മുസ്‍ലിം വിദ്വേഷ പ്രസ്താവന: അലഹബാദ് ഹൈകോടതി ജഡ്ജി സുപ്രീംകോടതി കൊളീജിയത്തിന് മുമ്പാകെ ഹാജരായി

ന്യൂഡൽഹി: മു​സ്‍ലിം വി​ദ്വേ​ഷ പ്ര​സ്താ​വ​ന നടത്തിയ അ​ല​ഹാ​ബാ​ദ് ഹൈ​കോ​ട​തി സി​റ്റി​ങ് ജ​ഡ്ജി ശേ​ഖ​ർ കു​മാ​ർ യാ​ദ​വ് സുപ്രീംകോടതി കൊളീജിയത്തിന് മുമ്പാകെ ഹാരജായി. വി​ദ്വേ​ഷ പ്ര​സ്താ​വ​ന സംബന്ധിച്ച് ചീഫ് ജസ്റ്റിസ് സഞ്ജീവ് ഖന്നയുടെ നേതൃത്വത്തിലുള്ള കൊളീജിയത്തിന് മുമ്പാകെ കൊളീജിയത്തിന് മുമ്പിൽ ജ​ഡ്ജി വിശദീകരിച്ചെന്നാണ് റിപ്പോർട്ട്.

ഡി​സം​ബ​ർ എ​ട്ടി​ന് വി​ശ്വ​ഹി​ന്ദു പ​രി​ഷ​ത്ത് (വി.​എ​ച്ച്.​പി) പ​രി​പാ​ടി​യി​ൽ പ​​ങ്കെ​ടു​ത്ത് ശേ​ഖ​ര്‍ കു​മാ​ര്‍ യാ​ദ​വ് ന​ട​ത്തി​യ പ്ര​സം​ഗ​ത്തി​ന്റെ പൂ​ര്‍ണ​രൂ​പം കൈ​മാ​റാ​ന്‍ ഹൈ​കോ​ട​തി​ക്ക് സു​പ്രീം​കോ​ട​തി കഴിഞ്ഞ ദിവസം നി​ര്‍ദേ​ശം ന​ൽ​കിയിരുന്നു. പ്രസംഗത്തിന്‍റെ എഴുതിയ കുറിപ്പും വിഡിയോയും കൈമാറാനാണ് നിർദേശിച്ചിട്ടുള്ളത്.

തെറ്റുകാരനെന്ന് കണ്ടെത്തിയാൽ ജഡ്ജിക്കെതിരെ രണ്ട് നടപടികളാണ് സുപ്രീംകോടതിക്ക് സ്വീകരിക്കാൻ സാധിക്കുക. ജഡ്ജിയെ ഇം​പീ​ച്ച് ചെയ്യാനുള്ള ശിപാർശ രാഷ്ട്രപതിക്ക് കൈമാറാം. അല്ലെങ്കിൽ കേസുകളിൽ നിന്ന് മാറ്റി നിർത്താൻ നിർത്താൻ നിർദേശിക്കാം.

അതേസമയം, മു​സ്‍ലിം​ക​ൾ​ക്കെ​തി​രെ വി​ദ്വേ​ഷ പ്ര​സം​ഗം ന​ട​ത്തി​യ ജ​ഡ്ജി ശേ​ഖ​ർ കു​മാ​ർ യാ​ദ​വി​നെ ഇം​പീ​ച്ച് ചെ​യ്യാ​ൻ ഇ​ൻ​ഡ്യ മു​ന്ന​ണിയുടെ നേതൃത്വത്തിൽ രാജ്യസഭയിൽ നോ​ട്ടീ​സ് ന​ൽ​കിയിട്ടുണ്ട്. സു​പ്രീം​​കോ​ട​തി ബാ​ർ അ​സോ​സി​യേ​ഷ​ൻ പ്ര​സി​ഡ​ന്റും രാ​ജ്യ​സ​ഭാം​ഗ​വു​മാ​യ ക​പി​ൽ സി​ബ​ലി​ന്റെ നേ​തൃ​ത്വ​ത്തി​ലാ​ണ് ഇം​പീ​ച്ച്മെ​ന്റ് നോ​ട്ടീ​സ് ന​ൽ​കിയ​ത്. എന്നാൽ, ഇം​പീ​ച്ച് ചെ​യ്യാ​നുള്ള നോട്ടീസിനെതിരെ ഹരജി അ​ല​ഹാ​ബാ​ദ് ഹൈ​കോ​ട​തിയിൽ ഹരജി സമർപ്പിച്ചിട്ടുണ്ട്.

മു​സ്‍ലിം വി​ഭാ​ഗ​ത്തി​നെ​തി​രെ വി​ദ്വേ​ഷ പ്ര​സം​ഗം ന​ട​ത്തി​യ ജ​ഡ്ജി എ​സ്.​കെ. യാ​ദ​വി​നെ​തി​രെ മു​സ്‍ലിം ലീ​ഗ് എം.​പി​മാ​ർ രാ​ഷ്ട്ര​പ​തി​ക്ക് പ​രാ​തി ന​ൽ​കിയിട്ടുണ്ട്. ജ​ഡ്ജി ന​ട​ത്തി​യ​ത് ഭ​ര​ണ​ഘ​ട​നാ ലം​ഘ​ന​മാ​ണെ​ന്നും സു​പ്രീം​കോ​ട​തി സ്വ​മേ​ധ​യാ കേ​സെ​ടു​ക്ക​ണ​മെ​ന്നും എം.​പി​മാ​ർ ആ​വ​ശ്യ​പ്പെ​ട്ടു.

വി​ദ്വേ​ഷ പ്ര​സം​ഗം ന​ട​ത്തി​യ ജ​ഡ്ജി ശേ​ഖ​ർ കു​മാ​ർ യാ​ദ​വി​നെ​തി​രെ ന​ട​പ​ടി സീ​ക​രി​ക്കാ​ത്ത​തിനെതിരെ ക​ത്തോ​ലി​ക്ക മെ​ത്രാ​ന്‍ സ​മി​തിയും (സി.​ബി.​സി.​ഐ) പ്രതികരിച്ചിരുന്നു.

ജ​ഡ്ജി​യു​ടെ വി​ദ്വേ​ഷ പ്ര​സം​ഗ​ത്തി​ലെ ഭാ​ഗ​ങ്ങ​ൾ:

‘‘ഈ ​രാ​ജ്യം ‘ഹി​ന്ദു​സ്ഥാ​ൻ’ ആ​ണെ​ന്ന് പ​റ​യാ​ൻ ത​നി​ക്ക് ഒ​രു ശ​ങ്ക​യു​മി​ല്ല. ഇ​വി​ടെ ജീ​വി​ക്കു​ന്ന ഭൂ​രി​പ​ക്ഷ​ത്തി​​ന്റെ ഇം​ഗി​ത​മ​നു​സ​രി​ച്ചാ​ണ് ഈ ​രാ​ജ്യം ച​ലി​ക്കു​ക. ഇ​താ​ണ് നി​യ​മം. ഒ​രു ഹൈ​കോ​ട​തി ജ​ഡ്ജി​യെ​ന്ന നി​ല​ക്ക​ല്ല താ​ൻ സം​സാ​രി​ക്കു​ന്ന​ത്. മ​റി​ച്ച് ഭൂ​രി​പ​ക്ഷ​ക്കാ​ർ​ക്ക് അ​നു​സ​രി​ച്ചാ​ണ് നി​യ​മം പ്ര​വ​ർ​ത്തി​ക്കു​ന്ന​ത്. ഒ​രു കു​ടും​ബ​ത്തി​ന്റെ കാ​ര്യ​മാ​യാ​ലും സ​മൂ​ഹ​ത്തി​​ന്റെ കാ​ര്യ​മാ​യാ​ലും ഭൂ​രി​പ​ക്ഷ​ത്തി​ന്റെ സ​ന്തോ​ഷ​മാ​ണ് പ​രി​ഗ​ണി​ക്ക​പ്പെ​ടു​ക.

എ​ന്നാ​ൽ ഈ ‘​ക​ഠ്മു​ല്ല’​യു​ണ്ട​ല്ലോ.... ആ ​വാ​ക്ക് ഒ​രു പ​ക്ഷേ ശ​രി​യാ​യ വാ​ക്കാ​ക​ണ​മെ​ന്നി​ല്ല... എ​ന്നാ​ലും പ​റ​യു​ക​യാ​ണ്. അ​വ​ർ ഈ​ രാ​ജ്യ​ത്തി​ന് അ​പ​ക​ട​ക​ര​മാ​ണ്. അ​വ​ർ രാ​ജ്യ​ത്തി​നും ജ​ന​ങ്ങ​ൾ​ക്കും ഉ​പ​ദ്ര​വ​ക​ര​മാ​ണ്. പൊ​തു​ജ​ന​ത്തെ ഇ​ള​ക്കി​വി​ടു​ന്ന​വ​രാ​ണ്. രാ​ജ്യ​ത്തി​ന്റെ പു​രോ​ഗ​തി ആ​ഗ്ര​ഹി​ക്കാ​ത്ത ഇ​ത്ത​ര​മാ​ളു​ക​ളെ ക​രു​തി​യി​രി​ക്ക​ണം. മു​സ്‍ലിം​ക​ൾ നി​ര​വ​ധി ഭാ​ര്യ​മാ​ർ വേ​ണ​മെ​ന്ന​ത് അ​വ​കാ​ശ​മാ​യി ക​രു​തു​ന്ന​വ​രാ​ണ്’’.