വഖഫ് അവകാശപോരാട്ടം തെരുവിലേക്കും വ്യാപിപ്പിക്കാനുറച്ച് മു​സ്‍ലിം വ്യ​ക്തി നി​യ​മ ബോ​ർ​ഡ്

ന്യൂ​ഡ​ൽ​ഹി: മു​സ്‍ലിം സ​മു​ദാ​യ​ത്തി​ന്റെ അ​വ​കാ​ശ​ങ്ങ​ൾ ഇ​ല്ലാ​താ​ക്കാ​ൻ​ കൊ​ണ്ടു​വ​രു​ന്ന ക​രി​നി​യ​മ​ത്തി​നെ​തി​രെ നി​യ​മ​പോ​രാ​ട്ട​ത്തി​നൊ​പ്പം സ​മ​രം തെ​രു​വു​ക​ളി​ലേ​ക്കും വ്യാ​പി​പ്പി​ക്കു​മെ​ന്ന് അ​ഖി​ലേ​ന്ത്യ മു​സ്‍ലിം വ്യ​ക്തി നി​യ​മ ബോ​ർ​ഡ്. മു​സ്‍ലിം സ​മു​ദാ​യ​ത്തി​ന്റെ വ​സ്തു​വ​ക​ക​ൾ പി​ടി​ച്ചെ​ടു​ക്കാ​നു​ള്ള ശ്ര​മ​മാ​ണി​ത്. ഇ​ത് അം​ഗീ​ക​രി​ച്ചു​കൊ​ടു​ക്കി​ല്ല. ബി​ൽ പാ​സാ​യാ​ൽ ക​ർ​ഷ​ക സ​മ​ര മാ​തൃ​ക​യി​ൽ സ​മാ​ധാ​ന​പ​ര​മാ​യി രാ​ജ്യ​വ്യാ​പ​ക സ​മ​ര​ങ്ങ​ളി​ലേ​ക്ക് ക​ട​ക്കു​മെ​ന്നും ബു​ധ​നാ​ഴ്ച ഡ​ൽ​ഹി പ്ര​സ് ക്ല​ബ് ഓ​ഫ് ഇ​ന്ത്യ​യി​ൽ ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ൽ വ്യ​ക്തി നി​യ​മ ബോ​ർ​ഡ് നേ​താ​ക്ക​ൾ വ്യ​ക്ത​മാ​ക്കി.

ഇ​ത് രാ​ഷ്ട്രീ​യ​ബി​ൽ ആ​ണെ​ന്നും ഇ​തി​നെ പി​ന്തു​ണ​ക്കു​ന്ന​തോ​ടെ മ​ത നി​ര​പേ​ക്ഷ​ത പ​റ​ഞ്ഞു ന​ട​ക്കു​ന്ന പാ​ർ​ട്ടി​ക​ളു​ടെ മൂ​ടു​പ​ടം പു​റ​ത്താ​കു​മെ​ന്നും വ്യ​ക്തി നി​യ​മ ബോ​ർ​ഡ് വ​ക്താ​വ് എ​സ്.​ക്യു.​ആ​ർ. ഇ​ല്യാ​സ് പ​റ​ഞ്ഞു. നി​ർ​ദി​ഷ്ട നി​യ​മം പി​ൻ​വ​ലി​ക്കും​വ​രെ വി​​​ശ്ര​മി​ക്കി​ല്ല. നി​യ​മ, ജ​നാ​ധി​പ​ത്യ പോ​രാ​ട്ട​ത്തി​ന് എ​ല്ലാ മ​തേ​ത​ര വി​​ശ്വാ​സി​ക​ളും കൂ​ടെ നി​ൽ​ക്ക​ണ​മെ​ന്നും അ​ദ്ദേ​ഹം അ​ഭ്യ​ർ​ഥി​ച്ചു. ബി​ൽ പി​ൻ​വ​ലി​പ്പി​ക്കാ​ൻ സ​മാ​ധാ​ന​പ​ര​മാ​യ എ​ല്ലാ വ​ഴി​ക​ളും തേ​ടും. നി​യ​മ പോ​രാ​ട്ടം ഒ​രു വ​ഴി മാ​ത്ര​മാ​ണ്. ക​ർ​ഷ​ക സ​മ​രം ഉ​ണ്ടാ​യ​പ്പോ​ൾ വി​വാ​ദ ബി​ല്ലു​ക​ൾ കേ​ന്ദ്ര​ത്തി​ന് പി​ൻ​വ​ലി​ക്കേ​ണ്ടി വ​ന്നു. ക​ർ​ഷ​ക പ്ര​തി​ഷേ​ധം ഡ​ൽ​ഹി അ​തി​ർ​ത്തി​ക​ളി​ൽ ആ​യി​രു​ന്നെ​ങ്കി​ൽ ഈ ​സ​മ​രം രാ​ജ​വ്യാ​പ​ക​മാ​യി​രി​ക്കും.

ആ​വ​ശ്യ​മെ​ങ്കി​ൽ റോ​ഡ് ഉ​പ​രോ​ധി​ക്കു​മെ​ന്നും അ​ദ്ദേ​ഹം പ​റ​ഞ്ഞു. വ​ഖ​ഫ് ബോ​ർ​ഡി​ന്റെ ഘ​ട​ന​യി​ൽ മാ​റ്റം വ​രു​ത്തു​ന്ന​തി​ലൂ​ടെ​യും മു​സ്‌​ലിം ഇ​ത​ര അം​ഗ​ങ്ങ​ളെ ഉ​ൾ​പ്പെ​ടു​ത്തു​ന്ന​തി​ലൂ​ടെ​യും വ​ഖ​ഫ് ബോ​ർ​ഡി​ന്റെ സ്വ​യം​ഭ​ര​ണാ​വ​കാ​ശം ഇ​ല്ലാ​താ​ക്കു​ന്നു​വെ​ന്ന് അ​ഖി​ലേ​ന്ത്യ വ്യ​ക്തി നി​യ​മ ബോ​ർ​ഡ് ജ​ന​റ​ൽ സെ​ക്ര​ട്ട​റി മൗ​ലാ​ന ഫ​സ​ലു​റ​ഹീം മു​ജ​ദ്ദി​ദ്ദി പ​റ​ഞ്ഞു.വി​വേ​ച​ന​പ​ര​വും വ​ർ​ഗീ​യ​പ്രേ​രി​ത​വും മു​സ്‍ലിം പൗ​ര​ന്മാ​രു​ടെ ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ളു​ടെ വ്യ​ക്ത​മാ​യ ലം​ഘ​ന​വു​മാ​ണ് ബി​ല്ലെ​ന്ന് വ്യ​ക്തി നി​യ​മ ബോ​ർ​ഡ് ഉ​പാ​ധ്യ​ക്ഷ​ൻ മൗ​ലാ​ന മു​ഹ​മ്മ​ദ് അ​ലി മു​ഹ്സി​ൻ വ്യ​ക്ത​മാ​ക്കി. ജെ.​പി.​സി​ക്ക് മു​മ്പാ​​കെ ആ​ശ​ങ്ക രേ​ഖ​പ്പെ​ടു​ത്തി​യി​രു​ന്നു. എ​ന്നാ​ൽ, ജെ.​പി.​സി കൂ​ടു​ത​ൽ പ്ര​തി​സ​ന്ധി സൃ​ഷ്ടി​ക്കു​ക​യാ​ണു​ണ്ടാ​യ​തെ​ന്നും അ​ദ്ദേ​ഹം കു​റ്റ​പ്പെ​ടു​ത്തി. മു​ൻ എം.​പി​യും വ്യ​ക്തി നി​യ​മ ബോ​ർ​ഡ് അം​ഗ​വു​മാ​യ മു​ഹ​മ്മ​ദ് അ​ദീ​ബും സം​സാ​രി​ച്ചു.