കുടിയേറിയ മുസ്​ലിംകൾ അഭയാർഥികളല്ല, നുഴഞ്ഞു കയറ്റക്കാർ- ത്രിപുര ഗവർണർ

അഗർത്തല: മെച്ചപ്പെട്ട തൊഴിൽ- സാമ്പത്തിക സാഹചര്യങ്ങൾ അന്വേഷിച്ച്​ മറ്റൊരു രാജ്യത്തേക്ക്​ കുടിയേറുന്നവർ നുഴഞ്ഞുകയറ്റക്കാരാണെന്ന്​ ത്രിപുര ഗവർണർ തഥാഗത റോയ്​. അസം പൗരത്വ രജിസ്​ട്രേഷനുമായി ബന്ധപ്പെട്ടാണ്​ തഥാഗത റോയ്​ ഇൗ പരാമർശം നടത്തിയത്​. 

‘ഒരു രാജ്യത്തു നിന്ന്​ മതത്തി​​​െൻറ പേരിലോ, വംശീയപരമായോ, രാഷ്​ട്രീയപരമായോ അനുഭവിക്കുന്ന പീഡനത്തിൽ നിന്ന്​ രക്ഷനേടാൻ രാജ്യം വിടുന്നവർ മാത്രമാണ്​​ അഭയാർഥികൾ. മെച്ചപ്പെട്ട തൊഴിൽ- സാമ്പത്തിക സാഹചര്യങ്ങൾ അന്വേഷിച്ച്​ മറ്റൊരു രാജ്യത്തേക്ക്​ കുടിയേറുന്നവർ അഭയാർഥികളല്ലെന്നും തഥാഗത റോയ്​ ട്വീറ്റ്​ ചെയ്​തു. 

അസം പൗരത്വ ലിസ്​റ്റിൽ നിന്ന്​ പുറത്താക്ക​െപ്പട്ടവരെ കുറിച്ചോർത്ത്​ കരയുന്നവർ അഭയാർഥികൾക്കായുള്ള യു.എൻ ഹൈ കമ്മീഷണർ ‘അഭയാർഥി’ എന്ന വാക്കി​ന്​ നൽകിയ അർഥം വായിക്കണമെന്ന്​ ഉപദേശിക്കുന്നുവെന്നും ​ഗവർണറുടെ ട്വീറ്റിലുണ്ട്​.  

ഒരു രാജ്യത്തു നിന്ന്​ മ​െറ്റാരു രാജ്യത്തേക്ക്​ പോകുന്ന എല്ലാ പ്രായമായ ആളുകളും അഭയാർഥികളല്ല. ഇന്ത്യ ഇപ്പോഴും ഒൗദ്യോഗികമായി അംഗീകരിച്ചിട്ടില്ലെങ്കിലും യു.എൻ ഹൈകമ്മീഷ​​​െൻറ നിർവചന പ്രകാരം, ചില കാരണങ്ങൾ കൊണ്ട്​ ബംഗ്ലാദേശിൽ നിന്നും പാകിസ്​താനിൽ നിന്നും കുടിയേറുന്ന ഹിന്ദു, സിഖ്​, ക്രിസ്​ത്യൻ, ബുദ്ധിസ്​റ്റ്​ വിഭാഗങ്ങൾ അഭയാർഥികളാണ്​. എന്നാൽ, ഇന്ത്യയിലേക്ക്​ കടന്ന മുസ്​ലിംകൾ അഭയാർഥികളല്ല. അവർ അവരു​െട രാജ്യത്ത്​ പീഡനങ്ങൾക്കിരയാകുന്നില്ലെന്നും റോയ്​ പറഞ്ഞു.