മീശയില്ലാതെ താടിവെക്കുന്ന മുസ്​ലിംകൾ മൗലികവാദികൾ-​ വസീം റിസ്​വി

ലഖ്​നോ: മീശയില്ലാതെ താടിവെക്കുന്ന മുസ്​ലിംകൾ മൗലികവാദികളെന്ന്​ ഉത്തർപ്രദേശ്​ ശിയ വഖഫ്​ ബോർഡ്​ ചെയർമാൻ വസീം റിസ്​വി. താടി വെക്കുന്നത്​ സുന്നത്താണ്​. എന്നിരുന്നാലും മീശയില്ലാതെ താടി വെക്കുന്നത്​ കാഴ്​ചയിൽ ഭയപ്പെടുത്തുന്നതും സുന്നത്തിനെതിരുമാണ്​. അത്തരം ആളുകളാണ്​ ലോകത്താകമാനം തീവ്രവാദം പ്രോത്സാഹിപ്പിക്കുന്നതെന്നും റിസ്​വി പ്രസ്​താവനയിൽ പറഞ്ഞു. 

ചില മുസ്​ലിം സംഘടനകൾ മറ്റുള്ളവരുടെ വ്യക്തി ജീവിതത്തിൽ ഇട​െപട്ട്​ ഫത്​വ പുറപ്പെടുവിക്കുന്നതിനെയും അദ്ദേഹം എതിർത്തു. ഭരണഘടനയെ എതിർത്ത്​ സ്വന്തം നിയമങ്ങൾ നിർമിക്കാൻ ആർക്കും അവകാശമില്ലെന്നും അത്തരം ഫത്​വ ഇറക്കുന്നവരെ രാജ്യദ്രോഹികളായി കണക്കാക്കി കേസെടുക്കണമെന്നും റിസ്​വി ആവശ്യപ്പെട്ടു. 

ഇന്ത്യയിലെ ചില മുസ്​ലിംകൾ ജമ്മു കശ്​മീരി​െല ​െഎ.എസ്​.​​ പ്രവർത്തനങ്ങളുടെ സ്വാധീനത്തിൽ പെട്ടിട്ടുണ്ട്​. അത്​ രാജ്യത്ത്​ അക്രമം ഉണ്ടാവുന്നതിലേക്ക് നയിക്കുമെന്നും അത്തരക്കാർക്കെതിരെ ശക്​തമായ നടപടി സ്വീകരിക്കണമെന്നും റിസ്​വി അഭിപ്രായപ്പെട്ടു.