്ന്​ ദിവസത്തേക്ക്​ നിർത്തുകയാണെന്ന്​ മുംബൈ കോർപ്പറേഷൻ അധികൃതർ പറഞ്ഞു. 45 വയസിന്​ മുകളിലുള്ളവർ ആശങ്കപ്പെടേണ്ട സാഹചര്യമില്ല. വാക്​സിനായി ആരും തിരക്ക്​ കൂ​ട്ടേണ്ടതില്ലെന്നും ലഭ്യമായാൽ ഉടൻ നൽകുമെന്നും അധികൃതർ പറഞ്ഞു.

ആവശ്യത്തിന്​ വാക്​സിൻ ലഭ്യമായാൽ മാത്രമേ 45 വയസിൽ താഴെയുള്ളവരുടെ വാക്​സിനേഷൻ പ്രവർത്തനങ്ങൾ ആരംഭിക്കുവെന്ന്​ ബൃഹാൻ മുംബൈ മുൻസിപ്പൽ കോർപ്പറേഷൻ അഡീഷണൽ കമീഷണർ അശ്വിനി ഭിഡെ പറഞ്ഞു. മഹാരാഷ്​ട്രക്ക്​ പുറമേ പഞ്ചാബ്​, ഡൽഹി, തമിഴ്​നാട്​, കേരള തുടങ്ങിയ സംസ്ഥാനങ്ങളെല്ലാം ആവശ്യത്തിന്​ വാക്​സിൻ ലഭ്യമാകുന്നില്ലെന്ന പരാതിയുമായി രംഗത്തുണ്ട്​.