ഷീന ബോറ കേസിലെ ഇൻസ്​പെക്​ടറുടെ ഭാര്യയുടെ കൊലപാതകം: മകൻ റിമാൻറിൽ 

മുംബൈ: ഷീന ബോറ ​കൊലക്കേസ്​ അന്വേഷിച്ച പൊലിസ് ഇൻസ്​പെക്​ടർ ജ്ഞാനേശ്വർ ഗനോരെയുടെ ഭാര്യയെ കൊലപ്പെടുത്തിയ കേസിൽ അറസ്​റ്റിലായ മകൻ സിദ്ധാന്ത്​ ഗനോരെയെ കോടതി പൊലിസ്​ കസ്​റ്റഡിയിൽ വിട്ടു. വ്യാഴാഴ്​ച ജോധ്​പൂരിൽ പിടിയിലായ സിദ്ധാന്തിനെ വെള്ളിയാഴ്​ച മുംബൈയിലെത്തിച്ച്​ ബാന്ദ്രയിലെ കോടതിയിൽ ഹാജരാക്കുകയായിരുന്നു. ജൂൺ രണ്ട്​ വരെയാണ്​ പൊലീസ്​ കസ്​റ്റഡി. സാന്താക്രൂസിലെ പ്രഭാത്​ അപാർട്ട്​മ​​​െൻറിലെ ഫ്ലാറ്റിൽ ബുധനാഴ്​ച പുലർച്ചെ 3.30നാണ്​ ജ്ഞാനേശ്വർ ഗനോരെയുടെ ഭാര്യ ദീപാലിയെ കൊല്ലപ്പെട്ട നിലയിൽ കണ്ടെത്തിയത്​. സംഭവ ശേഷം സിദ്ധന്ത്​ നാടുവിടുകയായിരുന്നു. 
 

മുംബൈയിൽ നിന്ന്​ പല ട്രെയിനുകളിൽ യാത്ര ചെയ്​ത്​ സിദ്ധാന്ത്​ ആദ്യം ജയ്​​പൂരിലേക്കും പിന്നീട്​​ ജോധ്​പുരിലേക്കും പോകുകയായിരുന്നുവെന്ന്​ പൊലീസ്​ വൃത്തങ്ങൾ പറഞ്ഞു. ജോധ്​പൂർ പൊലീസ്​ പിടികൂടി മുംബൈ പൊലീസ്​ സംഘത്തിന്​ കൈമാറുകയായിരുന്നു. 

അമ്മയെ കൊന്നത്​ താനാണെന്ന്​ സിദ്ധാന്ത്​ സമ്മതിച്ചതായി പൊലിസ്​ വൃത്തങ്ങൾ പറഞ്ഞു. അമ്മ നിത്യവും താനുമായും അച്ഛനുമായും വഴക്കിടാറുണ്ടെന്നും ത​​​​െൻറ പഠനവുമായി ബന്ധപ്പെട്ട പ്രോഗ്രസ്​ റിപ്പോർട്ട്​ ആവശ്യപ്പെട്ടതോടെ സഹികെട്ട്​ വകവരുത്തിയതാണെന്നുമത്രെ സിദ്ധാന്ത്​ മൊഴി നൽകിയത്​​. ദീപാലി കുത്തേറ്റ്​ വീണിടത്ത്​ അവരുടെ രക്​തം കൊണ്ട്​ ‘ഇവരെ കൊണ്ട്​ സഹികെട്ടു. എന്നെ പിടികൂടൂ. തൂക്കികൊല്ലൂ’എന്ന്​  എഴുതിയിരുന്നു. പുഞ്ചിരിയുടെ അടയാളവും വരച്ചിരുന്നു. 

കഴുത്തിനും വയറിനുമായി ഒമ്പത്​ കുത്തുകളാണ്​ ദീപാലിയുടെ ശരീരത്തിലുണ്ടായിരുന്നത്​. മൽപിടുത്തത്തിനിടെ കൈയ്യിലും ആഴത്തിലുള്ള മുറിവുകളേറ്റിരുന്നു.