ഗൗരിവധം: വിചാരണ ഇഴയുന്നു; പ്രത്യേക ഫാസ്റ്റ് ട്രാക് കോടതി വേണമെന്ന് ആവശ്യം

ബം​ഗ​ളൂ​രു: ഗൗ​രി ല​​ങ്കേ​ഷ് പ​ത്രി​കെ എ​ഡി​റ്റ​റും ആ​ക്ടി​വി​സ്റ്റു​മാ​യി​രു​ന്ന ഗൗ​രി ല​​ങ്കേ​ഷി​നെ വെ​ടി​വെ​ച്ചു​കൊ​ന്ന കേ​സി​ൽ വി​ചാ​ര​ണ ഇ​ഴ​യു​ന്നു. 2017 ആ​ഗ​സ്റ്റ് അ​ഞ്ചി​നാ​യി​രു​ന്നു അ​ന്താ​രാ​ഷ്ട്ര വേ​ദി​ക​ളി​ല​ട​ക്കം പ്ര​തി​ഷേ​ധ​മു​യ​ർ​ത്തി​യ കൊ​ല​പാ​ത​കം അ​ര​ങ്ങേ​റി​യ​ത്. ഹി​ന്ദു​ത്വ പ്ര​വ​ർ​ത്ത​ക​രാ​യ 18 പേ​രെ പ്ര​തി​ക​ളാ​ക്കി 2018 ന​വം​ബ​റി​ൽ 9,000ത്തി​ലേ​റെ പേ​ജു​ള്ള കു​റ്റ​പ​ത്രം സ​മ​ർ​പ്പി​ച്ചു. ഹി​ന്ദു​രാ​ഷ്​​ട്രം സ്ഥാ​പി​ക്കാ​ൻ ദേ​ശ​ദ്രോ​ഹി​ക​ളെ ഉ​ന്മൂ​ല​നം ചെ​യ്യു​ക​യാ​യി​രു​ന്നു പ്ര​തി​ക​ളു​ടെ ല​ക്ഷ്യം. സ​നാ​ത​ൻ സ​ൻ​സ്ത, ഹി​ന്ദു ജ​ന​ജാ​ഗ്ര​തി സ​മി​തി, ശി​വ പ്ര​തി​ഷ്ഠാ​ൻ ഹി​ന്ദു​സ്ഥാ​ൻ തു​ട​ങ്ങി​യ തീ​വ്ര​വാ​ദ സം​ഘ​ട​ന പ്ര​വ​ർ​ത്ത​ക​രാ​ണ് മു​ഴു​വ​ൻ പ്ര​തി​ക​ളും.

കോ​വി​ഡ്കാ​ലം വ​ന്ന​തും പ്ര​തി​ഭാ​ഗം നി​ര​ന്ത​രം പെ​റ്റീ​ഷ​ൻ സ​മ​ർ​പ്പി​ച്ച​തും വി​ചാ​ര​ണ ആ​രം​ഭി​ക്കു​ന്ന​ത് വൈ​കി​ച്ചു. സം​ഘ​ടി​ത കു​റ്റ​കൃ​ത്യം ത​ട​യു​ന്ന​തി​നു​ള്ള ക​ർ​ണാ​ട​ക നി​യ​മം (ക​ർ​ണാ​ട​ക ക​ൺ​ട്രോ​ൾ ഓ​ഫ് ഓ​ർ​ഗ​നൈ​സ്ഡ് ക്രൈം​സ് ആ​ക്ട്- കെ.​സി.​ഒ.​സി.​എ) പ്ര​കാ​ര​മാ​ണ് കേ​സ് ര​ജി​സ്റ്റ​ർ ചെ​യ്തി​രി​ക്കു​ന്ന​ത്. 2022 മാ​ർ​ച്ചി​ൽ ബം​ഗ​ളൂ​രു​വി​ലെ പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി​യി​ൽ വി​ചാ​ര​ണ ആ​രം​ഭി​ച്ചി​ട്ടും ഇ​തു​വ​രെ 530 സാ​ക്ഷി​ക​ളി​ൽ 83 പേ​രെ മാ​ത്ര​മാ​ണ് വി​സ്ത​രി​ച്ച​ത്. ഇ​തി​നി​ടെ കേ​സ് പ​രി​ഗ​ണി​ച്ച മൂ​ന്ന് ജ​ഡ്ജി​മാ​ർ മാ​റു​ക​യും ചെ​യ്തു. ഇ​ത് കേ​സി​ന്റെ വി​ചാ​ര​ണ​യെ പ്ര​തി​കൂ​ല​മാ​യി ബാ​ധി​ക്കു​ന്ന​താ​യി ചൂ​ണ്ടി​ക്കാ​ട്ടി​യ ഗൗ​രി ല​​ങ്കേ​ഷി​ന്റെ സ​ഹോ​ദ​രി ക​വി​ത ല​​ങ്കേ​ഷ് കേ​സി​ന്റെ വി​ചാ​ര​ണ വേ​ഗ​ത്തി​ലാ​ക്കാ​ൻ പ്ര​ത്യേ​ക ഫാ​സ്റ്റ് ട്രാ​ക്ക് കോ​ട​തി അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ടു.

‘‘കു​റ്റ​പ​ത്രം സ​മ​ർ​പ്പി​ച്ച് അ​ഞ്ചു​വ​ർ​ഷ​മാ​യി​ട്ടും വി​ചാ​ര​ണ നീ​ളു​ക​യാ​ണ്. വി​ചാ​ര​ണ ഇ​ങ്ങ​നെ പോ​കു​ന്ന​തി​ൽ ഞ​ങ്ങ​ൾ നി​രാ​ശ​രാ​ണ്. വി​ചാ​ര​ണ വേ​ഗ​ത്തി​ലാ​ക്കാ​ൻ സ​ർ​ക്കാ​ർ ആ​വ​ശ്യ​മാ​യ ന​ട​പ​ടി സ്വീ​ക​രി​ക്കു​മെ​ന്നാ​ണ് പ്ര​തീ​ക്ഷ’’ -ക​വി​ത പ​റ​ഞ്ഞു. ഈ ​ആ​വ​ശ്യ​മു​ന്ന​യി​ച്ച് കു​ടും​ബാം​ഗ​ങ്ങ​ൾ മു​ഖ്യ​മ​ന്ത്രി സി​ദ്ധ​രാ​മ​യ്യ​യെ​യും ക​ണ്ടു. നി​ല​വി​ൽ മാ​സ​ത്തി​ൽ നാ​ലോ അ​ഞ്ചോ ദി​വ​സം​മാ​ത്ര​മാ​ണ് വി​ചാ​ര​ണ ന​ട​ക്കു​ന്ന​ത്. ഇ​ത് ക​ണ​ക്കി​ലെ​ടു​ത്താ​ൽ വി​ചാ​ര​ണ പൂ​ർ​ത്തി​യാ​വാ​ൻ ചു​രു​ങ്ങി​യ​ത് ര​ണ്ടു​വ​ർ​ഷം കൂ​ടി​യെ​ടു​ക്കും.

ക​ഴി​ഞ്ഞ​യാ​ഴ്ച ന​ട​ന്ന വി​ചാ​ര​ണ​ക്കി​ടെ പ്രോ​സി​ക്യൂ​ഷ​ൻ വി​ഭാ​ഗം ഹാ​ജ​രാ​ക്കി​യ സാ​ക്ഷി​ക​ളി​ലൊ​രാ​ൾ മൊ​ഴി മാ​റ്റി​പ്പ​റ​ഞ്ഞി​രു​ന്നു. ഹി​ന്ദു ജ​ന​ജാ​ഗ്ര​തി സ​മി​തി പ്ര​ധാ​ന റി​ക്രൂ​ട്ട​ർ​മാ​രി​ലൊ​രാ​ളാ​യ സു​ജി​ത് കു​മാ​റി​നൊ​പ്പം 2016ൽ ​ആ​യു​ധ പ​രി​ശീ​ല​ന​ത്തി​ന് താ​നും പു​ണെ​യി​ലേ​ക്ക് പോ​യി​രു​ന്ന​താ​യും തോ​ക്ക് ഉ​പ​യോ​ഗി​ക്കാ​ൻ പ​രി​ശീ​ല​നം ല​ഭി​ച്ച​താ​യും ഇ​യാ​ൾ നേ​ര​ത്തേ മൊ​ഴി ന​ൽ​കി​യി​രു​ന്നു. എ​ന്നാ​ൽ, ക​ഴി​ഞ്ഞ​യാ​ഴ്ച ഇ​യാ​ൾ മൊ​ഴി​മാ​റ്റി. പ്ര​ത്യേ​ക അ​ന്വേ​ഷ​ണ സം​ഘം (എ​സ്.​ഐ.​ടി) നി​ർ​ബ​ന്ധി​ച്ചി​ട്ടാ​ണ് താ​ൻ അ​ത്ത​ര​ത്തി​ൽ മൊ​ഴി ന​ൽ​കി​യ​തെ​ന്ന് ഇ​യാ​ൾ കോ​ട​തി​യെ അ​റി​യി​ച്ചു. കേ​സി​ൽ ഇ​തു​വ​രെ വി​സ്ത​രി​ച്ച സാ​ക്ഷി​ക​ളി​ൽ മൊ​ഴി മാ​റ്റി​പ്പ​റ​യു​ന്ന ആ​ദ്യ സം​ഭ​വ​മാ​ണി​തെ​ന്ന് പ​ബ്ലി​ക് പ്രോ​സി​ക്യൂ​ട്ട​റാ​യ എ​സ്. ബാ​ല​ൻ ചൂ​ണ്ടി​ക്കാ​ട്ടു​ന്നു.

ബം​ഗ​ളൂ​രു ടൗ​ൺ​ഹാ​ളി​ൽ ന​ട​ന്ന ഗൗ​രി ല​​ങ്കേ​ഷ് അ​നു​സ്മ​ര​ണ​ത്തി​ൽ മു​ഖ്യ​മ​ന്ത്രി സി​ദ്ധ​രാ​മ​യ്യ, ക​ർ​ഷ​ക നേ​താ​വ് രാ​കേ​ഷ് ടി​കാ​യ​ത്ത്, മേ​ഘാ​ല​യ​യി​ലെ പൊ​ളി​റ്റി​ക്ക​ൽ ആ​ക്ടി​വി​സ്റ്റ് ആ​ഞ്ജ​ല രം​ഗ​ദ്, കെ.​കെ. ഷൈ​ല​ജ ടീ​ച്ച​ർ, ന​ട​ൻ പ്ര​കാ​ശ് രാ​ജ്, ഗൗ​രി​യു​ടെ മാ​താ​വ് ഇ​ന്ദി​ര ല​​ങ്കേ​ഷ്, സ​ഹോ​ദ​രി ക​വി​ത ല​​ങ്കേ​ഷ് തു​ട​ങ്ങി​യ​വ​ർ ഗൗ​രി അ​നു​സ്മ​ര​ണ​പ്പ​തി​പ്പ്

പ്ര​കാ​ശ​നം ചെ​യ്യു​ന്ന