മുംബൈയിൽ നിന്ന് നവി മുംബൈയിലേക്ക് ഇനി 20 മിനിറ്റ് കൊണ്ടെത്താം; ഇന്ത്യയിലെ ഏറ്റവും നീളമുള്ള കടൽപാലം ഉദ്ഘാടനം ചെയ്തു

മും​ബൈ: മും​ബൈ​യെ ന​വി മും​ബൈ​യു​മാ​യി ക​ട​ൽ​വ​ഴി ബ​ന്ധി​പ്പി​ക്കു​ന്ന രാ​ജ്യ​ത്തെ ഏ​റ്റ​വും നീ​ള​മേ​റി​യ ക​ട​ൽ​പ്പാ​ലം- അ​ട​ൽ സേ​തു - പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഉ​ദ്ഘാ​ട​നം ചെ​യ്തു. തെ​ര​ഞ്ഞെ​ടു​പ്പ് അ​ടു​ത്ത വേ​ള​യി​ൽ ന​ട​ക്കു​ന്ന പ​ദ്ധ​തി ഉ​ദ്ഘാ​ട​ന വേ​ദി മോ​ദി ആ​ത്മ​പ്ര​ശം​സ​യു​ടെ അ​വ​സ​ര​മാ​ക്കി. പാ​ലം പൂ​ർ​ത്തീ​ക​ര​ണം ‘താ​ൻ ന​ൽ​കി​യ ഉ​റ​പ്പാ​ണെ’​ന്നാ​യി​രു​ന്നു മോ​ദി​യു​ടെ പ്ര​ഖ്യാ​പ​നം. 17,840 കോ​ടി രൂ​പ ചെ​ല​വി​ലാ​ണ് പാ​ലം നി​ർ​മി​ച്ച​ത്. ആ​റു​വ​രി ട്രാ​ൻ​സ്-​ഹാ​ർ​ബ​ർ പാ​ല​ത്തി​ന് 21.8 കി​ലോ​മീ​റ്റ​ർ നീ​ള​മു​ണ്ട്. ഇ​തി​ൽ 16.5 കി​ലോ​മീ​റ്റ​ർ ക​ട​ലി​ലാ​ണ്. 2016 ഡി​സം​ബ​റി​ൽ മോ​ദി​യാ​ണ് പാ​ല​ത്തി​ന് ത​റ​ക്ക​ല്ലി​ട്ട​ത്. കോ​വി​ഡ് പ്ര​തി​സ​ന്ധി​ക​ൾ​ക്കി​ട​യി​ലും ക​ട​ൽ​പ്പാ​ലം പൂ​ർ​ത്തീ​ക​രി​ക്കാ​നാ​യ​ത് നേ​ട്ട​മാ​ണെ​ന്ന് മോ​ദി പി​ന്നീ​ട് പൊ​തു​യോ​ഗ​ത്തി​ൽ പ​റ​ഞ്ഞു. പ​ദ്ധ​തി പൂ​ർ​ത്തീ​ക​ര​ണ വേ​ള​യി​ൽ ജ​പ്പാ​ൻ സ​ർ​ക്കാ​റി​ന് ന​ന്ദി രേ​ഖ​പ്പെ​ടു​ത്തു​ന്ന​താ​യി മോ​ദി പ​റ​ഞ്ഞു. നി​ര്യാ​ത​നാ​യ ജ​പ്പാ​ൻ പ്ര​ധാ​ന​മ​ന്ത്രി ഷി​ൻ​സോ ആ​ബെ​യെ അ​ദ്ദേ​ഹം സ്മ​രി​ച്ചു.

മും​ബൈ ട്രാ​ൻ​സ് ഹാ​ർ​ബ​ർ ലി​ങ്ക് പ​ദ്ധ​തി പൂ​ർ​ത്തീ​ക​രി​ക്കു​മെ​ന്ന് ത​ങ്ങ​ൾ ഇ​രു​വ​രും പ്ര​തി​ജ്ഞ​യെ​ടു​ത്തി​രു​ന്ന​താ​ണെ​ന്ന് മോ​ദി കൂ​ട്ടി​ച്ചേ​ർ​ത്തു. താ​ണെ-​വാ​ശി/​പ​ൻ​വേ​ൽ ട്രാ​ൻ​സ്-​ഹാ​ർ​ബ​ർ ലൈ​നി​ലെ പു​തി​യ സ​ബ​ർ​ബ​ൻ ദി​ഘ​ഗാ​വ് റെ​യി​ൽ​വേ സ്റ്റേ​ഷ​ന്റെ​യും മും​ബൈ​യി​ലെ ഖ​ർ റോ​ഡ് ഗോ​റി​ഗോ​ൺ റെ​യി​ൽ​വെ സ്റ്റേ​ഷ​നു​ക​ൾ​ക്കി​ട​യി​ലെ ആ​റാം പാ​ത​യു​ടെ​യും ഉ​ദ്ഘാ​ട​നം മോ​ദി നി​ർ​വ​ഹി​ച്ചു. ന​വി മും​ബൈ അ​ന്താ​രാ​ഷ്ട്ര വി​മാ​ന​ത്താ​വ​ളം, മും​ബൈ തീ​ര​ദേ​ശ റോ​ഡ്, ഔ​റം​ഗാ​ബാ​ദ് വ്യ​വ​സാ​യ ന​ഗ​രം, മും​ബൈ-​ഡ​ൽ​ഹി വ്യ​വ​സാ​യ ഇ​ട​നാ​ഴി, ബു​ള്ള​റ്റ് ട്രെ​യി​ൻ എ​ന്നി​വ വ​രും​വ​ർ​ഷ​ങ്ങ​ളി​ൽ മ​ഹാ​രാ​ഷ്ട്ര സ​മ്പ​ദ്‍വ്യ​വ​സ്ഥ​യെ ക​രു​ത്തു​റ്റ​താ​ക്കു​മെ​ന്ന് മോ​ദി അ​ഭി​പ്രാ​യ​പ്പെ​ട്ടു.

അടൽ സേതു മുംബൈ ​ട്രാൻസ് ഹാർബർ ലിങ്ക് പാലം

മുംബൈയിലെ സെവ്റിയെയും റെയ്ഗഡ് ജില്ലയിലെ നവ ശേവയെയും ബന്ധിപ്പിക്കുന്നു. നവിമുംബൈയിലേക്ക് യാത്രസമയം രണ്ടു മണിക്കൂറിൽ നിന്ന് 20 മിനുട്ടായി കുറയും.

• രാജ്യത്തെ ഏറ്റവും വലിയ കടൽപാലം. 2017 നവംബറിൽ നിർമാണം ആരംഭിച്ചു.
  
• ആറു വരി പാത. സമുദ്ര നിരപ്പിൽനിന്ന് 15 മീറ്റർ ഉയരം
• 21.8 കിലോ മീറ്റർ ദൂരം. കടലിന് മുകളിലൂടെ മാത്രം 16.5 കിലോ മീറ്റർ
• ദിവസം 70,000 വാഹനങ്ങൾക്ക് യാത്രചെയ്യാം
• നിർമാണ ചെലവ് 17,840 കോടി രൂപ
• ടോൾ ഒരു ഭാഗത്തേക്ക് 250 രൂപ
• ഉയർന്ന വേഗപരിധി മണിക്കൂറിൽ 100 കിലോമീറ്റർ
• ബസുകളും ഓട്ടോറിക്ഷകളും ഇരുചക്ര വാഹനങ്ങളും ഉൾപ്പെടെ വേഗം കുറഞ്ഞ വാഹനങ്ങൾക്ക് അനുമതിയില്ല